ธง-เม่ง หว่า 11 (Proverbs 11)

ธง-เม่ง หว่า 11

หลง เหธา เธี้ยว เญย หว่า-ผุย

¹ เฒี้ยว ฑอง ไห่ แหว่ง เมี่ยน เญย เหฑียง,

มป่า แป้ง ฟิม เญย เหฑียง-ต้อ ปุน นิ่น อะเฮน้ย.

² เมี่ยน โหฒว เหมา

ฯฒฯ ม่าย ไญ้ เญย สี่ กัน เจี๊ยน ต้าย,

มป่า เหญี่ยม กั้น โหฒว ไฝ เญย เมี่ยน

ม่าย ธง-เม่ง.

³ เฮญี้ยว หฒีง เญย เมี่ยน

ม่าย เหฒียบ ฒัวะ เญย เจ๊า ต้อ นิ่น บัว,

มป่า เฮญี้ยว เงา เฮญี้ยว ฌ้วด เญย เมี่ยน

โหฒว ไม้ เหฒียบ ฒัวะ เญย สี่ ปุน กั้น หฒุ เหมียด.

⁴ หฒุ ทิน-ฮู่ง โน์ว เญย ฮนอย,

ฒิ่น ฒ่อย เถง ไม้ ตุ๊ หาย หญู่ง,

มป่า โหฒว ตุ๊ หอบ เญย สี่

ไฮ่ เหฌียว เมี่ยน เปย๋า ดุ๊ด ไม้ หฒุ ไต่.

⁵ ไม้ ม่าย ต๋อง เฆ่ม เญย เมี่ยน โหฒว เฮญี้ยว หฒีง,

ฯฒฯ ต้อ นิ่น ยั่ง หฒะ เญย เจ๊า,

มป่า เอ๊าะ เมี่ยน หลาย นิ่น โหฒว เญย เอ๊าะ สี่ ปุน นิ่น ดอบ.

⁶ เฮญี้ยว หฒีง เญย เมี่ยน โหฒว ตุ๊ หอบ

ฯฒฯ เหฌียว ตุ๊ นิ่น,

เฮญี้ยว ไม้ หฒีง เญย เมี่ยน หั่น เญย สี่

ฮลบ เจี๊ยน นิ่น.

⁷ เอ๊าะ เมี่ยน ไต่ มี่ง,

นิ่น ม่าย ลั่ม ฮนั้ม เญย เหธา เจี๊ยน หฒุ เหมียด,

เมี่ยน หว่าย เมี่ยน ฮนั้ม อ๋อย ตุ๊ เญย

หย่า ป่าย เหฑ่ง หมี่ อ๊ะ.

⁸ คู้ เมี่ยน ตุ๊ เหฌียว เปย๋า ดุ๊ด ขวน น่าน,

ต๋าว หฑวน เอ๊าะ เมี่ยน ปวั้ง หฒุ โค้ว หน่าน.

⁹ ไม้ เขา ทิน-ฮู่ง เญย เมี่ยน หล่ง ฑุ่ย ก๊อง เญย หว่า

ป่าย หว่าย นิ่น เญย จวั่ง ล์าง เมี่ยน,

มป่า คู้ เมี่ยน เญย ว่วน ฒาง

ไฮ่ เหฌียว ตุ๊ นิ่น.

¹⁰ คู้ เมี่ยน ตุ๊ หลง,

ฒี่ง เญย เมี่ยน เฌียน-โย่ว,

เอ๊าะ เมี่ยน หฒุ เหมียด

หฒวัง เมี่ยน เฌียน-โย่ว เญย เห่ว.

¹¹ เหว่ย คู้ เมี่ยน ตุ๊ ฟุ,

ฒี่ง ฯฒฯ ตุ๊ เมี่ยน ท่าย,

มป่า หลาย เอ๊าะ เมี่ยน เญย ฑุ่ย ก๊อง เญย หว่า,

ฒี่ง หฒุ เบี๊ยน เหฑ่ง.

¹² หาย เต้า หมั่ง เผีย จวั่ง ล์าง เมี่ยน

เซ ฮนั้ม ไม้ ทง หาย หญู่ง เญย เมี่ยน.

มป่า เปียะ เฮญี้ยว เญย เมี่ยน เซ้ก เหฑียะ เญย.

¹³ เจี๋ย น้าย เจี๋ย วั้ว ก๊อง เฮ่น หว่า เญย เมี่ยน

ก๊อง ธ้วด เกม เจี๊ยน เญย เจ๊า,

มป่า ปู๋ง ตุ๊ เฮญี้ยว เญย เมี่ยน

เกม เจี๊ยน ไม้ หอบ หฒุ ก๊อง เญย สี่.

¹⁴ ไม้ ม่าย เมี่ยน ต้อ,

แปะ ฝีง ฯฒฯ หฒุ ป่าย เหฌี่ย,

มป่า ม่าย ธ่าง ล่าง เญย เมี่ยน ธั้ม,

ฯฒฯ ตุ๊ แป้ง ออน เญย เยียม.

¹⁵ หาย เต้า เปว กั้น เต้า เมี่ยน

ฒู้ง อ๋อย หฒุ โค้ว อ๊ะ.

มป่า หาย เต้า ฑอง เปว เมี่ยน เญย เจ๊า

ฯฒฯ เยียม ตุ๊ ว้วน.

¹⁶ เฮญี้ยว หลง, เหฑว่ย เญย มเซียะ ตอน ตุ๊ เมี่ยน ท่าย,

โหฒว โตะ เญย มจั่ง ตอน ขูง ตุ๊ ปุ๊ด ฒ่อย.

¹⁷ ค้อ-เลี่ยน เมี่ยน เญย เมี่ยน

เถง กั้น ตุ๊ หลง,

มป่า โหฒว โตะ เญย เมี่ยน

ห่อย หฒุ กั้น.

¹⁸ เอ๊าะ เมี่ยน เญย กง-ฒิ่น

เซ้ด เมว์ย เซ ไม้ ตุ๊ หาย หญู่ง,

มป่า เมี่ยน โหฒว หอบ เญย เจ๊า,

ด่ง หาย ฒู้ง ตุ๊ ฒี่ง เหญ่ย.

¹⁹ หาย เต้า เหลียบ เฮญี้ยว โหฒว คู้ สี่ ฯฒฯ ตุ๊ แหม่ง เฒี่ยง,

หาย เต้า ล์อ เอ๊าะ เญย สี่ ฯฒฯ หฒุ ไต่.

²⁰ เฮญี้ยว ปู๊ ล่ง ปู๊ ตั๊ง เญย เมี่ยน,

เฒี้ยว โหยว ไห่,

มป่า โหฒว ตุ๊ หอบ เญย เมี่ยน

ปุน นิ่น อะเฮน้ย.

²¹ อ๋อย หฒุ ฮิ้ว ตี่ง,

เอ๊าะ เมี่ยน ไม้ ไฮ่ เปย๋า ไม้ ดุ๊ด หฒุ ตี่ง ฒุ์ย,

มป่า คู้ เมี่ยน ฒู้ง อ๋อย ตุ๊ เหฌียว.

²² มเซียะ ตอน เหฑว่ย มป่า เฒียะ ไม้ ตุ๊ หาย หญู่ง หอบ

เซ ฮนั้ง นอม เจียม-ควีง หธุน เจี๊ยน ตู์ง เญย บะฒอง.

²³ คู้ เมี่ยน อ๋อย เญย,
เซ้ด เมว์ย ตุ๊ หลง,

เอ๊าะ เมี่ยน ม่าย ลั่ม ฮนั้ม เญย, เซ้ด เมว์ย หฒุ ทิน-ฮู่ง โน์ว.

²⁴ ม่าย ล่าน เมี่ยน โหฒว เฮญี้ยว จั๊ง

หย่า กุ๊น โหฒว กุ๊น ปุ๊ด ฒ่อย.

ม่าย ล่าน โหฒว เฮญี้ยว เหบ,

หอบ หฒุ ปุน เญย นิ่น ไม้ ปุน,

มป่า กุ๊น โหฒว กุ๊น จ่ม.

²⁵ เฮญี้ยว จั๊ง เญย เมี่ยน

อ๋อย ตุ๊ ปู๋ง-หฒัวะ.

หาย เต้า ปุน ววม เมี่ยน ฮบ,

เมี่ยน ฯฒฯ ปุน ววม นิ่น ฮบ. *

²⁶ หาย เต้า แหง่ง เจี๊ยน ไม้ หม่าย ล่าง หฒิ,

นิ่น หฒุ เมี่ยน เหฒียว.

หาย เต้า แล์ง หม่าย

ฯฒฯ ตุ๊ เมี่ยน ปวัง หว่า.

²⁷ หาย เต้า เจี้ยน ล์อ โหฒว หลง เญย เจ๊า

ฯฒฯ ตุ๊ เมี่ยน ท่าย,

มป่า หาย เต้า ล์อ เอ๊าะ เญย สี่

วั้ว เต้า ฯฒฯ หฒุ เอ๊าะ สี่.

²⁸ หาย เต้า เขา นิ่น กั้น เญย ฒิ่น ฒ่อย

ฒู้ง หฒุ ดอบ, *

มป่า คู้ เมี่ยน

อ๋อย หวั่ง เสียง ฮนั้ง เดี๋ยง-น่อม เญี์ยม.

²⁹ หาย เต้า โหฒว ปุน กั้น เญย ฮมวั้ง ต่อย หฒุ โค้ว,

เซ้ด เมว์ย ไม้ ตุ๊ หาย หญู่ง, *

เมี่ยน หฮงง เมี่ยน หย่า อ๋อย หฒุ

โหฒว ธง-เม่ง เมี่ยน เญย โปว.

³⁰ คู้ เมี่ยน โหฒว เญย สี่ * เซ ปุน เมี่ยน ม่าย แหม่ง เฒี่ยง, *

มป่า เมี่ยน ป์าม เล์ย-หลัด

ฯฒฯ ห่อย เมี่ยน กวั่ง แหม่ง.

³¹ สี ก๊อง คู้ เมี่ยน เยียม ป้าม เกน

หฒิว โหฒว เญย วิ่น ปุน นิ่น,

เอ๊าะ เมี่ยน เหธา ฒุ์ย-เมี่ยน

หฒิว โหฒว เญย หฒุ วิ่น ปุน ด่ง หาย ธั้ม! * 1 ปี^เต 4:18