สีง ฑูง 109 (Psalms 109)

สีง ฑูง 109

สีง ฑูง 109

โท้ ทิน-ฮู่ง จ๊าว วิน

จิว ปุน ต้อ ฑูง เญย เมี่ยน.
ดา^วิด โหฒ่ เญย สีง ฑูง.

¹ โอ เยีย เธง เญย ทิน-ฮู่ง อ่า,

โท้ เม่ย ไม้ ตู๋ง เซ้กๆ เญย เยียม,

² เหว่ย หฒุ เอ๊าะ เมี่ยน เหธา กู๊ ไกว๋ เญย เมี่ยน ก๊อง เยีย.

นิ่น บัว หล่ง ก๊อง-แปะ เญย หว่า ห่อย เยีย.

³ นิ่น บัว เว่ย ก๋อม เยีย ก๊อง ฑอง เญย หว่า

หย่า เบ๊าะ เยีย มป่า ไม้ ม่าย กอน-แป๋ง.

⁴ ไม้ กุ๊น เยีย ฮนั้ม นิ่น บัว

หย่า เหว่ย นิ่น บัว เต๋า เก๋า,

นิ่น บัว โก๋ เยีย.

⁵ เยีย โหฒว หลง เญย นิ่น บัว วิ่น เอ๊าะ เญย ปุน เยีย,

เยีย ฮนั้ม เญย นิ่น บัว วิ่น ฑอง เญย.

⁶ โท้ พ้าย เต้า เอ๊าะ เมี่ยน ต้าย เหธา นิ่น ต๋อย-เตก,

ปุน เต้า นิ่น กั้น เญย วิน-วั้ง โก๋ นิ่น. *

⁷ เซี้ยม เญย เฒี่ยง โห่, โท้ ปุน นิ่น หฒุ ตี่ง ฒุ์ย,

โท้ ปุน เลี่ยม นิ่น เต๋า เก๋า เญย หว่า
ฝุน เป๋น ฒุ์ย.

⁸ โท้ ปุน นิ่น เญย เสี่ยว ญ่วน นั้ง,

ปุน กั้น เต้า ตุ๊ นิ่น เญย เหว่ย. * * กง-โฒ่ 1:20

⁹ โท้ ปุน นิ่น เญย ฝุเจว๊ย เป๋น กู้ ฮั่น ฝุเจว๊ย,

ปุน นิ่น เญย เอ๊า เป๋น เอ๊า-กว๊า.

¹⁰ โท้ ปุน นิ่น เญย น่าม โญ์ว เป๋น
โฌ่ว หฮวา เมี่ยน

โย่ว เจี๊ยน มี่ง โท้ หญั่น.

นิ่น บัว เยียม ป่าย หว่าย เญย ต๋อง,

โท้ ปุน นิ่น บัว หฒุ หฒุ่น ธ้วด มี่ง.

¹¹ โท้ ปุน แฒะ-เฒี้ยว ต้าย เฒาะ นิ่น ม่าย เญย เหยียด ฒู้ง,

โท้ ปุน ต้ง นิ่น ไม้ ฮิ้ว เญย เมี่ยน

ต้าย ธ้าง นิ่น ด๊อด ชะ ตุ๊ ต้าย เญย กะน้าย.

¹² โท้ ไม้ ตู๋ง ปุน หาย เต้า โหฒว หลง ปุน นิ่น,

หย่า ไม้ ตู๋ง ปุน หาย เต้า ค้อ-เลี่ยน นิ่น เญย กู้ ฮั่น ฝุเจว๊ย.

¹³ โท้ ปุน นิ่น เญย โฮ์ ต่อย เฒ้ย-ฟุน หฒุด เหฑ่ง.

โท้ ปุน นิ่น เญย บั๋ว หฒุ ซ้อด กวั่ง, ไม้ ปุน ตะเหญ่ย ต่อย เมี่ยน จั๋ง นิ่น.

¹⁴ โท้ เฒี้ยว จั๋ง เจี๊ยน นิ่น เญย อง-ถาย บัว โหฒว เญย ฒุ์ย.

หย่า ไม้ ตู๋ง ซ้อด นิ่น เญย มา เญย ฒุ์ย กวั่ง.

¹⁵ โท้ ปุน น้าย เต๋ย ฒุ์ย หฒั่นๆ เยียม เฒี้ยว เญย หฑะเฮมียน,

มป่า ปุน เยียม น้าย ลู่ง เดี๊ย ไม้ ม่าย หาย เต้า

จั๋ง ตุ๊ นิ่น * เญย บั๋ว.

¹⁶ เหว่ย หฒุ นิ่น เหยียด ลิ์ว ไม้ ฮนั้ม เถา โหฒว หลง ปุน เมี่ยน,

ฒู้ง โหฒว โตะ ห่อย * ไฟ หฒุ่น. เมี่ยน จ่ม เมี่ยน, ด๊อด หน่าน เมี่ยน,

เหธา เฮญี้ยว มุน เญย เมี่ยน, ปุน นิ่น บัว หฒุ ไต่.

¹⁷ นิ่น อ๋อย เหฒียว, โท้ ปุน นิ่น เหฒียว เญย หว่า

ด๊อด หฒุ นิ่น กั้น.

นิ่น ไม้ อ๋อย ปวัง หว่า ปุน เมี่ยน,

โท้ ปุน ฟุ เล่ย นิ่น โก.

¹⁸ นิ่น เฒาะ เหฒียว เญย หว่า ต๋อง ลุย ฒุ,

โท้ ปุน น้าย เต๋ย หว่า สาม เปียะ นิ่น เญย ซิน ฮนั้ง ววม,

หย่า ฮนั้ง เฮมย สาม เปียะ นิ่น เญย บู๊ง.

¹⁹ โท้ ปุน เหฒียว เญย หว่า ฮนั้ง ต้ม ลุย ปวัง เจี๊ยน นิ่น,

หย่า ฮนั้ง โหว-ฮลาง หฒั่นๆ ไซ เจี๊ยน นิ่น เญย จ๊าย.

²⁰ โท้ เฒี้ยว ปุน โก๋ เยีย เหธา ก๊อง โตะ ห่อย เยีย เญย แหม่ง วั้ว เต๋ย,

ฮนั้ง น้าย นอ หฒุ ต้าย เหว่ย เป๋น นิ่น บัว เญย ฒี่ง เหญ่ย.

²¹ มป่า เยีย เญย เฒี้ยว ทิน-ฮู่ง อ่า,

โท้ เหว่ย เม่ย เญย เม่ง โหฒว หลง ปุน เยีย.

เหว่ย หฒุ เม่ย เหฒียบ ฒัวะ เญย ฮนั้ม เมี่ยน เซ หลง ไห่, โท้ เหฌียว เยีย.

²² เหว่ย หฒุ เยีย จ่ม, กะน่าน ไห่,

เยีย เญย เฮญี้ยว กะญั์ว หฒะเก้ง
มุน ไห่ อ๊ะ.

²³ เยีย เญย แหม่ง เจี๋ย เจี๊ยน มี่ง ฮนั้ง ลู่ง ม์าน-หฮมวัง เญย ต้ง ลิ่น นอ,

เยีย ฮนั้ง นอม จ๊บ-เหญ่ย หฒุ หฑยาว ป่วน มี่ง.

²⁴ เยีย เฒย ไม้ หญั่น หาย หญู่ง ธี่ง เบาะ
ฯฒฯ เมา.

เยีย เญย ซิน หฒั่ง ไจ่ เจี๊ยน เหฌี่ย.

²⁵ โก๋ เยีย วั้ว เต๋ย ขูง ฮว้วด เยีย ฮนั้ง.

นิ่น บัว ปวัด เยีย, นิ่น บัว หฮวัง มฆ้อง. *

²⁶ โอ เฒี้ยว, เยีย เญย ทิน-ฮู่ง อ้า! โท้ เถง เยีย.

หฒิว เม่ย เหฒียบ ฒัวะ เญย ฮนั้ม เมี่ยน, โท้ เหฌียว เยีย.

²⁷ โท้ ปุน นิ่น บัว ฮิ้ว ตุ๊ น้าย เซ เม่ย เญย ปั์ว โหฒว เญย.

โอ เฒี้ยว อ่า, น้าย เซ เม่ย โหฒว เญย สี่.

²⁸ เซว่ย นิ่น บัว เหฒียว, มป่า โท้ เม่ย เหธย ฟุ.

โท้ ปุน เจี์ย ต้าย อ๋อย เบ๊าะ เยีย วั้ว เต๋ย
หฒุ ไญ้,

หย่า โท้ ปุน เยีย, เม่ย เญย โปว, อะเฮน้ย.

²⁹ โท้ ปุน โก๋ เยีย วั้ว เต๋ย หฒุ ปวัง เฮมียน
เตี๊ย ไญ้,

ปุน นิ่น บัว ป่าย เฮมียน เป๊ย ฮนั้ง ปุ๋ย
ต้ม ลุย-ด๊าว นอ.

³⁰ เยีย อ๋อย หล่ง เยีย เญย ฑุ่ย ธั้มๆ เญย ตอ-เหฒี่ย เฒี้ยว.

เยีย อ๋อย เยียม หฒวัง เมี่ยน ธั้ม เญย บุด๋ง เธง นิ่น,

³¹ เหว่ย หฒุ นิ่น โซ้ว เจี๊ยน เมี่ยน จ่ม เมี่ยน เญย บย่าว แหมง,

เหว่ย เหฌียว นิ่น บัว เปย๋า ดุ๊ด ตี่ง ปุน นิ่น บัว หฒุ ไต๋ ไต่ วั้ว เต๋ย.