สีง ฑูง 98

เฒี้ยว โหฒว ฮู่ง กุ๊น ลู่ง เดี๊ย

เป๋น ติ้ว สีง ฑูง.

• ¹ อ๋อย หฒุ ป๋าว ติ้ว เซียง-ฑูง เธง เฒี้ยว
• เหว่ย หฒุ นิ่น โหฒว บัวะ ฮ่อง เญย สี่.
• นิ่น เญย บย่าว เจี๊ยะ ปั์ว เหธา ธีง-เหฑ่ง ชะ * ฮิบ^ลู หว่า ก๊อง ปั์ว.
• ปุน นิ่น ตุ๊ ฮี่ง เจี๋ย.
• ² เฒี้ยว ปุน เมี่ยน ฮิ้ว ตุ๊ นิ่น ฮี่ง เจี๋ย * ไฟ นิ่น เญย เหฌียว เอน.
• นิ่น ปุน หม่าน ฝีง ฮิ้ว ตุ๊ นิ่น แป้ง ฟิม เญย.
• ³ นิ่น จั๋ง เถา นิ่น เหว่ย อิ^สะ^ลา^เอน เมี่ยน
• ม่าย เหฒียบ ฒัวะ เญย เฮญี้ยว หย่า ฮนั้ม นิ่น บัว.
• ก๋อม ลู่ง เดี๊ย * ฟาน หฒะ ก๊อง ``จ่ม ลู่ง เดี๊ย ปูงๆ''. ตุ๊ ปวัด
• บัว เญย ทิน-ฮู่ง ตุ๊ ฮี่ง เจี๋ย.
• ⁴ ลู่ง เดี๊ย เมี่ยน อ้า! อ๋อย หฒุ เฌียน-โย่ว เญย เห่ว เจี๊ยน เธง เฒี้ยว.
• ธ้วด เฉีย เฌียน-โย่ว เญย ป๋าว ฑูง เธง นิ่น.
• ⁵ พัด ต้าน ป้า ป๋าว ฑูง เธง เฒี้ยว,
• หล่ง ต้าน ป้า พัด ผุย ฑูง เญย ซีง-เฉีย.
• ⁶ หล่ง หฑัด เหธา จอง เญย เฉีย,
• ธ้วด เฌียน-โย่ว เญย เฉีย บุย ฝูง ปุน เฒี้ยว, บัว เญย ฮู่ง เตี๋ย.
• ⁷ ค้อย เหธา เยียม ค้อย เญย กะน้าย,
• ลู่ง เดี๊ย เหธา เยียม ลู่ง เดี๊ย เญย กะน้าย อ๋อย หฒุ ธ้วด เฉีย บุย.
• ⁸ ปุน หฒวัง ด้าย ไบ๋ นิ่น บัว เญย ปั์ว,
• หฒวัง บง อ๋อย หฒุ ล่ม ฑ่อย เฌียน-โย่ว เญย ป๋าว ฑูง
• ⁹ เยียม เฒี้ยว เญย หฑะเฮมียน,
• เหว่ย หฒุ นิ่น อ๋อย ต้าย เซี้ยม ลู่ง เดี๊ย.
• นิ่น อ๋อย แป้ง ฟิม เญย เซี้ยม ป้าม เกน,
• หย่า หล่ง กง-ฟิม เซี้ยม หม่าน ฝีง.