สีง ฑูง 112 * น้าย ติ้ว ฑูง หล่ง ฮิบ^ลู หว่า เญย เหยียด นอม เจี๋ย เหยียด นอม หฑั่ง-หม่า โหฒว เหยียด เลี์ยว เหยียด เลี์ยว เญย หฑั่ง-กอน.

ท่าย เฒี้ยว เญย เมี่ยน ตุ๊ ออน-เหลาะ

• ¹ อ๋อย หฒุ เธง เฒี้ยว. * ฮิบ^ลู หว่า ก๊อง ฮา^เล^ลู^ยา.
• ท่าย เฒี้ยว เญย เมี่ยน,
• เซ หฒะเก้ง อะเฮน้ย หมวัง นิ่น เญย หลี่ง วั้ว เต๋ย,
• ม่าย ออน-เหลาะ.
• ² นิ่น เญย โฮ์ ต่อย เยียม เต่ย-ปูง
  ฒู้ง อ๋อย เฮ้น,
• เฮญี้ยว หฒีง เมี่ยน เญย โฮ์ ต่อย อ๋อย ตุ๊ ฟุ.
• ³ นิ่น เญย เปย๊า ฒง ปุ๊ด ฒ่อย, เป๋น ไห่,
• นิ่น โหฒว หอบ เญย เจ๊า เหยียด ลิ์ว เยียม.
• ⁴ คู้ เมี่ยน เยียม หฮมวัง กะญั์ว ม่าย ฌัง ธ้วด ต้าย.
• เฒี้ยว * ฮิบ^ลู หว่า ไม้ ม่าย เฒี้ยว วั้ว โจ๋ว หว่า. เหธย เอน, ม่าย เฮญี้ยว ค้อ-เลี่ยน เมี่ยน, หย่า ม่าย กง-ฟิม.
• ⁵ โหฒว เฮญี้ยว จั๊ง ก๊า กะน้าย ปุน เมี่ยน วั้ว เต้า ตุ๊ หลง,
• นิ่น โหฒว เญย เจ๊า เหยียด ฒู้ง แป้ง ฟิม เญย.
• ⁶ เหว่ย หฒุ คู้ เมี่ยน เหยียด ลิ์ว ไม้ หฒุ ดั่น ต์ง,
• เมี่ยน เหยียด ลิ์ว อ๋อย จั๋ง นิ่น.
• ⁷ นิ่น ไม้ กั้ม เหฑีย เธี้ยว เญย เฝียน,
• นิ่น ปู๋ง ตี่ง เฮญี้ยว ว้วน เญย เขา เฒี้ยว.
• ⁸ นิ่น ฒุ้น ตี่ง เฮญี้ยว, ไม้ กั้ม เหฑีย.
• ฒั้ว เถา ปวัด นิ่น เญย วิน-วั้ง หฒุ เซวย เหฑ่ง.
• ⁹ นิ่น โหฒว เฮญี้ยว จั๊ง เถง เมี่ยน จ่ม เมี่ยน.
• นิ่น โหฒว หอบ เญย เจ๊า เหยียด ลิ์ว เยียม,
• นิ่น ฯฒฯ เฮ้น หย่า ตุ๊ เมี่ยน ท่าย. * ฟาน หฒะ ก๊อง ``โป้ว นิ่น เญย ,จอง ฮลัง เหว่ย ท่าย นิ่น.'' จอง เป๊ย เถา ชะ. * 2 โค^ลิน^โท 9:9
• ¹⁰ เอ๊าะ เมี่ยน ปวัด ฮนั้ง หน่าย ฯฒฯ เฉีย เจี์ย,
• หงาด เจี๊ยน ญ่า หย่า ป่าย เจี๊ยน เหฌี่ย.
• เอ๊าะ เมี่ยน ฮนั้ม อ๋อย ตุ๊ เญย, เฒียง หน่าย ป่า หมี่ อ๊ะ.