• ¹ เยีย เซ ซา^โลน เญย เหยียด นอม จั๋น- มวั์ง ฌิ้ม เปี้ยง,
• เป๋น เยียม ฮ์อง เญย แปะ เหาะ เปี้ยง.

• ² เหยียด นอม แปะ เหาะ เปี้ยง เยียม ฌิ้ม-หล่ม ฮนั้ง หาย นอ,
• เยีย ฮนั้ม เญย เซียะ เยียม หฒวัง เซียะ บุด๋ง หย่า ฮนั้ง วั้ว นอ.

• ³ เหยียด ฒู่ง ปะจ้าว เปี๊ยว เยียม เดี๋ยง-หล่ม กะญั์ว ฮนั้ง หาย นอ,
• เยีย ฮนั้ม เญย ตอน เยียม เหยียด ฒู้ง ตอน บุด๋ง หย่า ฮนั้ง วั้ว นอ.
• เยีย อะเฮน้ย เฒว์ย เจี๊ยน นิ่น ท้อง ล่าง เญย ต๋อง,
• เสย นิ่น เญย เปี๊ยว เญย เหมวย ฯฒฯ ฮิ้ว ตุ๊ กาม เญย.
• ⁴ นิ่น ต้อ เยีย เปียะ นิ่น เบ่น หฮนาง โฮล
  เญย ต๋อง.
• เยียม เยีย เญย มฆ้อง กู้ หงว่าย
• นิ่น เธีย เก้ ปุน ธีง นิ่น ฮนั้ม เยีย.
• ⁵ โท้ เฒาะ อะหงุ่น เปี๊ยว-ฆาย ปุน เยีย,
  เถง เยีย เฮ้น,
• แอ๋ง ปุน ปะจ้าว เปี๊ยว เถง เยีย เญย เฮญี้ยว คู่ เยียม,
• เหว่ย หฒุ เยีย ฮนั้ม เกา, เป๋น แป่ง หมี่ อ๊ะ.
• ⁶ นิ่น เญย หฒาย เจี๊ยะ ปั์ว เยียม เยีย เญย มฆ้อง กะเดี๊ย,
• นิ่น เญย บย่าว เจี๊ยะ ปั์ว ชัม เจี๊ยน เยีย.
• ⁷ โอ เย^ลู^ซา^เลม เญย หฒวัง เซียะ อ่า,
• เยีย เฒี้ยง เจี๊ยน หล่ม-ฮวาง เญย จูง ไฌ่ ขวิน เม่ย บัว,
• ไม้ ตู๋ง หละเญ้า เยีย บัว,
• เซว่ย เยีย บัว ฮนั้ม เถา ปวั๊ง เฮญี้ยว.

ตะเหญ่ย ติ้ว ฑูง

• ⁸ หมวัง ม่าะ! เยีย ฮนั้ม เญย ตอน เญย เฉีย.
• หมั่ง ม่าะ! นิ่น เยียม วั้ว บง กู้ หงว่าย ปิว เจี๊ยน ต้าย,
• ถิว เจี๊ยน กัน บง-ไอ๊ ต้าย.
• ⁹ เยีย ฮนั้ม เญย เมี่ยน เซ ฮนั้ง จูง
• หย่า ฮนั้ง ไฌ่ โก๊ว หลุน.
• นิ่น โซ้ว เจี๊ยน เยีย บัว เญย หลาด ฆะฮ้า แหมง,
• นิ่น เยียม ฟง ม่วน หมั่ง,
• เยียม ฟง ม่วน เญย แพยง เธี้ยบ.
• ¹⁰ เยีย ฮนั้ม เญย ตอน ก๊อง บั๋ว เยีย,

• เยีย ฮนั้ม เญย เซียะ อ่า, เจี์ย ต้าย ม่าะ!
• เยีย ฮนั้ม เญย เซียะ-เหฑว่ย, เหธา เยีย มี่ง ม่าะ!
• ¹¹ หมั่ง ม่าะ! จวั๊ง เญย เฒี่ยง โห่ เจี๋ย หมี่ อ๊ะ.
• บยู่ง หย่า ป่า หมี่ อ๊ะ.
• ¹² เปี้ยง ธ้วด ปวั๊ง เดา-เป้ย,
• ป๋าว ฑูง เญย เฒี่ยง โห่ เถา อ๊ะ.
• ไฮ์ เหนาะ โฆ เญย เฉีย เยียม เยีย บัว เญย เต่ย-ปูง เห่ว.
• ¹³ ง่ง หญอ เดี๋ยง เญย เปี๊ยว เจี์ย กอน หฒัวะ,
• อะหงุ่น เฮมย ฆอย เปี้ยง, ธ้วด ดาง เญย เฉีย.
• เยีย ฮนั้ม เญย เซียะ อ้า! เจี์ย ต้าย ม่าะ!
• เยีย ฮนั้ม เญย เซียะ-เหฑว่ย, เหธา เยีย มี่ง ม่าะ!
• ¹⁴ โอ เยีย เญย แปะ ก๊บ อ่า,
• เม่ย เยียม หละเปย๊ย-ง่าม,
  เยียม วั้ว แบ๋ง-ฉัง,
• โท้ ปุน เยีย ปวัด เม่ย เญย เฮมียน-เหมว่ย.
• โท้ ปุน เยีย หมวัง ไฮ์ เม่ย เญย ซีง-เฉีย,
• เหว่ย หฒุ เม่ย เญย เฉีย หฒะเก้ง คู่ หมวัง,
• เม่ย เญย เฮมียน-เหมว่ย เหฑว่ย ไห่.
• ¹⁵ อ๋อย หฒุ เฒาะ เฮยี่ย จู๊ ปุน เยีย,
• เซ เฮยี่ย จู๊ ตอน,
• นิ่น บัว โหฒว หว่าย อะหงุ่น เฮมย.
• เยีย บัว เญย อะหงุ่น เฮมย หย่า ฆอย เจี๊ยน เปี้ยง อ๊ะ.

• ¹⁶ เยีย ฮนั้ม เญย เมี่ยน เซ เยีย เญย, เยีย เซ นิ่น เญย.
• นิ่น เยียม แปะ เหาะ เปี้ยง กะญั์ว ปู๋ง นิ่น เญย ปะกี ยู่ง กวั้น.
• ¹⁷ โอ เยีย ฮนั้ม เญย ตอน อ่า,
• ฒั้ว ลู่ง ดอม ล่าง เญย หฑยาว ป่วน,
• หฮมวัง เญย ต้ง ลิ่น หมิด หมี่ อ๊ะ.
• กุ๊น หฑวน อ๊ะ, ฮนั้ง เต้า จูง,
• ฮนั้ง ไฌ่ โก๊ว หลุน ยั่ง บง-ธิด * ฟาน หฒะ ก๊อง เบ^เท เญย บง. ฮิบ^ลู หว่า เซ ไม้ หนั่ง เม่ง.
  กู้ หงว่าย มี่ง.