สีง ฑูง 97

เฒี้ยว โหฒว ฮู่ง หย่า ม่าย ต้ม ชะ

• ¹ เฒี้ยว โหฒว ฮู่ง, ปุน ลู่ง เดี๊ย เดา-เป้ย เฌียน-โย่ว,
• ปุน หฒวัง ค้อย-โฑว * ไฟ ``นิด ค้อย-โฑว เญย เต่ย-ปูง''. อะเฮน้ย.
• <sup>2</sup> ม่าย บ๋วน เหธา ฮมัด เจี๊ยะ เญย หฮมวัง เว่ย ก๋อม นิ่น,
• โหฒว หอบ เญย เจ๊า เหธา แป้ง ฟิม
  เญย เจ๊า โหฒว นิ่น เญย เหว่ย
  เญย กอน-โด๊ะ.
• <sup>3</sup> ม่าย โต์ว เยียม นิ่น เญย วั้ว ด่าง แหมง
• ปั๊ว ชุย เว่ย ก๋อม นิ่น วั้ว เต๋ย วิน-วั้ง.
• <sup>4</sup> นิ่น เญย บะหลี่ง ปุน ลู่ง เดี๊ย ฌัง เหฑ่ง.
• เดา-เป้ย ปวัด ฯฒฯ ต์ง เหฑ่ง.
• <sup>5</sup> บง เยียม เฒี้ยว เญย หฑะเฮมียน หยุ ฮนั้ง เมว์ย-ฑีง นอ,
• เซ เยียม ลู่ง เดี๊ย เญย เฒี้ยว เญย
  หฑะเฮมียน.
• <sup>6</sup> ลู่ง ปุน ธีง ทิน-ฮู่ง เซ แป้ง ฟิม เญย,
• หม่าน ฝีง หย่า ปวัด นิ่น เญย ฌัง-หล่าง.
• <sup>7</sup> ปุน เหยียด ฒู้ง ป๋าย หมิ่ว-ฝัง เญย เมี่ยน หฒุ ไญ้,
• ต้ง เธง ไม้ ลั่ม หล่ง เญย หมิ่ว-ฝัง เญย เมี่ยน.
• ปุน หม่าน เฒี่ยน พัวะ เหฌี่ย ทิน-ฮู่ง เญย หฑะเฮมียน.
• <sup>8</sup> โอ ทิน-ฮู่ง อ่า, สิ^โอน หมวัง ไฮ์ เม่ย ตุ๋น เญย สี่ ฯฒฯ อะเฮน้ย.
• ยู^ดา เมี่ยน * ฮิบ^ลู หว่า ก๊อง ยู^ดา เญย เซียะ. หย่า ออน-เหลาะ.
• <sup>9</sup> โอ เฒี้ยว อ่า, เม่ย เซ เยียม ฮลัง เจี๋ย, กุ๊น ลู่ง เดี๊ย วั้ว เต้า.
• เม่ย หย่า เยียม เก้า ฮลัง เจี๋ย หม่าน เฒี่ยน.
• <sup>10</sup> เม่ย บัว ฮนั้ม เฒี้ยว เญย เมี่ยน อ๋อย หฒุ ฑอง เอ๊าะ เญย สี่. * ไฟ `` เฒี้ยว ฮนั้ม ต้ง ฑอง เอ๊าะ วั้ว เต๋ย''.
• นิ่น เปว เจี๊ยน นิ่น เญย ธีง-เหฑ่ง เมี่ยน เญย แหม่ง.
• นิ่น เหฌียว นิ่น บัว เปย๋า ดุ๊ด เอ๊าะ เมี่ยน เญย ปั์ว-เดี๊ย.
• ¹¹ ฌัง หฒิว เจี๊ยน คู้ เมี่ยน, * น้าย นอม ต๋อง ฮิบ^ลู หว่า อะ ตุ๊ เม่ง แปะ. ฟาน หฒะ ก๊อง ``เหว่ย คู้ เมี่ยน หฒวัง ฌัง ฮนั้ง หฒวัง ญิม นอ''.
• เฮญี้ยว หฒีง เญย เมี่ยน ม่าย เฌียน-โย่ว.
• ¹² เม่ย บัว คู้ เมี่ยน อ้า! อ๋อย หฒุ เขา เฒี้ยว เฌียน-โย่ว,
• หย่า อ๋อย หฒุ ตอ-เหฒี่ย นิ่น เญย
  ธีง-เหฑ่ง เม่ง.