เอ^ลี^ฮู ก๊อง ตะเหญ่ย หฑุ่น หว่า

เอ^ลี^ฮู ต้าน วั้ว เต๋ย ปัว เต้า ต่อย

¹ เอ^ลี^ฮู แอ๋ง ก๊อง,

• ² ``เม่ย บัว ธง-เม่ง เญย เมี่ยน อ้า! หมวัง เยีย เญย หว่า ม่าะ!
• เม่ย บัว ม่าย ว่วน ฒาง เญย เมี่ยน, โท้ แปง มน่อม หมวัง เยีย,
• ³ เหว่ย หฒุ มน่อม เสย หว่า
• ฮนั้ง เบียด * ฟาน หฒะ ก๊อง ฑุ่ย ตู์ง. เสย หญั่น ฮบ เญย เหมวย.
• ⁴ บัว อ๋อย หฒุ กิ๊น หาย หญู่ง เซ หอบ เญย,
• บัว กั้น อ๋อย หฒุ ตี่ง หาย หญู่ง เซ หลง เญย.

เอ^ลี^ฮู เฆ่ม โย้บ ก๊อง นิ่น ไม้ ต่อง

• ⁵ ``โย้บ ก๊อง, `เยีย ไม้ โหฒว ต่อง, * ไฟ เยีย โหฒว คู้ เมี่ยน.
• มป่า ทิน-ฮู่ง ไม้ ปุน เยีย ตุ๊ แป้ง ฟิม เญย เล์ย.
• <sup>6</sup> ไม้ กุ๊น เยีย โหฒว ตุ๊ หอบ,
• เยีย หฒุ ฝุน เป๋น ก๊อง-แปะ เญย เมี่ยน.
• ไม้ กุ๊น เยีย ไม้ ม่าย ฒุ์ย,
• เยีย หฒุ มุน, หฒ่อ ไม้ ไฮ่ หลง.'
• <sup>7</sup> ม่าย หาย ล่าน เมี่ยน ฮนั้ง โย้บ
• เตี๊ย ตุ๊ เมี่ยน ฮว้วด ด่ง ฮบ ววม เห่.
• <sup>8</sup> นิ่น เหธา เอ๊าะ เมี่ยน โหฒว ต่อย,
• หย่า เหธา เมี่ยน หว่าย เมี่ยน จวั่ง เจ๊า ยั่ง.
• <sup>9</sup> เหว่ย หฒุ นิ่น ก๊อง, `เมี่ยน อะเฮน้ย กัน ทิน-ฮู่ง
• ไฮ่ เถง นิ่น ตุ๊ หาย หญู่ง หลง?'

เอ^ลี^ฮู ก๊อง ทิน-ฮู่ง เซ แป้ง ฟิม เญย

• ¹⁰ ``เหว่ย น้าย เม่ย บัว เมี่ยน ไกว เมี่ยน อ้า! หมวัง เยีย ม่าะ!
• ทิน-ฮู่ง หฒะเก้ง! ไม้ ไฮ่ โหฒว เอ๊าะ สี่.
• เน่น เจี๋ย วั้ว เต้า ฒู้ง ไม้ ไฮ่ โหฒว ต่อง.
• ¹¹ นิ่น หฒิว เมี่ยน โหฒว เญย วิ่น ปุน นิ่น บัว,
• ปุน เมี่ยน ตุ๊ ผุย นิ่น บัว โหฒว เญย เจ๊า. * สีง ฑูง 62:12
• ¹² เฒียน เญย, ทิน-ฮู่ง ฒู้ง ไม้ โหฒว หว่าย สี่.
• เน่น เจี๋ย วั้ว เต้า ไม้ อ๋าว แป้ง ฟิม เญย เจ๊า เพียน.
• ¹³ หาย เต้า ออน ทิน-ฮู่ง กุ๊น เดา-เป้ย?
• ไฟ หาย เต้า พ้าย นิ่น กุ๊น ก๋อม ลู่ง เดี๊ย?
• ¹⁴ สี ก๊อง ทิน-ฮู่ง ตี่ง เฮญี้ยว
• เซียว นิ่น ปุน เมี่ยน ม่าย แหม่ง เญย เฉีย หฑวน เกวย นิ่น กั้น,
• ¹⁵ ตะฟ่าน ม่าย แหม่ง เญย กะน้าย ฯฒฯ เลี่ยม เฒ่ย ไต่,
• ป้าม เมี่ยน หฒุ หฑวน เป๋น เนีย-บูง.

เอ^ลี^ฮู ก๊อง ทิน-ฮู่ง กุ๊น ตุ๊ หอบ ลู่ง เดี๊ย

• ¹⁶ ``สี ก๊อง เม่ย เม่ง แปะ, หมวัง เยีย เญย หว่า ม่าะ!
• โท้ หมวัง เยีย ก๊อง.
• ¹⁷ หาย เต้า ฑอง แป้ง ฟิม เญย เจ๊า หอบ หฒุ กุ๊น เญย ไฟ?
• เม่ย อ๋อย ตี่ง แป้ง ฟิม เญย, ม่าย ต้ม ชะ เญย ทิน-ฮู่ง ม่าย ฒุ์ย ไฟ?
• ¹⁸ ทิน-ฮู่ง ก๊อง บั๋ว ฮู่ง เตี๋ย, `เม่ย เซ
  ไม้ ลั่ม หล่ง,'
• หย่า ก๊อง บั๋ว โหฒว โฮล เญย เมี่ยน, `เม่ย เซ เอ๊าะ ไห่.'
• ¹⁹ นิ่น ไม้ หมั่ง ต้ม เจียน เญย เฮมียน,
• หย่า ไม้ ฝุน ปุ๊ด-ฒ่อย เมี่ยน เก้า หล่ง เจี๊ยน เมี่ยน จ่ม เมี่ยน,
• เหว่ย หฒุ นิ่น บัว เหยียด ฒู้ง เซ ทิน-ฮู่ง เญย ปั์ว เหฒย ต้าย เญย.
• ²⁰ ด๊าม ม์วน เญย เฒี่ยง โห่, ดุ ตั้ง ฮนั้ง เมี่ยน ฯฒฯ ไต่.
• แปะ ฝีง หฒุ ดั่น ต์ง, หฒุ เหมียด เหฑ่ง
  หมี่ อ๊ะ.
• เฮ้น วั้ว เต๋ย หฒุ เฒาะ มี่ง หย่า ไม้ เฒ์ย ป้าม เมี่ยน เญย ปั์ว โหฒว.
• ²¹ ทิน-ฮู่ง หมั่ง เจี๊ยน เมี่ยน เญย เจ๊า,
• หย่า ปวัด เมี่ยน เญย นอมๆ เหฒา-เบี่ย.
• ²² ไม้ ม่าย ฮมัด เจี๊ยะ ไฟ มับ หฮมวัง เญย ต๋อง
• ปุน โหฒว เอ๊าะ เญย เมี่ยน ปี๋ง ตุ๊ เบว์ย.
• ²³ ทิน-ฮู่ง ฒู้ง ไม้ หฒุ ตี่ง เฒี่ยง โห่ ปุน เมี่ยน * ม่าย เต๋ย โซว อัน เหว่ย หาย ล่าน เมี่ยน.
• มี่ง เยียม นิ่น เญย หฑะเฮมียน หฒุ เซี้ยม.
• ²⁴ นิ่น เบ๊าะ ป่าย ม่าย ชะ เญย เมี่ยน หย่า ไม้ หฒุ ฒ่า หน่าย ด่าง.
• นิ่น แอ๋ง เหลียบ กั้น เต๋ย เมี่ยน ตี๊ นิ่น บัว.
• ²⁵ ฮนั้ง หน่าย, นิ่น ฮิ้ว ตุ๊ นิ่น บัว โหฒว เญย สี่
• ฯฒฯ ลู่ง ม์วน หฒั่น ถุย นิ่น บัว เญย เหว่ย เหมียด เหฑ่ง หมี่ อ๊ะ.
• ²⁶ หลาย นิ่น บัว โหฒว เญย เอ๊าะ สี่
• นิ่น ตอง เจี๊ยน หฒวัง เมี่ยน เบ๊าะ นิ่น บัว,
• ²⁷ เหว่ย หฒุ นิ่น บัว มี่ง เพียน ไม้ กัน นิ่น,
• หย่า ไม้ ท่าย เหยียด เต๋ย นิ่น เญย โต์-เล์ย.
• ²⁸ เหว่ย น้าย นิ่น บัว ปุน เมี่ยน จ่ม เมี่ยน เญย เฉีย มี่ง เถา ทิน-ฮู่ง วั้ว.
• หฒุ โค้ว เห่ว เญย เมี่ยน เญย เฉีย, นิ่น หย่า ไฮ์ หมี่ อ๊ะ.
• ²⁹ สี ก๊อง นิ่น เซ้ก เหฑียะ, หาย เต้า ไฮ่ ตี่ง นิ่น ม่าย ฒุ์ย?
• นิ่น ปวัง เจี๊ยน นิ่น เญย เฮมียน, หาย เต้า ไฮ่ หมั่ง ตุ๊ ปวัด นิ่น?
• ไม้ กุ๊น นิ่น โหฒว ปุน เหยียด กั๊วะ ไฟ เหยียด ล่าน เมี่ยน, ฒู้ง ฟี่ ฮนั้ง เญย,
• ³⁰ เหว่ย ปุน ไม้ กัน ทิน-ฮู่ง เญย เมี่ยน ไม้ ตุ๊ กุ๊น,
• หย่า ไม้ ตุ๊ แฒง โขว ฮลบ แปะ ฝีง.

เอ^ลี^ฮู เห่ว โย้บ ก๊อย เฮญี้ยว

• ³¹ ``สี ก๊อง ม่าย เต้า เมี่ยน ก๊อง บั๋ว ทิน-ฮู่ง
• `เยีย หฒุ เบ๊าะ หฌาว ลิ์ว,
• เยียม น้าย มี่ง เยีย ไม้ โหฒว ต่อง.
• <sup>32</sup> เยีย หมั่ง ไม้ ปวัด เญย โท้ เม่ย หฌาว เยีย.
• สี ก๊อง เยีย โหฒว ฒุ์ย, เยียม น้าย มี่ง เยีย ไม้ โหฒว อ๊ะ.'
• <sup>33</sup> ทิน-ฮู่ง อ๋อย หฒุ หฒิว เม่ย อ๋อย เญย วิ่น ปุน เม่ย,
• เหว่ย หฒุ เม่ย เฆ่ม นิ่น โหฒว เญย สี่.
• เม่ย กั้น อ๋อย หฒุ กิ๊น, ไม้ เฒ์ย เยีย.
• เหว่ย น้าย หฒิว เม่ย ฮิ้ว เญย กุ๊น ก๊อง อ๊ะ.
• <sup>34</sup> ``ธง-เม่ง เมี่ยน อ๋อย ก๊อง บั๋ว เยีย,
• หมวัง เยีย วั้ว เต๋ย เมี่ยน ไกว เมี่ยน อ๋อย ก๊อง,
• ³⁵ ``โย้บ ก๊อง หว่า หย่า ไม้ ฮิ้ว หาย หญู่ง,
• นิ่น เญย หว่า ไม้ ม่าย กอน-แป๋ง.
• ³⁶ เฝย ตุ๊ ปุน โย้บ หฒุ เสย เถา เดี๊ย.
• เหว่ย หฒุ นิ่น เตา เญย หว่า ฮนั้ง เอ๊าะ เมี่ยน นอ.
• ³⁷ นิ่น แหง่ง ทิน-ฮู่ง แอ๋ง จา นิ่น เญย ฒุ์ย,
• นิ่น เยียม เยีย บัว บุด๋ง ไบ๋ ปั์ว
• ก๊อง หว่า ธั้ม เญย ฮว้วด ทิน-ฮู่ง.''