ธง-เม่ง หว่า 20 (Proverbs 20)

ธง-เม่ง หว่า 20

¹ อะหงุ่น ติ๊ว โหฒว ปุน ล่าน ฮว้วด ล่าน,

ติ๊ว-คู้ ปุน เมี่ยน แฑง จ๋า.

ตะฟ่าน ฮบ ติ๊ว ฆวิน เญย เมี่ยน ไม้ ม่าย ธง-เม่ง.

² ฮู่ง เตี๋ย เญย กะเฉีย แป๊ด ธ้วด แฮะ เมี่ยน กั้ม, เหฑีย เซ ฮนั้ง เซี่ยน ฌุ่น นอ.

หาย เต้า ธัวะ นิ่น เฉีย เจี์ย ฒู้ง หฒุ กวั่ง แหม่ง.

³ ซิ้ม ฆอย แฑง จ๋า เญย เจ๊า เซ ผุย ตุ๊ ท่าย เญย,

มป่า เต้าๆ เมี่ยน หฮงง เมี่ยน อ๋อย แฑง จ๋า เซี้ยบ.

⁴ เมี่ยน เหลว่ย เมี่ยน เถา ไล่ ลี่ง เญย เฒี่ยง โห่ ไม้ อ๋อย ไล่.

เถา เซียว เญย เฒี่ยง โห่ นิ่น ล์อ มป่า ไม้ ปวัด ม่าย หาย หญู่ง.

⁵ เยียม เมี่ยน เญย เฮญี้ยว ฮนั้ม เญย หฒะเอ๋ย ฮนั้ง ววม-โด นอ,

มป่า ไฮ่ เม่ง แปะ เญย เมี่ยน ไฮ่ แปง
ตุ๊ ธ้วด.

⁶ เมี่ยน ธั้ม เญย ฒุ่น ก๊อง กั้น เหฒียบ ฒัวะ เญย,

มป่า หาย เต้า หฒะเก้ง ไฮ่ ล์อ ปวัด เหฒียบ ฒัวะ เญย เมี่ยน?

⁷ โหฒว ตุ๊ หฒีง เญย คู้ เมี่ยน,

นิ่น เญย ตอน-เจว๊ย ตุ๊ ฟุ.

⁸ ฮู่ง เฒว์ย เจี๊ยน เหว่ย เซี้ยม ฒุ์ย,

นิ่น หล่ง มฒีง สัม * ตุ๊ ธ้วด เอ๊าะ สี่.

⁹ หาย เต้า ไฮ่ ก๊อง, ``เยีย ปุน เยีย เญย เฮญี้ยว ธีง-เหฑ่ง เญย.

เยีย ธีง-เหฑ่ง, เปย๋า ดุ๊ด เยีย เญย ฒุ์ย''?

¹⁰ แหว่ง เมี่ยน เญย เหฑียง-ต้อ เหธา เผียน เญย กะน้าย-ฮลาว,

อี หญู่ง ฒู้ง ฟี่ ฮนั้ง เญย, เฒี้ยว โหยว ไห่.

¹¹ เลี่ยม ฝุเจว๊ย หฒิว นิ่น โหฒว เญย สี่ ปุน ธีง นิ่น ฮนั้ง หาย นอ,

เซ นิ่น โหฒว ธีง-เหฑ่ง, หอบ เญย เฒ์ย ไฟ ไม้ เฒ์ย.

¹² เซ เฒี้ยว ปุน เยีย บัว ม่าย มฒีง หมั่ง
ตุ๊ ปวัด,

ม่าย มน่อม หมวัง ตุ๊ ไฮ์.

¹³ ไม้ ตู๋ง ขูง ฮนั้ม มฌ่อม, เหฑีย เม่ย อ๋อย หฒุ จ่ม อ๊ะ.

อ๋อย หฒุ หนูง ฆอย มฒีง เม่ย ฯฒฯ ตุ๊ หญั่น เป๊ว.

¹⁴ ม์าย กะน้าย เญย เมี่ยน ก๊อง, ``ไม้ เป๋น,
ไม้ เป๋น,''

มป่า ม์าย มี่ง นิ่น ปู๋ง หว่า-เหมา อ๊ะ.

¹⁵ ม่าย เจียม เหธา หละเปย๊ย-จ๋าย ธั้ม เญย,

มป่า ม่าย ฑุ่ย ก๊อง ว่วน ฒาง เญย หว่า ฒู้ง เก้า จ๋าย.

¹⁶ สี ก๊อง เมี่ยน เปว กะเหญี่ย เญย เมี่ยน, อ๋อย หฒุ เฒาะ แล์ง เปว เญย เมี่ยน เญย ลุย ต้าย ต๋อง.

สี ก๊อง นิ่น เปว กั้น ฝีง เมี่ยน, * ฒู้ง อ๋อย หฒุ เฒาะ นิ่น เญย ลุย * ต๋อง เจี๊ยน.

¹⁷ ดั๊ว ตุ๊ ต้าย เญย หญั่น ฮบ, เมี่ยน ไฮ์ กาม เญย,

มป่า ฆะฮ้า นิ่น เญย ฑุ่ย ฮนั้ง ม่าย ซา-เฒียว ปวั๊ง เหฑ่ง.

¹⁸ อ๋อย หฒุ ธ่าง ล่าง เหว่ย ต๊า ธ้วด หฒะเอ๋ย,

อ๋อย เบ๊าะ ต้ม จ๋า อ๋อย หฒุ หล่ง ธง-เม่ง ต้อ.

¹⁹ ก๊อง หว่า-ฮู้ เญย เมี่ยน ซีง เกม เจี๊ยน
เญย สี่.

ฮนั้ง หน่าย ไม้ ตู๋ง เหธา ฑุ่ย พยัด เญย เมี่ยน โหฒว ต่อย.

²⁰ สี ก๊อง เมี่ยน เหฒียว นิ่น เญย เตี๋ย หม่า,

นิ่น ฯฒฯ ไต่ ฮนั้ง ตัง เยียม หฮมวัง เญย ต๋อง ไต่ นอ.

²¹ เซี้ยบๆ ตุ๊ หฑิบ เญย กะน้าย ต้าย,

เซ้ด เมว์ย ไม้ เถง หฑิบ เญย เมี่ยน
ตุ๊ ฟุ-โหละ.

²² ไม้ ตู๋ง ก๊อง, ``เยีย อ๋อย หล่ง เอ๊าะ วิ่น เอ๊าะ.''

อ๋อย หฒุ ฒั้ว เฒี้ยว, นิ่น ฯฒฯ เถง เม่ย.

²³ แหว่ง เมี่ยน เญย เหฑียง-ต้อ,
เฒี้ยว โหยว ไห่.

เผียน เญย เหฑียง ฟี่ ฮนั้ง เญย ไม้ เป๋น.

²⁴ ป้าม เมี่ยน เญย เหฒา-เบี่ย เซ เฒี้ยว ตี่ง ต้าย,

เมี่ยน ฝู่ง ไฮ่ เม่ง แปะ กั้น เญย เจ๊า?

²⁵ เมี่ยน หละไกว้ ก๊อง, ``น้าย เซ ธีง-เหฑ่ง เญย กะน้าย.''

แล์ง ลิ์ว แหง่ง หว่า หธีง ฮนั้ม-หฑวน เป๋น โขว ฮลบ หฒุ กั้น.

²⁶ ธง-เม่ง เญย ฮู่ง เตี๋ย สัม ธ้วด หาย เต้า โหฒว เอ๊าะ,

ฯฒฯ ตี่ง นิ่น บัว เญย ฒุ์ย หย่า ไม้
ค้อ-เลี่ยน. *

²⁷ เมี่ยน เญย เฮญี้ยว เซ เฒี้ยว เญย ตัง,

ฒ่า หมั่ง กะญั์ว โด เจี๋ย เญย ต๋อง.

²⁸ ฮู่ง เตี๋ย ค้อ-เลี่ยน เมี่ยน, เหฒียบ ฒัวะ เญย กุ๊น ฯฒฯ เปว เจี๊ยน นิ่น กั้น.

โหฒว แป้ง ฟิม เญย เจ๊า หย่า เหลียบ ว้วน นิ่น เญย เหว่ย.

²⁹ เมี่ยน หลุน เมี่ยน เญย ชะ เป๋น นิ่น บัว เญย ฌัง-หล่าง,

มป่า เมี่ยน โก๋ เมี่ยน เหฑว่ย เซ เหว่ย นิ่น บัว เญย บะเปยย แปะ.

³⁰ เบ๊าะ มุน หฒ่อ โหฒว เอ๊าะ เญย เมี่ยน,

ฟิด มุน ปุน กะญั์ว โด เจี๋ย เญย ต๋อง ธีง-เหฑ่ง.