×
สีง ฑูง 114
สีง ฑูง 114
เสีย แหม่ง ฒิบ
เญย ฑูง
-
1 อิ^สะ^ลา^เอน เมี่ยน เยียม อี^ยิบ ธ้วด วั้ว หฒั่น,
- เซ ยา^โค้บ เญย เฒ้ย-ฟุน เล่ย ฆอย ก๊อง กั้น หญู่ง หว่า เญย ฝีง,
-
2 ยู^ดา เป๋น ทิน-ฮู่ง เญย สีง ติ่น,
- อิ^สะ^ลา^เอน เป๋น นิ่น กุ๊น เญย กั๊วะ.
-
3 ค้อย หมั่ง ปวัด ลิ์ว ฯฒฯ เปย๋า,
- จอ^แดน ด้าย หย่า เหลี่ยว ต๋าว ฆาง.
-
4 หฒวัง บง ปิว ฮนั้ง ปะกี ยู่ง โก๊ว นอ,
- บง-ไอ๊ ถิว ฮนั้ง ปะกี ยู่ง ตอน.
-
5 โอ ค้อย อ่า, เม่ย เหว่ย หาย ติ่ว เปย๋า?
- โอ จอ^แดน ด้าย อ่า, เม่ย เหว่ย หาย ติ่ว เหลี่ยว ต๋าว ฆาง?
-
6 ต้ม บง อ่า, เม่ย เหว่ย หาย ติ่ว ปิว ฮนั้ง ปะกี ยู่ง โก๊ว?
- ฟิ้ว-บง อ่า, เม่ย เหว่ย หาย ติ่ว ถิว ฮนั้ง ปะกี ยู่ง ตอน?
-
7 เดา-เป้ย อ่า, อ๋อย หฒุ เยียม เฒี้ยว
เญย หฑะเฮมียน ต์ง,
- เซ ตอง เจี๊ยน ยา^โค้บ เญย ทิน-ฮู่ง,
-
8 ต้ง ปุน หละเปย๊ย ทิ้ว เป๋น ววม-ต้ม,
- ปุน หละเปย๊ย-แบ๋ง
ทิ้ว เป๋น ววม-ฒี้ง วั้ว เต้า.
