โย้บ 33 (Job 33)

โย้บ 33

เอ^ลี^ฮู อ๋อย เหธา โย้บ หลวน เล์ย

¹ ``โย้บ อ่า, อี้ หฒั่น โท้ หมวัง เยีย ก๊อง,

หมวัง หลง เยีย ก๊อง เญย เหยียด ฒู้ง หว่า.

² หมั่ง ม่าะ! อี้ หฒั่น เยีย อ๋อย ก๊อง,

เยีย หลิ่ว เล์ย เหฒียง ก๊อง อ๊ะ.

³ เยีย เญย หว่า ปุน ธีง เยีย เญย เฮญี้ยว หฒีง,

หฒิว เยีย ฮิ้ว เญย เจ๊า เยีย เญย ฑุ่ย เหมย ก๊อง.

⁴ ทิน-ฮู่ง เญย สีง ลี่ง เหฒย เยีย,

เน่น เจี๋ย วั้ว เต้า เญย เฉีย ปุน เยีย ม่าย แหม่ง.

⁵ สี ก๊อง เม่ย ไฮ่ เตา เยีย, เตา ม่าะ!

หลิ่ว เล์ย เหฒียง เม่ย เญย หว่า หย่า โซ้ว เจี๊ยน เยีย เญย หฑะเฮมียน.

⁶ หฒิว ทิน-ฮู่ง หมั่ง, เยีย เหธา เม่ย ฟี่ ฮนั้ง,

นิ่น หย่า หล่ง ดุ้น เนีย เหฒย เยีย ต้าย
ฟี่ ฮนั้ง เญย.

⁷ เหว่ย น้าย เม่ย ไม้ หฒุ กั้ม เหฑีย เยีย,

เยีย ไม้ เฒ์ย อ๋อย หล่ง ชะ ฒัด เจี๊ยน เม่ย.

เอ^ลี^ฮู แอ๋ง หฑั่ม โย้บ ก๊อง
นิ่น ไม้ โหฒว ต่อง

⁸ ``เม่ย ก๊อง เญย หว่า เยีย ไฮ์ หมี่ อ๊ะ.

เม่ย ก๊อง หว่า เญย เฉีย เปียะ เยีย เญย มน่อม.

⁹ เม่ย ก๊อง, `เยีย เซ ธีง-เหฑ่ง, ไม้ ม่าย ฒุ์ย.

เยีย ธีง-เหฑ่ง เญย, ไม้ ต่อง หาย หญู่ง.

¹⁰ มป่า ทิน-ฮู่ง ล์อ สี่ ห่อย เยีย,

หย่า ฝุน เยีย เป๋น นิ่น เญย วิน-วั้ง.

¹¹ นิ่น เฒาะ เดี๋ยง กับ เจี๊ยน เยีย เญย เหฒา,

แอ๋ง ฒั้ว เจี๊ยน เยีย เญย ติ้วๆ เจ๊า.' * โย้บ 13:27

เอ^ลี^ฮู ก๊อง ไม้ เฒ์ย โย้บ ไม้ ต่อง

¹² ``โย้บ อ่า, ฮนั้ง หน่าย เม่ย ต่อง หมี่ อ๊ะ. เยีย อ๋อย เตา เม่ย.

ทิน-ฮู่ง เซ เก้า โฮล เจี๋ย ป้าม เมี่ยน.

¹³ เม่ย เหว่ย หาย ติ่ว เหธา นิ่น แฑง ก๊อง,

`นิ่น ไม้ เตา เยีย * เญย หาย โจ๋ว หว่า'?

¹⁴ ทิน-ฮู่ง หล่ง น้าย หญู่ง หฒะเอ๋ย ก๊อง,

หล่ง วั้ว หญู่ง หฒะเอ๋ย ก๊อง,

มป่า เมี่ยน ไม้ หล่ง เฮญี้ยว หมวัง. *

¹⁵ ลู่ง ม์วน หฒั่น เมี่ยน เปว๋ย เจี๊ยน โหธว,

มฌ่อม โด เญย เฒี่ยง โห่,

เบ๋ยๆ, ปวัด หิ่น ย่าง เญย สี่, * โย้บ 4:13

¹⁶ ทิน-ฮู่ง ปุน นิ่น บัว เญย มน่อม หมวัง ตุ๊ ไฮ์,

หย่า หล่ง ต๊น เญย หว่า แฮะ นิ่น บัว.

¹⁷ เหว่ย ปุน เมี่ยน เล่ย ฆอย โหฒว เอ๊าะ
เญย สี่,

หย่า ปุน นิ่น บัว ไม้ เธง-โฮล โหฒว เหมา.

¹⁸ นิ่น ตั๊ง เจี๊ยน ปุน เมี่ยน ไม้ หฒุ เปียะ เยี่ยม เกน,

เหฌียว นิ่น บัว เญย แหม่ง ไม้ หฒุ ไต่. *

ทิน-ฮู่ง ปุน ปุ๊ด แป่ง เญย เจ๊า เหว่ย ต๊น เมี่ยน

¹⁹ ``เมี่ยน หย่า หฒุ เบ๊าะ หฌาว เปว๋ย เจี๊ยน โหธว เตี๊ย มุน,

นิ่น เญย บู๊ง หย่า หฒั่นๆ มุน.

²⁰ นิ่น เญย ฑุ่ย ฯฒฯ โหยว หญั่น ฮบ,

เลี่ยม คู้ เจี๋ย เญย กะน้าย หย่า โหยว
หมี่ อ๊ะ.

²¹ นิ่น ไจ่ เกา, ซิน หฒั่ง โซะ เหฑ่ง, หมั่ง ไม้ ปวัด อ๊อ,

ฒิ่น ด่าง ไม้ ปวัด เญย บู๊ง, อี้ หฒั่น บง ธ้วด ต้าย อ๊ะ.

²² นิ่น เญย ลี่ง ว่วน เถา ฟัด เยี่ยม เกน,

นิ่น เญย แหม่ง เถา ฟัด เหมียด แหม่ง วั้ว เต๋ย.

เอ^ลี^ฮู ก๊อง
ทิน-ฮู่ง พ้าย ฟิน-เมี่ยน ต้าย เหฌียว เมี่ยน

²³ ``สี ก๊อง ม่าย เต้า ฟิน-เมี่ยน ต้าย เถง นิ่น โหฒว บุด๋ง เมี่ยน,

เซ ธิน-หว่าน เต้า เญย เหยียด เต้า,

ปุน เมี่ยน ฮิ้ว ตุ๊ โหฒว หอบ เญย เจ๊า.

²⁴ วั้ว เต้า ฟิน-เมี่ยน ค้อ-เลี่ยน นิ่น ฯฒฯ ก๊อง,

`โท้ เหฌียว นิ่น, ไม้ ตู๋ง ปุน นิ่น มี่ง เยี่ยม เกน,

เยีย ล์อ ตุ๊ หฒัวะ เญย จ๋า หมี่ อ๊ะ.'

²⁵ นิ่น เญย ซิน ฯฒฯ หฑวน หลุน ต้าย ฮนั้ง ฝุเจว๊ย เญย,

หย่า เฮ้น เจี์ย ต้าย ฮนั้ง เมี่ยน หลุน เมี่ยน เญย ฮนอย-เหญียะ นอ.

²⁶ นิ่น เต๋า เก๋า โจ้ว ทิน-ฮู่ง, ทิน-ฮู่ง ฯฒฯ ฒิบ นิ่น,

นิ่น เฌียน-โย่ว เญย มี่ง เยียม ทิน-ฮู่ง เญย หฑะเฮมียน.

ทิน-ฮู่ง แอ๋ง ปุน นิ่น หฑวน ต้าย โหฒว คู้ เมี่ยน ฮนั้ง โล์ วั้ว นอ.

²⁷ นิ่น เยียม เมี่ยน เญย หฑะเฮมียน ป๋าว ฑูง ก๊อง,

`เยีย ป์าม ฒุ์ย, ปวัด โหฒว ต่อง เญย สี่ เป๋น โหฒว หอบ เญย เจ๊า.

มป่า ทิน-ฮู่ง ไม้ หฒิว เยีย โหฒว เญย วิ่น ปุน เยีย.

²⁸ นิ่น เหฌียว เยีย, ปุน เยีย ไม้ หฒุ เหฌี่ย เถา เยี่ยม เกน,

เยีย เญย แหม่ง ฯฒฯ ตุ๊ ปวัด ฌัง.'

²⁹ ``ทิน-ฮู่ง โหฒว น้าย เต๋ย เหยียด ฒู้ง สี่ ปุน เมี่ยน,

อี หฑุ่น, ปัว หฑุ่น.

³⁰ นิ่น เหฌียว เมี่ยน เล่ย ดุ๊ด เยี่ยม เกน,

ปุน นิ่น ตุ๊ อะเฮน้ย เญย เฒี่ยง เจี๊ยน. *

เอ^ลี^ฮู โท้ โย้บ เซ้ก หย่า หมวัง นิ่น หฌาว

³¹ ``โอ โย้บ อ่า, แปง มน่อม หมวัง เยีย ก๊อง โอ่.

โท้ ไม้ ตู๋ง โค โล, เยีย ฯฒฯ ก๊อง.

³² สี ก๊อง เม่ย ม่าย หว่า ก๊อง, เตา เยีย ม่าะ!

กุ๊น ก๊อง อ๊ะ. เยีย อะเฮน้ย หมวัง เหว่ย แล์ง เม่ย เซ ไม้ ต่อง.

³³ สี ก๊อง เม่ย ไม้ ก๊อง,
โท้ หมวัง เยีย ก๊อง.

ไม้ ตู๋ง โค โล, เยีย ฯฒฯ เฒาะ ธง-เม่ง เญย เจ๊า หฌาว เม่ย.''