โย้บ 31 (Job 31)

โย้บ 31

โย้บ ก๊อง ฆะฮ้า ลาย วั้ว หฑุ่น
เญย เซ้ด เมว์ย หว่า

โย้บ กั้น แล์ง เจี๊ยน อ๋อย โหฒว หอบ

¹ ``เยีย เหธา เยีย เญย มฒีง แล์ง เจี์ย แหง่ง หว่า.

วั้ว หญู่ง เยีย ฮนั้ง หาย นอ ไฮ่ หั่น ธีง-เหฑ่ง เญย เซียะ? *

² เยียม กู้ หงว่าย เญย ทิน-ฮู่ง อ๋อย ปุน เยีย ตุ๊ เญย ป่วน เซ หาย หญู่ง?

เยียม ฮลัง เญย ต๋อง เน่น เจี๋ย วั้ว เต้า อ๋อย ปุน เยีย ตุ๊ หฑิบ หาย หญู่ง?

³ นิ่น ไม้ เฒ์ย อ๋อย ปุน โหฒว ไม้ หอบ เญย เมี่ยน หฒุ เหฒะ หน่าน,

หย่า ปุน ป์าม ฒุ์ย เญย เมี่ยน หฒุ สี่ ไฟ?

⁴ นิ่น ไม้ เฒ์ย หมั่ง เยีย มี่ง เญย เจ๊า

หย่า ซ้าว เยีย เญย นอมๆ เหฒา-เบี่ย ไฟ?

⁵ ``สี ก๊อง เยีย โหฒว จ๊า เญย เจ๊า,

เยีย เญย เหฒา หย่า เซี้ยบๆ เญย มี่ง ดั๊ว เมี่ยน,

⁶ โท้ ทิน-ฮู่ง เฑียง เยีย เยียม แป้ง ฟิม เญย ทิน-แป้ง เหฑียง,

นิ่น ฯฒฯ ฮิ้ว ตุ๊ เยีย ไม้ โหฒว ต่อง.

โย้บ แล์ง แหง่ง หว่า ก๊อง
นิ่น ไม้ เหฮยียน เอ๊า

⁷ ``สี ก๊อง เยีย เญย เหฒา-เบี่ย ยั่ง เพียน เฒียน เจ๊า,

เยีย เญย เฮญี้ยว หย่า กัน เยีย เญย มฒีง,

สี ก๊อง เยีย เญย ปั์ว ม่าย หาย หญู่ง ฒุ์ย กั๊วะ เจี๊ยน,

⁸ กุ๊น ปุน เยีย หฒวัง หย่า ปุน กั้น เต้า หญั่น,

หย่า โท้ เหว่ย เยีย ธ้วด ต้าย เญย แกง-หฒวัง เลี่ยม ฑู่ง แปง ธ้วด.

⁹ ``สี ก๊อง เยีย เญย เฮญี้ยว หฒุ แปง มี่ง ล์อ มเซียะ ตอน,

เยีย หย่า ปี๋ง เจี๊ยน เยียม เยีย เญย จวั่ง ล์าง เมี่ยน เญย แก้ง ด่าง ฒั้ว,

¹⁰ กุ๊น ปุน เยีย เญย เอ๊า เหว่ย กั้น เต้า มจั่ง ตอน หม่อ บ๊วน,

หย่า ปุน นิ่น เหธา กั้น เต้า มจั่ง ตอน เปว๋ย.

¹¹ ฮนั้ง หน่าย หฒะเก้ง หว่าย เญย สี่,

เซี้ยม ฒุ์ย เจียน ฒู้ง อ๋อย หฒุ ตี่ง ฒุ์ย,

¹² เหว่ย หฒุ น้าย หญู่ง ฒุ์ย เป๋น โต์ว ปั๊ว เถา หฒุ เหมียด เญย ต๋อง, *

หย่า ปุน เยีย ตุ๊ ต้าย เญย เหยียด ฒู้ง หฒุ ปั๊ว ชุย.

โย้บ แหง่ง เจี๊ยน ก๊อง นิ่น ไม้ ห่อย
ด๊อด หน่าน เญย เมี่ยน

¹³ ``สี ก๊อง เยีย เญย โน่ว เก๊า โน่ว เป์ย ต้าย โก๋ เยีย,

เยีย หมั่ง เผีย ไม้ หมวัง นิ่น บัว โก๋ เญย หว่า,

¹⁴ วั้ว หญู่ง ทิน-ฮู่ง เจี์ย ต้าย หน่าย เยีย อ๋อย หฒุ ฮนั้ง หาย นอ โหฒว?

นิ่น ฒ่า หน่าย เยีย เญย เฒี่ยง โห่ เยีย อ๋อย หฒุ ฮนั้ง หาย นอ เตา?

¹⁵ เหฒย เยีย เยียม มา เญย กะเซีย วั้ว เต้า ฟี่ ฮนั้ง เญย เหฒย นิ่น ไม้ เฒ์ย?

หย่า ต้ง น้าย เต้า ทิน-ฮู่ง ปุน เยีย บัว เยียม มา เญย กะเซีย เหฒย ต้าย ไม้ เฒ์ย?

¹⁶ ``สี ก๊อง เยีย แหง่ง เจี๊ยน ไม้ เถง ต้ง เมี่ยน จ่ม เมี่ยน อ๋อย ตุ๊ เญย,

ไฟ ปุน เอ๊า-กว๊า เญย มฒีง แปะๆ หมั่ง,

¹⁷ สี ก๊อง เยีย กั้น หญั่น เยีย ม่าย เญย ติ๊ เตียน,

กู้ ฮั่น ฝุเจว๊ย หย่า ไม้ ตุ๊ หญั่น,

¹⁸ (เหว่ย หฒุ นิ่น หลุน เญย เฒี่ยง โห่ เยีย ต้อ นิ่น โฮล ต้าย ฮนั้ง เป๋น นิ่น เญย เตีย นอ,

นิ่น เยียม มา เญย กะเซีย ธ้วด ต้าย เยีย โก๋ว นิ่น,) *

¹⁹ สี ก๊อง เยีย ปวัด หาย เต้า ไต่ หลาย ไม้ ม่าย ลุย-โหว ฒุ,

ไฟ ปวัด ตั๋ง-ต๋น เญย เมี่ยน ไม้ ม่าย หาย หญู่ง ท้อง ซิน,

²⁰ สี ก๊อง เยีย ไม้ ปุน นิ่น ตุ๊ เยีย เญย ปะกี ยู่ง เญย เปยย เถง นิ่น เซี้ยว,

นิ่น เญย เฮญี้ยว ฯฒฯ ไม้ ปวัง หว่า ปุน เยีย,

²¹ สี ก๊อง เยีย ฮิ้ว ตุ๊ เยียม ฒี่ง แก้ง ด่าง เญย สี่ ต้อง ม่าย เมี่ยน เถง เยีย,

เยีย ฯฒฯ ซูง ปั์ว เหฒย กู้ ฮั่น ฝุเจว๊ย,

²² โท้ ปุน เยีย เญย บะเต้า เหธา บู๊ง-เฒ่ย ดุ๊ด มี่ง,

หย่า ปุน เยีย เญย ปั์ว เยียม บู๊ง-ต๋าว เน้า ดุ๊ด,

²³ เหว่ย หฒุ ทิน-ฮู่ง ปุน ต้าย เญย เหฒะ หน่าน ปุน เยีย กั้ม เหฑีย ไห่.

หย่า เหว่ย นิ่น เญย ฮ่าง ต้าว เยีย ไม้ ไฮ่ โหฒว น้าย หญู่ง สี่.

โย้บ แหง่ง เจี๊ยน ก๊อง
นิ่น ไม้ เม้า กะน้าย หย่า ไม้ ป๋าย หมิ่ว-ฝัง

²⁴ ``สี ก๊อง เยีย หล่ง เจียม โหฒว เยีย เขา
เญย ต๋อง,

แอ๋ง บั๋ว เฒียน เจียม, `เม่ย เป๋น เยีย เขา ว้วน เญย ต๋อง,'

²⁵ สี ก๊อง เยีย เหว่ย เยีย ม่าย ฒิ่น ฒ่อย ปู๋ง-หฒัวะ,

ไฟ เหว่ย เยีย เญย ปั์ว หฒ่อน ตุ๊ ธั้ม เฌียน-โย่ว,

²⁶ สี ก๊อง เยีย ปวัด บะฮนอย หฒิว ธ้วด ฌัง,

ไฟ ปวัด หฮลา เญย ฌัง-หล่าง เจี๋ย
กู้ หงว่าย,

²⁷ เยีย เญย เฮญี้ยว เป่ย เดี๊ย หฒุ หยัวะ,

เยีย เญย ฑุ่ย ฒม เยีย เญย ปั์ว ปุน ธีง ท่าย นิ่น บัว,

²⁸ น้าย หย่า เป๋น เซี้ยม ฒุ์ย เจียน อ๋อย หฒุ ตี่ง เญย ฒุ์ย,

เหว่ย หฒุ เยีย ไม้ เหฒียบ ฒัวะ เญย โหฒว ปุน เยียม ฮลัง เจี๋ย เญย ทิน-ฮู่ง.

โย้บ ก๊อง นิ่น ไม้ จ๊าว วิน,
นิ่น อะเฮน้ย ฒิบ แคะ,
นิ่น ไม้ โหฒว เป้ย หฒะ เฮญี้ยว ฌ้วด

²⁹ ``สี ก๊อง เยีย ปวัด ฑอง เยีย วั้ว เต๋ย
หฒุ ป่าย,

ปวัด นิ่น บัว หฒุ เอ๊าะ สี่ ฯฒฯ เฌียน-โย่ว อะเฮน้ย,

³⁰ (เยีย ฒู้ง ไม้ ปุน เยีย เญย ฑุ่ย ป์าม ฒุ์ย,

เหฒียว ปุน นิ่น หฒุ ไต่,)

³¹ สี ก๊อง เยียม เยีย เญย ด๊บ-ลิ่ว เญย เมี่ยน ไม้ ก๊อง,

`ม่าย หาย เต้า ไม้ ตุ๊ หญั่น นิ่น เญย เฒี้ยว เญย หญั่น ฮบ * เป๊ว?'

³² (เยียม โก ต้าย เญย เมี่ยน ไม้ หฒุ เยียม เฮย-ห่อง เจี๋ย ม์วน,

เยีย เญย แก้ง คอย ฆอย ฒิบ เจี๋ย เจ๊า เญย เมี่ยน,)

³³ สี ก๊อง เยีย ปี๋ง เยีย ป์าม เญย ฒุ์ย ฮนั้ง อา^ดัม,

เฒาะ ฒุ์ย ปี๋ง เจี๊ยน เยีย เญย เฮญี้ยว,

³⁴ เหว่ย หฒุ เยีย กั้ม เหฑีย หฒวัง เมี่ยน ธั้ม,

หย่า กั้ม เหฑีย โต้ว ฒง เมี่ยน หมั่ง เผีย เยีย,

เยีย ฯฒฯ ไม้ โค โล หย่า ไม้ ธ้วด แก้ง ขะเดา.

โย้บ โท้ ทิน-ฮู่ง ฆะฮ้า ลาย วั้ว หฑุ่น,
ปุน นิ่น ฮิ้ว ตุ๊ นิ่น ต่อง เญย ต๋อง,
แอ๋ง แหง่ง เจี๊ยน ก๊อง นิ่น ไม้ โหฒว ต่อง

³⁵ ``โอ เฝย ตุ๊ ม่าย เต้า หมวัง เยีย.

(น้าย เยีย ฝาว เยีย เญย บั๋ว. โท้ เน่น เจี๋ย วั้ว เต้า เตา เยีย.)

โท้ โก๋ เยีย วั้ว เต้า เฒาะ โก๋ เญย หว่า เฟี้ย เจี๊ยน.

³⁶ เยีย ฯฒฯ อัน เจี๊ยน เยีย เญย บะเต้า,

หย่า ด๋ง เจี๊ยน ฮนั้ง ฮู่ง นี้ง.

³⁷ เยีย อ๋อย ก๊อง เม่ง บั๋ว ทิน-ฮู่ง เยีย โหฒว เญย เหยียด ฒู้ง, *

เยีย ฯฒฯ ฮนั้ง โหฒว โฮล เญย เมี่ยน เปียะ เถา นิ่น เญย หฑะเฮมียน.

³⁸ ``สี ก๊อง เยีย เญย เดา โก๋ เยีย,

ไล่ เญย เดา-หฒวน ล่ม ฑ่อย เญี้ยม,

³⁹ สี ก๊อง เยีย หญั่น เดา เญย แกง-หฒวัง หย่า ไม้ ธ้วด ญ่าน,

ปุน โล์-เดา-เฒี้ยว กวั่ง แหม่ง,

⁴⁰ โท้ ปุน ฌิ้ม ธ้วด ตี๊ เบย้า วิด,

ปุน เมี้ย-เหฒวย ธ้วด ตี๊ เบย้า บา^ลี.''

โย้บ ก๊อง เญย หว่า เหฑ่ง หมี่ อ๊ะ.