สีง ฑูง 7

เต๋า เก๋า โท้ เฒี้ยว เหฌียว แหม่ง

หลาย เบน^ยา^มิน เมี่ยน, คู้ด, ดา^วิด ต๋อย เฒี้ยว ป๋าว น้าย ติ้ว ซิก^กา^โยน ฑูง. * ซิก^กา^โยน ฑูง เหฑีย เปียะ โพว เญย เอ๋ย เล์ย มเปย. อี้ จ๋า ฮนอย เมี่ยน ไม้ ฮิ้ว ตี่ง น้าย โจ๋ว หว่า เญย เอ๋ย เล์ย.

• ¹ โอ เฒี้ยว, เยีย เญย ทิน-ฮู่ง อ่า, เม่ย เซ เยีย ด้าว เขา เญย ต๋อง.
• โท้ เหฌียว เยีย เปย๋า ดุ๊ด หฒุ่น เยีย เญย เมี่ยน.
• โท้ เหฌียว เยีย ธ้วด ต้าย.
• ² เหฑีย นิ่น บัว ฮนั้ง เซี่ยน นอ เป๊ด เยีย,
• ทอ เยีย มี่ง หย่า ไม้ ม่าย หาย เต้า เหฌียว.
• ³ โอ เฒี้ยว, เยีย เญย ทิน-ฮู่ง อ่า,
• สี ก๊อง เยีย ฮนั้ง น้าย โหฒว,
• สี ก๊อง เยีย เญย ปั์ว โหฒว ต่อง หาย หญู่ง,
• ⁴ สี ก๊อง เยีย โหฒว หว่าย ปุน เหธา เยีย หอบ เญย เมี่ยน,
• ไฟ ลู้ เยีย เญย วิน-วั้ง หย่า ไม้ ม่าย กอน-แป๋ง,
• ⁵ โท้ ปุน วิน-วั้ง หฒุ่น หฒ่าย เยีย,
• เฒาะ เยีย เญย แหม่ง ธ้าย เหฌี่ย เดา,
• ปุน เยีย เญย ซิน-เซย * ซิน-เซย ฮิบ^ลู หว่า ก๊อง ฌัง-หล่าง. ม่าย เต๋ย โซว ฟาน ต้าย ก๊อง, เฮญี้ยว ไฟ ลี่ง ว่วน ไฟ แหม่ง. เยียม เนีย-บูง. * ม่าย เต๋ย โซว ก๊อง เป๋น เนีย-บูง. เซ^ลา
• ⁶ โอ เฒี้ยว อ่า, โท้ เม่ย เฉีย เจี์ย เจี๊ยน เจี์ย ต้าย,
• เบ๊าะ เยีย เญย เธี้ยว ไห่ เญย วิน-วั้ง.
• โอ เยีย เญย ทิน-ฮู่ง อ้า! โท้ เถง เยีย. เซ เม่ย กั้น ตี่ง เหฒียง เซี้ยม ฒุ์ย.
• ⁷ โท้ ปุน หม่าน ฝีง กั๊บ ฒุ้น เว่ย ก๋อม เม่ย,
• โท้ เม่ย เยียม กู้ หงว่าย กุ๊น นิ่น บัว.
• ⁸ เฒี้ยว เซี้ยม หม่าน ฝีง.
• โอ เฒี้ยว อ่า, โท้ หฒิว เยีย โหฒว หอบ เญย
• เหธา เยีย เฮญี้ยว หฒีง เญย เซี้ยม เยีย.
• ⁹ เม่ย เซ โหฒว หอบ เญย ทิน-ฮู่ง.
• เม่ย ฒ่า เมี่ยน เญย เฮญี้ยว เหธา เอ๋ย.
• โท้ ปุน โหฒว เอ๊าะ เญย เมี่ยน เญย เจ๊า ตั๋ง,
• หย่า เหลียบ คู้ เมี่ยน ว้วน. * หล่าว ย่าง 2:23
• ¹⁰ ทิน-ฮู่ง เซ เยีย เญย ท้อง-ป้าย เปว เจี๊ยน เยีย,
• นิ่น เหฌียว เฮญี้ยว หฒะ เญย เมี่ยน.
• ¹¹ ทิน-ฮู่ง เซ แป้ง ฟิม เญย เซี้ยม ฒุ์ย เจียน,
• ทิน-ฮู่ง หย่า ฮนอยๆ ตี่ง * ไฟ เฉีย เจี์ย. เอ๊าะ เมี่ยน เญย ฒุ์ย.
• ¹² สี ก๊อง หาย เต้า ไม้ ก๊อย เฮญี้ยว,
• ทิน-ฮู่ง อ๋อย เหฑียว ไหล่ นิ่น เญย หฑุ ด๊าว,
• หย่า หลิ่ว เล์ย เหฒียง จวัง-หฒิน.
• ¹³ นิ่น เบ่น เหฒียง ไต๋ เมี่ยน เญย หวัวะ กิ่น,
• หลิ่ว เล์ย นิ่น ม่าย โต์ว เญย ฟอง-ธัง.
• ¹⁴ เอ๊าะ เมี่ยน ขูง ฮนั้ม ธ้วด เอ๊าะ สี่,
• ม่าย เอ๊าะ เญย สี่ เยียม เฮญี้ยว เป๊ย เมี่ยน ม่าย กู้งว์า,
• ยู์ง ธ้วด ต้าย เป๋น ก๊อง-แปะ ดั๊ว เมี่ยน เญย สี่ ฮนั้ง.
• ¹⁵ นิ่น เว้ด เหฒียง ค้วด, เว้ด โด เญย,
• นิ่น กั้น หย่า ด๊อด เหฌี่ย นิ่น กั้น เว้ด เญย ค้วด.
• ¹⁶ นิ่น โหฒว เญย หว่าย สี่ ต๋าว หฑวน ต้าย ห่อย นิ่น กั้น.
• นิ่น โหฒว โตะ เญย สี่ ขูง ด๊อด หฒุ นิ่น กั้น ฮนั้ง.
• ¹⁷ เยีย อ๋อย ตอ-เหฒี่ย เฒี้ยว เหว่ย หฒุ นิ่น แป้ง ฟิม เญย.
• เยีย อ๋อย ป๋าว ฑูง เธง เฒี้ยว, เยียม ฮลัง เจี๋ย วั้ว เต้า, เญย เม่ง.