¹ ซา^โล^มอน เก้า คู่ หมวัง เจี๋ย เญย ฑูง. * เซ ซา^โล^มอน เฟี้ย ไฟ เมี่ยน เฟี้ย ฝูง ปุน ซา^โล^มอน ไฟ เฟี้ย ก๊อง เถา ซา^โล^มอน. * 1 ฮู่ง โต้ว 4:32

ตะเยี้ยด ติ้ว ฑูง

• ² โท้ เม่ย * น้าย เต๋ย อี โจ๋ว เม่ย ฮิบ^ลู หว่า ก๊อง นิ่น. หล่ง เม่ย เญย ฑุ่ย ฒม เยีย,
• เหว่ย หฒุ เม่ย ฮนั้ม เยีย เซ เก้า หลง อะหงุ่น ติ๊ว.
• ³ เม่ย ฑ้าด ซิน เญย โย่ว ฮว่วนๆ เญย ดาง,
• เม่ย เญย เม่ง ฮนั้ง โต๋ ธ้วด เญย โย่ว ดาง,
• เหว่ย น้าย หฒวัง เซียะ ฮนั้ม เม่ย.
• ⁴ โท้ ต้อ เยีย เหธา เม่ย มี่ง. ปุน เยีย บัว เซี้ยบๆ เญย มี่ง ม่าะ!
• ฮู่ง เตี๋ย ต้อ เยีย เปียะ นิ่น เญย เกน.

• เยีย บัว ฯฒฯ เหว่ย เม่ย เฌียน-โย่ว ออน-เหลาะ.
• เยีย บัว ฯฒฯ อ๋อย เธง เม่ย ด่ง หน่าย ฮนั้ม เยีย เก้า ธั้ม อะหงุ่น ติ๊ว-คู้.

• หฒวัง มเซียะ ตอน ฮนั้ม เม่ย เซ หอบ เญย.
• ⁵ โอ เย^ลู^ซา^เลม เญย หฒวัง เซียะ อ่า,
• ไม้ กุ๊น เยีย เจี๊ยะ, มป่า เหฑว่ย เญย,
• ฮนั้ง เค^ดา เญย ด๊บ-ลิ่ว
• หย่า ฮนั้ง ซา^โล^มอน เญย ฮู่ง ติ่น เญย แบะ แก้ง เดีย.
• ⁶ ไม้ ตู๋ง หมั่ง เผีย เยีย เหว่ย หฒุ เยีย เจี๊ยะ.
• เยีย เจี๊ยะ เหว่ย หฒุ หญุด พุย.
• เหธา เยีย จวั่ง มา เญย ก๋อ เฉีย เจี์ย เยีย,
• อ๊าบ เยีย โก๋ว อะหงุ่น หฮวีง,
• มป่า เยีย กั้น เญย อะหงุ่น หฮวีง เยีย ไม้ ตุ๊ โก๋ว. * น้าย ก๊อง หฒุ นิ่น กั้น เญย ซิน.
• ⁷ เยีย เญย เฮญี้ยว ฮนั้ม เญย เมี่ยน อ้า! โท้ เม่ย บั๋ว เยีย,
• เม่ย เยียม หาย นอม ต๋อง ปู๋ง ปะกี ยู่ง?
• ลู่ง อ๋าน เม่ย ปุน เม่ย เญย ปะกี ยู่ง ฮิด ขวน หาย นอม ต๋อง?
• เยีย เหว่ย หาย ติ่ว อ๋อย หฒุ ฮนั้ง บย์อง เจี๊ยน เฮมียน เญย มเซียะ ตอน
• เยียม เม่ย เญย ต่อย เญย ปะกี ยู่ง กวั้น กะเฮลน?

• ⁸ เก้า เหฑว่ย เจี๋ย เญย เซียะ อ่า,
• สี ก๊อง เม่ย ไม้ ฮิ้ว นอ,
• ฒิ่ม เจี๊ยน ปะกี ยู่ง กวั้น เญย เต้ย มี่ง.
• กุ๊น ปู๋ง เม่ย เญย ยู่ง
• เยียม โก๋ว ยู่ง เมี่ยน เญย ด๊บ-ลิ่ว กะเฮลน.
• ⁹ เยีย ฮนั้ม เญย เซียะ อ้า!
• เยีย เป๊ย เม่ย ฮนั้ง ฟา^โล ฮู่ง ทอ เธีย เญย ม์า เหฑว่ย.
• ¹⁰ เม่ย เญย อี ปูง ขัม-ปุย ม่าย ฒอง เหฑว่ย เญย กะน้าย,
• เม่ย เญย จาง ตั้ง เจี๊ยน หธุน ต้าย เญย โฒว-ปู๊.
• ¹¹ เยีย บัว อ๋อย หล่ง เจียม โหฒว เซียว-เซ้ด ปุน เม่ย,
• แอ๋ง หล่ง ญ่าน เฮยี้ยด ผุย เจี๊ยน.

• ¹² ฮู่ง เตี๋ย เฒว์ย เจี๊ยน นิ่น เญย เตี้ย เญย
  เฒี่ยง โห่,
• เยีย เญย โย่ว ดาง * ไฟ นา^ดา โย่ว. ธ้วด ดาง เญย
  เฉีย ปวั๊ง.
• ¹³ เยีย ฮนั้ม เญย ตอน เหว่ย เยีย เซ ฮนั้ง เหยียด บัวะ มู^หย่อ ดาง,
• หฒั่นๆ เยียม เยีย เญย หละค้วด. * ฟาน หฒะ ก๊อง ``เยียม เยีย เญย อี นอม หญอ บุด๋ง-ฉัง''.
• ¹⁴ เยีย ฮนั้ม เญย ตอน เหว่ย เยีย เซ ฮนั้ง เหยียด จ้อย ฝ่ง ฟิน เปี้ยง
• เยียม เอน^เก^ดี เญย อะหงุ่น หฮวีง กะญั์ว.

• ¹⁵ เยีย ฮนั้ม เญย เซียะ อ่า,
  เม่ย เหฑว่ย ไห่.
• เม่ย หฒะเก้ง! เหฑว่ย.
• เม่ย เญย มฒีง ฮนั้ง แปะ ก๊บ นอ.

• ¹⁶ เยีย ฮนั้ม เญย ตอน อ้า!
  เม่ย เหฑว่ย ไห่,
• เม่ย หฒะเก้ง! เหฑว่ย.
• บัว เญย โหธว เซ เมี้ย-เญี์ยม.
• ¹⁷ บัว เญย เปย๊า เญย ตู์ง-แฮ่ง เซ สี^ดา ฒ่ง เดี๋ยง.
• ฒ่ง เดี๋ยง โหฒว บัว เญย แซ่ง เซี้ยว. * น้าย โจ๋ว ฮิบ^ลู หว่า เซ ไม้ หนั่ง เม่ง.