(โย้บ 32:1-37:24 )

เอ^ลี^ฮู เฉีย เจี์ย ฯฒฯ ก๊อง

¹ น้าย เต๋ย ปัว ล่าน เมี่ยน ฯฒฯ ตี้ง เหฌี่ย, ไม้ เตา โย้บ, เหว่ย หฒุ หฒิว โย้บ หมั่ง, นิ่น กั้น โหฒว คู้ เมี่ยน. ² มป่า ม่าย เต้า ลาม ฝีง, บุ^ซี เมี่ยน, บา^ลา^เคน เญย ตอน, เอ^ลี^ฮู, เฉีย เจี์ย. นิ่น เฉีย เจี์ย โย้บ เหว่ย หฒุ โย้บ ก๊อง นิ่น กั้น โหฒว ตุ๊ หอบ, ไม้ เฒ์ย ทิน-ฮู่ง. ³ นิ่น หย่า เฉีย เจี์ย โย้บ เญย ปัว เต้า ต่อย, เหว่ย หฒุ นิ่น บัว ล์อ ไม้ ตุ๊ หว่า เตา, ไม้ กุ๊น นิ่น บัว ก๊อง โย้บ ต่อง. ⁴ เอ^ลี^ฮู ฒั้ว เจี๊ยน อ๋อย เหธา โย้บ ก๊อง เหว่ย หฒุ วั้ว เต๋ย เก้า โก๋ นิ่น. ⁵ เอ^ลี^ฮู ปวัด น้าย เต๋ย ปัว ล่าน เมี่ยน ไม้ ม่าย หว่า เตา นิ่น ฯฒฯ เฉีย เจี์ย ไห่.

เอ^ลี^ฮู ก๊อง ตะเยี้ยด หฑุ่น หว่า

⁶ บุ^ซี เมี่ยน, บา^ลา^เคน เญย ตอน, เอ^ลี^ฮู, ฯฒฯ เตา,

• ``เยีย หฮญัง-เจ๊ย หลุน,
• เม่ย บัว โก๋.
• เหว่ย น้าย เยีย ต๊าม ไฝ,
• ไม้ ก๊าม ก๊อง เยีย ฮนั้ม ธ้วด เญย หว่า ปุน เม่ย บัว หมวัง.
• ⁷ เยีย ก๊อง, `หฮญัง-เจ๊ย โก๋ อ๋อย หฒุ ก๊อง,
• ปุน เสี่ยว ญ่วน ด๊าว เญย หล่ง ธง-เม่ง หฌาว เมี่ยน.'
• ⁸ เน่น เจี๋ย เญย ทิน-ฮู่ง เญย เฉีย
• ปุน ป้าม เมี่ยน เญย เฮญี้ยว
• ม่าย ปั้น เหฒ่ย ไฮ่ เม่ง แปะ.
• ⁹ เซ ไม้ เฒ์ย หลาย หฮญัง-เจ๊ย ฮลัง, เมี่ยน หธีง ม่าย ธง-เม่ง,
• ไฟ เสี่ยว ญ่วน ด๊าว หธีง ปุน นิ่น บัว เม่ง แปะ หาย หญู่ง เซ หอบ.
• ¹⁰ เหว่ย น้าย เยีย ก๊อง. หมวัง เยีย ม่าะ!
• โท้ ปุน เยีย หฒิว เยีย เญย เฮญี้ยว ฮนั้ม เญย ก๊อง.

เอ^ลี^ฮู ก๊อง วั้ว เต๋ย ต่อย เตา ไม้ หฒุ

• ¹¹ ``เยีย ฒั้ว เจี๊ยน หมวัง เม่ย บัว ก๊อง เญย หว่า.
• เยีย หมวัง เม่ย บัว ฮนั้ม ธ้วด เญย หฒะเอ๋ย,
• หย่า ฒั้ว เจี๊ยน เม่ย บัว ล์อ หว่า ก๊อง.
• ¹² เยีย หล่ง เฮญี้ยว หมวัง เม่ย บัว,
• หย่า ไม้ ม่าย หาย เต้า เตา ตุ๊ หอบ โย้บ.
• เม่ย บัว ไม้ ม่าย เหยียด ล่าน ไฮ่ เตา โย้บ แฑง เญย หว่า.
• ¹³ ไฝ ฟิม, ไม้ ตู๋ง ก๊อง, `เยีย บัว ล์อ ตุ๊ ธง-เม่ง.
• ปุน ทิน-ฮู่ง กั้น เตา นิ่น,
• ไม้ เฒ์ย เมี่ยน.'
• ¹⁴ โย้บ ไม้ เฒ์ย เฒว่ย เยี้ยด เฒว่ย เหญ่ย ต๋อย เยีย ก๊อง,
• เยีย ฒู้ง ไม้ หล่ง หว่า ฮนั้ง เม่ย บัว นอ เตา.

เอ^ลี^ฮู เญี์ยน ไม้ เจี๊ยน, อ๋อย หฒุ ก๊อง

• ¹⁵ ``นิ่น บัว กั้ม เหฑีย, ไม้ แอ๋ง เตา อ๊ะ,
• ฒู้ง ไม้ ม่าย หว่า เตา.
• ¹⁶ นิ่น บัว ไม้ ก๊อง หว่า, เยีย หธ่อ อ๋อย หฒุ ฒั้ว ไฟ?
• เหว่ย หฒุ นิ่น บัว โซ้ว เจี๊ยน วั้ว, หย่า ไม้ ม่าย หว่า แอ๋ง เตา.
• ¹⁷ เยีย กั้น หย่า อ๋อย เตา,
• เยีย อ๋อย หฒิว เยีย ฮนั้ม เญย เจ๊า ก๊อง.
• ¹⁸ เหว่ย หฒุ เยีย ม่าย หว่า ธั้ม, เญี์ยน ไม้ เจี๊ยน,
• เยีย เญย เฮญี้ยว อ๊าบ เยีย ก๊อง.
• ¹⁹ เยีย เญย เฮญี้ยว ฮนั้ง อะหงุ่น ติ๊ว ตั๊บ บัวะ, ไม้ ม่าย ต๋อง ปุน เฉีย ธ้วด.
• หย่า ฮนั้ง เซียง-ด๊บ-บัวะ ไฮ่ หฒูง บ๋าย.
• ²⁰ เยีย ฮนั้ง หาย อ๋อย หฒุ ก๊อง หธีง ตุ๊ คู่ เยียม,
• เยีย อ๋อย หฒุ หมอง ฆอย ฑุ่ย เตา.
• ²¹ เยีย ไม้ หมั่ง หาย เต้า เญย เฮมียน,
• ไม้ หละไกว้ เธง หาย เต้า.
• ²² เหว่ย หฒุ เยีย ไม้ ฮิ้ว ตุ๊ ฮนั้ง หาย นอ หละไกว้ เธง,
• สี ก๊อง เยีย หละไกว้ เธง, เหฒย เยีย วั้ว เต้า อ๋อย เซี้ยบๆ เญย เหมียด เยีย.