สีง ฑูง 110

เฒี้ยว จิว หัด ม์า ฮู่ง เตี๋ย

ดา^วิด โหฒ่ เญย สีง ฑูง

• ¹ เฒี้ยว ก๊อง บั๋ว เยีย เญย เฒี้ยว,
• ``เฒว์ย เจี๊ยน เยีย เญย บย่าว แหมง ปูง,
• ฒั้ว เยีย ปุน เม่ย เญย วิน-วั้ง
• โหฒว เม่ย หลอง เหฒา เญย ต๋อง.'' * มัด^ทาย 22:44 ; มา^โค 12:36 ; ลู^กา 20:42-43 ; กง-โฒ่ 2:34-35 ; 1 โค^ลิน^โท 15:25 ; เอ^เฟ^โซ 1:20-22 ; โค^โล^สี 3:1 ; ฮิบ^ลู 1:13 ; 8:1 ; 10:12-13
• <sup>2</sup> เฒี้ยว อ๋อย เยียม สิ^โอน ซูง ธ้วด เม่ย เญย ต้ม ชะ เญย ปย๊า,
• ปุน เม่ย เยียม เม่ย เญย วิน-วั้ง บุด๋ง กุ๊น.
• <sup>3</sup> เม่ย ต้อ เม่ย เญย จุน-แปง มี่ง ธีง-เหฑ่ง บง กู้ หงว่าย วั้ว ฮนอย,
• เม่ย เญย แปะ ฝีง อะเฮน้ย เฒาะ กั้น ฝูง ปุน เม่ย.
• ฮนั้ง ลู่ง ดอม เญย บยู่ง-ซุ้ย
• เม่ย เญย เมี่ยน หลุน เมี่ยน อ๋อย ต้าย ล์อ เม่ย.
• <sup>4</sup> เฒี้ยว แล์ง แหง่ง หว่า ก๊อง,
• ฆะฮ้า ฒู้ง ไม้ ทิ้ว เฮญี้ยว,
• ``เม่ย เหยียด ลิ์ว โหฒว ไซ เมี่ยน
• ฮนั้ง เมน^คี^เซ^เดก วั้ว หญู่ง ไซ เมี่ยน นอ.'' * ฮิบ^ลู 5:6 ; 6:20 ; 7:17 , 21
• ⁵ เฒี้ยว เยียม เม่ย เญย บย่าว แหมง.
• เถา นิ่น เฉีย เจี์ย วั้ว ฮนอย,
• นิ่น อ๋อย เบ๊าะ ป่าย หฒวัง ฮู่ง.
• ⁶ นิ่น อ๋อย ตี่ง หม่าน กั๊วะ เมี่ยน เญย ฒุ์ย,
• อ๋อย ปุน จั๋น-ไต่ เญย เซย ปวั๊ง เหฑ่ง น้าย เต๋ย กั๊วะ.
• นิ่น อ๋อย เบ๊าะ ป่าย เดา-เป้ย นอมๆ กั๊วะ เญย ฮู่ง เตี๋ย.
• ⁷ นิ่น อ๋อย ฮบ เจ๊า-เฮลน เญย โด๊ะ เญย ววม,
• นิ่น ฯฒฯ เธา เจี์ย มฆ้อง. * น้าย เหยี่ยม เซ อะ ตุ๊ เปียะ เฮญี้ยว เญย. ม่าย เต๋ย โซว ก๊อง ``ฮู่ง เตี๋ย อ๋อย ฮบ เจ๊า-เฮลน เญย ววม ฯฒฯ เฮ้น เจี์ย ต้าย, ตุ๊ ฮี่ง วิน-วั้ง.''