สีง ฑูง 113

เธง เฒี้ยว เหว่ย นิ่น ค้อ-เลี่ยน เมี่ยน

• ¹ อ๋อย หฒุ เธง เฒี้ยว. * ฮิบ^ลู หว่า ก๊อง ฮา^เล^ลู^ยา. เยียม 113:9 ฟี่ ฮนั้ง เญย.
• โอ เฒี้ยว เญย หฒวัง โปว อ้า! อ๋อย หฒุ เธง,
• อ๋อย หฒุ เธง เฒี้ยว เญย เม่ง.
• ² เยียม น้าย มี่ง อ๋อย หฒุ เธง เฒี้ยว เญย บั๋ว เถา เหยียด ลิ์ว.
• ³ เยียม บะฮนอย ธ้วด เถา บะฮนอย ม้วด เญย ต๋อง
• หอบ หฒุ เธง เฒี้ยว เญย เม่ง.
• ⁴ เฒี้ยว เยียม เก้า ฮลัง เจี๋ย หม่าน ฝีง,
• นิ่น เญย ฌัง-หล่าง เก้า ฮลัง เจี๋ย ลู่ง.
• ⁵ ไม้ ม่าย หาย เต้า ฮนั้ง เฒี้ยว, เยีย บัว เญย ทิน-ฮู่ง,
• ต้ง เฒว์ย เจี๊ยน เก้า ฮลัง เจี๋ย เญย ต๋อง
  วั้ว เต้า.
• ⁶ นิ่น หมั่ง เหฌี่ย ไอ๊ เญย ต๋อง,
• หมั่ง ลู่ง เหธา กะเดี๊ย เดา.
• ⁷ นิ่น โป้ว เมี่ยน จ่ม เมี่ยน ธ้วด เนีย-บูง,
• แอ๋ง โป้ว ตั๋ง-ต๋น เญย เมี่ยน ธ้วด
  ซ้าย-ดุย,
• ⁸ ปุน นิ่น บัว เหธา โหฒว โฮล เญย เมี่ยน เยียม,
• เซ เหธา นิ่น เญย แปะ ฝีง โหฒว โฮล เญย เมี่ยน.
• ⁹ นิ่น ปุน ไม้ ไฮ่ ม่าย กู้งว์า เญย มเซียะ ตอน
  ตุ๊ เปย๊า เยียม,
• ปุน นิ่น ตุ๊ ฝุเจว๊ย ฯฒฯ ออน-เหลาะ.
• อ๋อย หฒุ เธง เฒี้ยว.