สีง ฑูง 99

เฒี้ยว เหฒียบ ฒัวะ เญย เถง อิ^สะ^ลา^เอน เมี่ยน

• ¹ เฒี้ยว โหฒว ฮู่ง. อ๋อย หฒุ ปุน หม่าน ฝีง ซิน หฒิน.
• นิ่น เยียม วั้ว เต๋ย อี เต้า เค^ลู^บิม บุด๋ง * ฟาน หฒะ ก๊อง กู้ หงว่าย. เญย เหว่ย,
• ปุน เดา-เป้ย หฒุ ดั่น ต์ง. * ธ้วด อี^ยิบ 25:22
• ² เฒี้ยว เยียม สิ^โอน โหฒว โฮล,
• นิ่น ฒู้ง โหฒว เก้า โฮล เจี๋ย หม่าน ฝีง.
• ³ เต้าๆ อ๋อย หฒุ เธง เม่ย โฮล ไห่ เหธา บัวะ ฮ่อง เญย บั๋ว.
• นิ่น เซ ธีง-เหฑ่ง.
• ⁴ เฮ้น เญย ฮู่ง เตี๋ย อ้า! * ไฟ ``ฮู่ง เตี๋ย เซ เฮ้น ไห่''.
• เม่ย ฮนั้ม แป้ง ฟิม เญย เจ๊า
• หย่า เหลียบ กง-ฟิม.
• เยียม อิ^สะ^ลา^เอน เมี่ยน * ฮิบ^ลู หว่า ก๊อง ยา^โค้บ. บุด๋ง เม่ย โหฒว หอบ เหธา แป้ง ฟิม เญย สี่.
• ⁵ เธง เฒี้ยว, เยีย บัว เญย ทิน-ฮู่ง.
• เยียม นิ่น หลอง เหฒา เญย ต๋อง ป๋าย นิ่น.
• นิ่น เซ ธีง-เหฑ่ง เญย.
• ⁶ เยียม นิ่น เญย ไซ เมี่ยน บุด๋ง ม่าย โม^เซ เหธา อา^โลน.
• ซา^มู^เอน หย่า เป๋น เต้า โจ้ว นิ่น เญย บั๋ว เญย เมี่ยน.
• นิ่น บัว เห่ว เฒี้ยว, นิ่น หย่า เตา นิ่น บัว.
• ⁷ นิ่น เยียม บ๋วน-เดี้ยว กะญั์ว เหธา นิ่น บัว ก๊อง หว่า.
• นิ่น บัว เอย เจี๊ยน นิ่น ก๊อง เญย หว่า เหธา จิว ปุน นิ่น บัว เญย เล์ย-เหญ่ย. * ธ้วด อี^ยิบ 33:9
• ⁸ โอ เฒี้ยว, เยีย บัว เญย ทิน-ฮู่ง อ่า,
• เม่ย เตา นิ่น บัว.
• เม่ย เซ กวั่ง นิ่น บัว เญย ฒุ์ย เญย ทิน-ฮู่ง,
• มป่า หฒิว นิ่น บัว โหฒว ต่อง เญย เจ๊า เม่ย วิ่น ปุน นิ่น บัว.
• ⁹ อ๋อย หฒุ เธง เฒี้ยว, เยีย บัว เญย ทิน-ฮู่ง.
• เยียม นิ่น เญย ธีง-เหฑ่ง บง หฒั่ง นิ่น,
• เหว่ย หฒุ เฒี้ยว, เยีย บัว เญย ทิน-ฮู่ง,
  เซ ธีง-เหฑ่ง เญย.