ธง-เม่ง หว่า 10 (Proverbs 10)

ธง-เม่ง หว่า 10

เป๊ย คู้ เมี่ยน เหธา เอ๊าะ เมี่ยน

¹ น้าย เซ ซา^โล^มอน เญย ธง-เม่ง หว่า.

ธง- เม่ง เญย ตอน ปุน เตีย ตุ๊ เฌียน-โย่ว,

มป่า หฮงง เญย ตอน ห่อย มา เฑ่า.

² โหฒว ไม้ หฒีง ตุ๊ ต้าย เญย ฒิ่น ฒ่อย ไม้ ลั่ม หล่ง,

มป่า โหฒว ตุ๊ หอบ เญย สี่ ไฮ่ เหฌียว เมี่ยน ไม้ หฒุ ไต่.

³ เฒี้ยว ไม้ ปุน คู้ เมี่ยน หง่อ,

มป่า นิ่น ตั๊ง เจี๊ยน ไม้ ปุน เอ๊าะ เมี่ยน ตุ๊ นิ่น บัว เธย เญย.

⁴ ปั์ว เหลว่ย ปุน เมี่ยน หฒุ จ่ม,

มป่า ปั์ว เจี้ยน ปุน เมี่ยน ปุ๊ด ฒ่อย.

⁵ ไกว เญย ตอน เถา ฆาย กอง เซียว ธุน-แกง,

มป่า ก๊าด เญย เฒี่ยง โห่ เปว๋ย มฌ่อม เญย ตอน เซ หฒุ ไญ้ เญย ตอน.

⁶ คู้ เมี่ยน ตุ๊ ฟุ-โหละ, *

มป่า เอ๊าะ เมี่ยน เญย ฑุ่ย ปี๋ง เจี๊ยน อ๋อย โหฒว โตะ เญย สี่.

⁷ จั๋ง คู้ เมี่ยน ไฮ์ ฮนั้ง ตุ๊ ฟุ,

มป่า เอ๊าะ เมี่ยน เญย บั๋ว เมี่ยน หละคุ, ฮนั้ง เป๋น กะน้าย-ฮู้ นอ.

⁸ เฮญี้ยว ธง-เม่ง เญย เมี่ยน อ๋อย เอย เจี๊ยน เล์ย-หลัด,

มป่า หละไกว้ ก๊อง หฮงง เญย เจ๊า วั้ว เต๋ย, อ๋อย หฒุ ป่าย.

⁹ ยั่ง เหฒียบ ฒัวะ เญย เจ๊า วั้ว เต๋ย ตุ๊ แป้ง ออน เญย ยั่ง,

กัน เงา ฌ้วด เญย เจ๊า วั้ว เต๋ย ฯฒฯ ปิ๋ว เม่ง ธ้วด ต้าย อ๊ะ.

¹⁰ เมี่ยน หญับ มฒีง โหฒว ธ้วด สี่,

มป่า ปู๋ง หล่าง เญย ขวิน เมี่ยน วั้ว เต๋ย, เหลียบ แป้ง ออน.

¹¹ คู้ เมี่ยน เญย ฑุ่ย เป๋น เฒี่ยง แหม่ง เญย ววม-ฒี้ง,

มป่า เอ๊าะ เมี่ยน เญย ฑุ่ย ปี๋ง อ๋อย โหฒว โตะ เญย สี่.

¹² ฑอง เญย เจ๊า โธะ ธ้วด แฑง จ๋า เญย สี่,

มป่า สี ก๊อง ฮนั้ม เมี่ยน ฯฒฯ กวั่ง * เหยียด ฒู้ง โหฒว ต่อง เญย สี่. *

¹³ เม่ง แปะ เญย เมี่ยน เญย ฑุ่ย ม่าย ว่วน ฒาง,

มป่า ไม้ ฮิ้ว หาย หญู่ง เญย เมี่ยน ผุย ตุ๊ ปย๊า เบ๊าะ ติ ต์าน.

¹⁴ ธง-เม่ง เมี่ยน เซียว เจี๊ยน ว่วน ฒาง,

มป่า เมี่ยน หฮงง เมี่ยน ก๊อง เญย หว่า ปุน ป่าย หว่าย เญย สี่ เถา ฟัด.

¹⁵ ปุ๊ด-ฒ่อย เมี่ยน เญย ฒิ่น ฒ่อย เป๋น นิ่น ว้วน เญย ฒี่ง.

มป่า เมี่ยน จ่ม เมี่ยน จ่ม เญย เจ๊า ปุน นิ่น บัว หฒุ ป่าย หว่าย.

¹⁶ คู้ เมี่ยน เญย ฟิน-โค้ว ต้อ เมี่ยน ตุ๊ แหม่ง เฒี่ยง,

มป่า เอ๊าะ เมี่ยน ตุ๊ เญย ป่วน เซ ต้อ เมี่ยน ป์าม ฒุ์ย.

¹⁷ เอย เจี๊ยน หฌาว เญย หว่า วั้ว เต๋ย เยียม เฒี่ยง แหม่ง เญย เจ๊า.

มป่า หาย เต้า แหง่ง เจี๊ยน ก๊อง-หฌาว เญย หว่า ฯฒฯ มี่ง ต่อง เจ๊า อ๊ะ.

¹⁸ หาย เต้า ปี๋ง เจี๊ยน ฑอง เญย สี่ ม่าย ก๊อง-แปะ เญย ฑุ่ย.

หาย เต้า ธ้วด ฑุ่ย ก๊อง หว่า-ฮู้ เป๋น เมี่ยน หฮงง เมี่ยน.

¹⁹ ก๊อง ธั้ม หว่า ธั้ม, ซิ้ม ไม้ ดุ๊ด ป์าม ฒุ์ย เญย เจ๊า,

มป่า เมี่ยน ไกว เมี่ยน เญี์ยน ตุ๊ กั้น เญย ฑุ่ย.

²⁰ คู้ เมี่ยน เญย หว่า ฮนั้ง เฒียน ญ่าน,

เอ๊าะ เมี่ยน เญย เฮญี้ยว ฮนั้ม เญย เจ๊า ไม้ หฒี่ ฒิ่น.

²¹ คู้ เมี่ยน เญย ฑุ่ย ก๊อง เญย หว่า ยู์ง เมี่ยน ธั้ม,

มป่า เมี่ยน หฮงง เมี่ยน หฒุ ไต่ หลาย ไม้ ฮิ้ว หาย หญู่ง.

²² เซ เฒี้ยว เหธย ฟุ ปุน เมี่ยน ปุ๊ด ฒ่อย,

นิ่น หย่า ไม้ จา โยว-เฑ่า. *

²³ เมี่ยน หฮงง เมี่ยน โหฒว ต่อง นิ่น บัว ไฮ์ อ๋อย เญย,

มป่า เม่ง แปะ เญย เมี่ยน อะเฮน้ย ธง-เม่ง เญย เจ๊า.

²⁴ เอ๊าะ เมี่ยน กั้ม เหฑีย เญย ฒู้ง อ๋อย หฒุ่น หฒ่าย นิ่น,

มป่า คู้ เมี่ยน อ๋อย ตุ๊ เญย ฒู้ง ตุ๊ อ๊ะ.

²⁵ หฑยาว-เจี๊ยะ เจี๋ย มี่ง, ฯฒฯ ไม้ ม่าย เอ๊าะ เมี่ยน อ๊ะ,

มป่า คู้ เมี่ยน ตุ๊ เหลียบ ว้วน เถา
เหยียด ลิ์ว.

²⁶ พ้าย เมี่ยน เหลว่ย เมี่ยน มี่ง โหฒว หาย หญู่ง,

เหว่ย พ้าย นิ่น วั้ว เต๋ย นิ่น เซ ฮนั้ง ววม-ซุย ปุน ญ่า เฌี์ยน,

หย่า ฮนั้ง โต์ว-เสียว เปียะ มฒีง.

²⁷ เมี่ยน ท่าย เฒี้ยว ปุน เฒี่ยง เญย ฮนอย-เหญียะ จา ด๊าว,

มป่า เอ๊าะ เมี่ยน เญย หฮญัง-โสว นั้ง เหฌี่ย.

²⁸ คู้ เมี่ยน ม่าย ลั่ม ฮนั้ม เญย เซ้ด เมว์ย เซ เฌียน-โย่ว,

มป่า เอ๊าะ เมี่ยน ฮนั้ม อ๋อย ตุ๊ เญย, เซ้ด เมว์ย ไม้ ตุ๊ หาย หญู่ง อ๊ะ.

²⁹ เฒี้ยว โหฒว เฮญี้ยว หฒีง เญย เมี่ยน เขา ว้วน เญย ต๋อง,

มป่า ปุน โหฒว เอ๊าะ สี่ เญย เมี่ยน หฒุ เหมียด.

³⁰ คู้ เมี่ยน เหยียด ลิ์ว ไม้ หฒุ ถุย ธ้วด,

มป่า เอ๊าะ เมี่ยน ฒู้ง ไม้ ตุ๊ เยียม เต่ย-ปูง.

³¹ คู้ เมี่ยน เญย ฑุ่ย ก๊อง ธ้วด ธง-เม่ง เญย หว่า,

มป่า ปู๊ ล่ง ปู๊ ตั๊ง เมี่ยน เญย เบียด ฒู้ง อ๋อย ก๊าด กวั่ง.

³² คู้ เมี่ยน เญย ฑุ่ย ก๊อง หว่า หลง,

มป่า เอ๊าะ เมี่ยน เญย ฑุ่ย ขูง ก๊อง ก๊อง-แปะ เญย หว่า ฮนั้ง.