สีง ฑูง 6

หฒุ โต้ หน่าน, โท้ เฒี้ยว ค้อ-เลี่ยน

จิว ปุน ต้อ ฑูง เญย เมี่ยน. อ๋อย หฒุ หล่ง พัด เญย จา-สี หฒิว เซ^เม^นิด. ดา^วิด โหฒ่ เญย สีง ฑูง.

• ¹ โอ เฒี้ยว อ้า! โท้ ไม้ ตู๋ง โน์ว เจี๊ยน ก๊อง-เหม เยีย.
• ไม้ ตู๋ง เฉีย เจี์ย เจี๊ยน ตี่ง เยีย เญย ฒุ์ย. * สีง ฑูง 38:1
• ² โอ เฒี้ยว อ่า, โท้ เม่ย ค้อ-เลี่ยน เยีย, เหว่ย หฒุ เยีย หฒะเก้ง เมา ไห่.
• โอ เฒี้ยว อ่า, โท้ หฒ่อ เยีย, เหว่ย หฒุ เยีย ไม้ ม่าย เหยียด อ๋า ชะ. * ฮิบ^ลู หว่า ก๊อง เถา บู๊ง มุน โค้ว มป่า เป๊ย เมี่ยน โค้ว เถา เดี๊ย.
• ³ เยีย เญย เฮญี้ยว หฒะเก้ง โค้ว ไห่.
• โอ เฒี้ยว อ่า, เยีย อ๋อย หฒุ ฒั้ว เถา หาย หฒั่น เม่ย หธีง ต้าย เถง?
• ⁴ โอ เฒี้ยว อ่า, โท้ เม่ย ฮวิน หฑวน ต้าย เหฌียว เยีย เญย แหม่ง,
• เหว่ย หฒุ เม่ย เหฒียบ ฒัวะ เญย ฮนั้ม เยีย, โท้ เหฌียว เยีย.
• ⁵ เมี่ยน ไต่ มี่ง, ไม้ ม่าย หาย เต้า ไฮ่ จั๋ง ตุ๊ เม่ย.
• เยียม เยี่ยม เกน ม่าย หาย เต้า ไฮ่ เธง เม่ย?
• ⁶ เยีย ฌุ่น เจี๊ยน เยียม, ไฮ์ โค้ว ไห่.
• เยีย ม์วนๆ เญี้ยม, ววม-เหมว่ย เหยียม โหธว,
• เยีย เญย ฑ์ม-เต้า หฒุ ววม-เหมว่ย ตับ ดอน เหฑ่ง.
• ⁷ เฑ่า เกา, เยีย เญย มฒีง ฒู้ง ไม้ ฌัง.
• หลาย วิน-วั้ง เยีย เญี้ยม, มฒีง บั๊ว หมี่ อ๊ะ.
• ⁸ เม่ย บัว เหยียด ฒู้ง โหฒว เอ๊าะ เญย เมี่ยน อ้า! เปย๋า ฆอย เยีย,
• เหว่ย หฒุ เฒี้ยว หมวัง ไฮ์ เยีย เญี้ยม เญย เฉีย. * มัด^ทาย 7:23 ; ลู^กา 13:27
• ⁹ เฒี้ยว หมวัง ไฮ์ เยีย โจ้ว เญย หว่า,
• เยีย เต๋า เก๋า เญย หว่า เฒี้ยว หย่า เตา.
• ¹⁰ เยีย เญย เหยียด ฒู้ง วิน-วั้ง อ๋อย หฒุ ไญ้, กั้ม เหฑีย ตุ๊ โค้ว ไห่.
• นิ่น บัว อ๋อย หฒุ ถุย หฑวน, ด่ง เฑี้ยบ ตั้ง มฒีง หฒุ ไญ้ อ๊ะ.