ซา^โล^มอน เญย ฑูง 3 (Song Of Solomon 3)

ซา^โล^มอน เญย ฑูง 3

¹ เยีย ลู่ง ม์วน หฒั่น เปว๋ย เจี๊ยน โหธว,

ล์อ เยีย เญย เฮญี้ยว ฮนั้ม วั้ว เต้า.

เยีย ล์อ นิ่น หย่า ล์อ ไม้ ปวัด. *

² เยีย ก๊อง, ``เยีย อี้ หฒั่น อ๋อย เจี์ย ซิน ต้าย โย่ว ฒี่ง กะญั์ว,

กัน จาย-ห่อง เหธา ต้ม หฒวัง หฒ่าม มี่ง.

เยีย อ๋อย ล์อ เยีย เญย เฮญี้ยว ฮนั้ม วั้ว เต้า.''

เยีย ฯฒฯ ล์อ มป่า ล์อ ไม้ ปวัด.

³ ฒั้ว ฒี่ง เญย เมี่ยน กัน นิ่น บัว ฒั้ว เญย ต๋อง มี่ง

นิ่น บัว ปวั้ง หฒุ เยีย.

เยีย หน่าย นิ่น บัว,

``เม่ย บัว ปวัด เยีย เญย เฮญี้ยว ฮนั้ม วั้ว เต้า ตอน เญย ไฟ?''

⁴ เยีย จังๆ เจี๋ย นิ่น บัว

ฯฒฯ ล์อ ปวัด เยีย เญย เฮญี้ยว ฮนั้ม
วั้ว เต้า.

เยีย นั้น เจี๊ยน นิ่น, ไม้ ปู๋ง

เถา เยีย ต้อ มี่ง เยีย เญย มา เญย เปย๊า,

ต้อ เปียะ เยีย ธ้วด เสย เญย เกน. *

⁵ โอ เย^ลู^ซา^เลม เญย หฒวัง เซียะ อ่า,

เยีย เฒี้ยง เจี๊ยน หล่ม-ฮวาง เญย จูง ไฌ่ ขวิน เม่ย บัว,

ไม้ ตู๋ง หละเญ้า เยีย บัว,

เซว่ย เยีย บัว ฮนั้ม เถา ปวั๊ง เฮญี้ยว.

ตะฟาม ติ้ว ฑูง

เซียะ

⁶ น้าย หาย หญู่ง เยียม เต่ย-ปูง-ฮวาง ต้าย

ปวัด ฮนั้ง โต์ว-เสียว-ตน นอ?

ม่าย มู^หย่อ เหธา ฟาน^เกน^เซน เญย เฉีย ดาง,

หย่า ม่าย แซง-เอ๋ย เมี่ยน หญู่งๆ ดาง เญย กะน้าย เญย เฉีย.

⁷ หมั่ง ม่าะ! เซ ซา^โล^มอน เญย จิ่ว.

ม่าย หลัวะ เหฒียบ เต้า เฮ้น เญย จุน-แปง,

เซ อิ^สะ^ลา^เอน เมี่ยน เญย จุน-แปง
เว่ย ก๋อม.

⁸ เหยียด ฒู้ง นั้น หฑุ ด๊าว,

เป๋น เบ๊าะ จ๋า เหลี่ยว เญย แปง.

เต้าๆ เญย จ๊าย ธิบ เจี๊ยน หฑุ ด๊าว,

บู้ง ลู่ง ม์วน หฒั่น ธ้วด เญย เฮ้ย สี่.

⁹ ซา^โล^มอน ฮู่ง หล่ง
เล^บา^นอน เญย เดี๋ยง

เหว่ย กั้น โหฒว นอม จิ่ว.

¹⁰ จิ่ว เญย เดี้ยว หล่ง ญ่าน โหฒว,

หล่ง เจียม โหฒว เปว่ย เญย ต๋อง,

เฒว์ย เญย ต๋อง หล่ง เซ้ด หลัวะ เญย เดีย,

เย^ลู^ซา^เลม เญย หฒวัง เซียะ หล่ง เฮญี้ยว ฒอง กะญั์ว.

¹¹ โอ สิ^โอน เญย หฒวัง เซียะ อ่า,

เม่ย บัว ธ้วด ต้าย หมั่ง ซา^โล^มอน ฮู่ง ม่าะ!

นิ่น ด๋ง เจี๊ยน ฮู่ง นี้ง,

เซ นิ่น กิ๊ด ฮววน เญย ฮนอย,

นิ่น เญย เฮญี้ยว อะเฮน้ย เญย ฮนอย,

นิ่น เญย มา ปุน * ปุน, ไฟ เถง. นิ่น ด๋ง เญย ฮู่ง นี้ง.