ธง-เม่ง หว่า 12 (Proverbs 12)

ธง-เม่ง หว่า 12

¹ หาย เต้า อะเฮน้ย หมวัง ก๊อง-หฌาว เญย หว่า, วั้ว เต้า ฮนั้ม ว่วน ฒาง,

มป่า หาย เต้า ฑอง ก๊อง-เหม เญย หว่า เซ หฮงง เญย.

² คู้ เมี่ยน ปุน เฒี้ยว อะเฮน้ย,

มป่า ต๊า เอ๊าะ หฒะเอ๋ย เญย เมี่ยน, เฒี้ยว อ๋อย ตี่ง ฒุ์ย.

³ โหฒว เอ๊าะ สี่ ไม้ เถง เมี่ยน เหลียบ ตุ๊ ว้วน,

มป่า คู้ เมี่ยน เหลียบ ตุ๊ ว้วน ฮนั้ง เหฌี่ย ฑู่ง โด นอ.

⁴ เฒี่ยง ฮ่อง เญย เอ๊า เซ ฮนั้ง โหฆ เญย นี้ง,

มป่า ไม้ ฮิ้ว ตุ๊ ไญ้ เญย เอ๊า, เซ ฮนั้ง โหฒว ปุน นิ่น เญย โหฆ เญย บู๊ง ลัด.

⁵ คู้ เมี่ยน ฮนั้ม ธ้วด เญย เจ๊า เซ แป้ง ฟิม เญย,

มป่า เอ๊าะ เมี่ยน ธ่าง ล่าง เญย หว่า เซ กู๊ ไกว๋ เญย สี่.

⁶ เอ๊าะ เมี่ยน เญย หว่า ฒั้ว เจี๊ยน ไต๋ เมี่ยน, *

มป่า เฮญี้ยว หฒีง เมี่ยน เญย ฑุ่ย ก๊อง เญย หว่า เหฌียว ตุ๊ เมี่ยน.

⁷ เอ๊าะ เมี่ยน หฒุ เหมียด ฯฒฯ ป่า หมี่ อ๊ะ,

มป่า คู้ เมี่ยน เญย เฒ้ย-ฟุน เยียม ตุ๊ ว้วน.

⁸ เมี่ยน หฒิว นิ่น เญย ธง-เม่ง ตุ๊ เมี่ยน เธง,

มป่า เฮญี้ยว เงา เฮญี้ยว ฌ้วด เญย เมี่ยน หฒุ เมี่ยน หมั่ง เผีย.

⁹ เป๋น โพว-ทง เมี่ยน เหว่ย กั้น โหฒว กง ยู์ง แหม่ง, *

เซ เก้า หลง เธง กั้น โฮล มป่า ไม้ ม่าย หฮนาง หญั่น.

¹⁰ คู้ เมี่ยน ค้อ-เลี่ยน นิ่น บัว เญย แซง-คู้ เญย แหม่ง,

มป่า เอ๊าะ เมี่ยน ค้อ-เลี่ยน เญย เจ๊า เซ โตะ เญย.

¹¹ หาย เต้า ไล่ กั้น เญย ลี่ง เต่ย ตุ๊ ล่าง หฒิ หญั่น เป๊ว,

มป่า หาย เต้า กัน ไม้ ลั่ม หล่ง เญย เจ๊า ฮนั้ม ไม้ ทง หาย หญู่ง.

¹² เอ๊าะ เมี่ยน อ๋อย หล่ง เมี่ยน หว่าย เมี่ยน ธ้าง ต้าย เญย กะน้าย,

มป่า คู้ เมี่ยน เญย กอน เยียม ตุ๊ ว้วน. *

¹³ เอ๊าะ เมี่ยน เญย ฑุ่ย ก๊อง ต่อง เญย หว่า โหฒว โขว ฮลบ หฒุ นิ่น กั้น,

มป่า คู้ เมี่ยน เปย๋า ดุ๊ด หฒุ โค้ว เญย เจ๊า.

¹⁴ เมี่ยน เญย ฑุ่ย ก๊อง เญย หว่า ปุน กั้น ตุ๊ หลง ปวั๊ง เฮญี้ยว,

เมี่ยน เญย ปั์ว โหฒว เญย กง หย่า วิ่น
ปุน กั้น.

¹⁵ เมี่ยน หฮงง เมี่ยน โหฒว เญย สี่ หฒิว กั้น เญย มฒีง หมั่ง โหฒว ตุ๊ หอบ,

มป่า ธง-เม่ง เมี่ยน อะเฮน้ย หมวัง เมี่ยน หฌาว.

¹⁶ เมี่ยน หฮงง เมี่ยน เยี้ยด เฉีย เจี์ย เลี่ยม เฒ่ย เฒียะ ตุ๊ อ๊ะ,

มป่า ไกว เญย เมี่ยน หฒุ เมี่ยน ก๊อง โตะ หธ่อ ฮนั้ง ไม้ ไฮ์ นอ.

¹⁷ หาย เต้า ก๊อง เหฒียบ ฒัวะ เญย หว่า ขูง ก๊อง ตุ๊ หฒีง เญย ฮนั้ง,

มป่า โหฒว จ๊า ฒอง-เหฒง เญย เมี่ยน ก๊อง ก๊อง-แปะ ดั๊ว เญย หว่า.

¹⁸ เมี่ยน ฑุ่ย เซี้ยบ ก๊อง หว่า ฮนั้ง หฑุ ด๊าว ป๊ะ เมี่ยน,

มป่า ธง-เม่ง เมี่ยน เญย หว่า ไฮ่ ฮนั้ง เดีย หฒ่อ เมี่ยน.

¹⁹ เมี่ยน ก๊อง เฒียน เญย หว่า, หว่า เหยียด ลิ์ว เยียม,

มป่า เมี่ยน ก๊อง ก๊อง-แปะ เญย หว่า เซ เยียม ดุ ตั้ง ฮนั้ง.

²⁰ ต๊า เอ๊าะ หฒะเอ๋ย เญย เมี่ยน ม่าย ก๊อง-แปะ ดั๊ว เมี่ยน เญย เฮญี้ยว,

มป่า ต๊า หลง เญย หฒะเอ๋ย * วั้ว เต๋ย ตุ๊ เฌียน-โย่ว.

²¹ คู้ เมี่ยน ไม้ หฒุ หาย หญู่ง เหฒะ หน่าน ห่อย,

เอ๊าะ เมี่ยน ฒู้ง หฒุ เหฒะ หน่าน ธั้ม อ๊ะ.

²² เมี่ยน เญย ฑุ่ย ก๊อง-แปะ, เฒี้ยว กั้ม เฑี้ย ไห่,

มป่า เหฒียบ ฒัวะ เญย โหฒว วั้ว เต๋ย,
นิ่น อะเฮน้ย ไห่.

²³ เมี่ยน ไกว เมี่ยน เกม เจี๊ยน นิ่น ม่าย เญย ว่วน ฒาง,

มป่า เมี่ยน หฮงง เมี่ยน * ฒุ่น ธ้วด หฮงง เญย สี่.

²⁴ เมี่ยน เจี้ยน เมี่ยน เญย ปั์ว ตุ๊ กุ๊น,

มป่า เมี่ยน เหลว่ย เมี่ยน หฒุ อ๊าบ โหฒว กง.

²⁵ เมี่ยน เฮญี้ยว เฑ่า ฟ่าน ไฮ์ ฮนั้ง กะน้าย งัด เจี๊ยน เฮนี้ย เญย,

มป่า เหยียด โจ๋ว หลง เญย หว่า ปุน นิ่น ไฮ์ เฮญี้ยว หลง.

²⁶ คู้ เมี่ยน ต้อ นิ่น เญย จวั่ง ล์าง เมี่ยน, *

มป่า เอ๊าะ เมี่ยน เญย เจ๊า ปุน เมี่ยน มี่ง ต่อง.

²⁷ เมี่ยน เหลว่ย เมี่ยน ไม้ มี่ง ป๊วน อ๊อ, *

เมี่ยน เจี้ยน เมี่ยน ตุ๊ จ๋าย เญย ฒิ่น ฒ่อย.

²⁸ เยียม โหฒว หอบ เญย เจ๊า ปุน เมี่ยน ม่าย แหม่ง เฒี่ยง,

มป่า เอ๊าะ เญย เจ๊า ปุน เมี่ยน มี่ง หฒุ ไต่.