สีง ฑูง 111 * น้าย ติ้ว ฑูง หล่ง ฮิบ^ลู หว่า เญย เหยียด นอม เจี๋ย เหยียด นอม หฑั่ง-หม่า โหฒว เหยียด เลี์ยว เหยียด เลี์ยว เญย หฑั่ง-กอน.

เธง เฒี้ยว เหว่ย นิ่น โก๋ว
นิ่น เญย แปะ ฝีง

• ¹ อ๋อย หฒุ เธง เฒี้ยว. * ฮิบ^ลู หว่า ก๊อง ฮา^เล^ลู^ยา.
• เยีย อ๋อย เยียม เฮญี้ยว หฒีง เญย เมี่ยน กั๊บ ฒุ้น เญย บุด๋ง
• หล่ง เหฑ่ง เฮญี้ยว ตอ-เหฒี่ย เฒี้ยว.
• ² เฒี้ยว โหฒว เญย สี่ หฒะเก้ง โฮล ไห่,
• ตะฟ่าน อะเฮน้ย เญย เมี่ยน หล่ง เฮญี้ยว ฒ่า. * ไฟ เฟย-ฟั้ง.
• ³ นิ่น โหฒว เญย สี่ ม่าย ฌัง-หล่าง, ม่าย ฮ่าง ต้าว ปวั๊ง เหฑ่ง.
• นิ่น โหฒว หอบ เญย เจ๊า เหยียด ลิ์ว เยียม.
• ⁴ นิ่น โหฒว บัวะ ฮ่อง เญย สี่ ปุน เมี่ยน จั๋ง,
• เฒี้ยว เหธย เอน หย่า ค้อ-เลี่ยน เมี่ยน.
• ⁵ นิ่น เหธย หญั่น ฮบ ปุน ท่าย นิ่น วั้ว เต๋ย.
• นิ่น เหยียด ลิ์ว จั๋ง นิ่น แล์ง เญย แหง่ง หว่า.
• ⁶ นิ่น ปุน นิ่น เญย แปะ ฝีง ปวัด นิ่น หล่ง ต้ม ชะ โหฒว เญย เจ๊า,
• นิ่น เฒาะ เหฒีย ฝีง เญย กั๊วะ จิว ปุน นิ่น บัว เป๋น นิ่น บัว หฑิบ เญย ป่วน.
• ⁷ นิ่น เญย ปั์ว โหฒว เญย กง เซ เหฒียบ ฒัวะ แป้ง ฟิม เญย,
• นิ่น หัด เญย เหยียด ฒู้ง หว่า เขา ตุ๊ ว้วน เญย.
• ⁸ น้าย เต๋ย หัด เญย หว่า เหลียบ ต้าย ว้วน เถา เหยียด ลิ์ว,
• หย่า เหฒียบ ฒัวะ, เฮญี้ยว หฒีง เญย
  โหฒว.
• ⁹ นิ่น หฒัวะ นิ่น เญย แปะ ฝีง
• หย่า เหลียบ * ฮิบ^ลู หว่า ก๊อง หัด. นิ่น เญย แหง่ง หว่า เถา เหยียด ลิ์ว.
• นิ่น เญย เม่ง เซ ธีง-เหฑ่ง, ปุน เมี่ยน กั้ม เหฑีย เญย.
• ¹⁰ ท่าย เฒี้ยว โหฒว กอน ปุน เมี่ยน ม่าย
  ธง-เม่ง.
• ตะฟ่าน เอย เจี๊ยน นิ่น เญย หลี่ง วั้ว เต๋ย ไฮ่ เม่ง แปะ หลง.
• อ๋อย หฒุ เหยียด ลิ์ว เธง นิ่น. * โย้บ 28:28 ; ธง-เม่ง หว่า 1:7 ; 9:10