โย้บ 35 (Job 35)

โย้บ 35

เอ^ลี^ฮู ก๊อง ตะฟาม หฑุ่น หว่า

เอ^ลี^ฮู แหง่ง เจี๊ยน โย้บ ก๊อง
นิ่น ไม้ ต่อง วั้ว เต๋ย หว่า

¹ เอ^ลี^ฮู แอ๋ง ก๊อง,

² ``เม่ย ฮนั้ม ต้าย น้าย เซ แป้ง ฟิม เญย ไฟ?

เม่ย ก๊อง, `เยีย เก้า แป้ง ฟิม ทิน-ฮู่ง?'

³ เม่ย หธีง ต้าย หน่าย ทิน-ฮู่ง, `เยีย ตุ๊ หาย หญู่ง หลง?

เยีย ไม้ ป์าม ฒุ์ย เยีย ตุ๊ หาย หญู่ง เก้า หลง ป์าม ฒุ์ย วั้ว เต๋ย?'

⁴ ``เยีย อ๋อย เตา เม่ย

หย่า เตา เหธา เม่ย เยียม เญย โล์-แกง ต่อย.

เอ^ลี^ฮู ก๊อง โย้บ ป์าม ฒุ์ย ไม้ ห่อย ทิน-ฮู่ง, นิ่น ห่อย ป้าม เมี่ยน

⁵ ``เธา เฮมียน หมั่ง วั้ว ลู่ง!

หมั่ง เยียม เม่ย กู้ หงว่าย ฮลัง เญย บ๋วน.

⁶ สี ก๊อง เม่ย ป์าม ฒุ์ย, เม่ย โหฒว หาย หญู่ง ห่อย ทิน-ฮู่ง?

สี ก๊อง เม่ย ต่อง ฒุ์ย ธั้ม เจี๊ยน ฝาว, เม่ย เญย ฒุ์ย ฮนั้ง หาย นอ โหฒว ปุน นิ่น? * โย้บ 22:2-3

⁷ สี ก๊อง เม่ย โหฒว คู้ เมี่ยน, เม่ย จา หาย หญู่ง ปุน นิ่น?

ไฟ นิ่น เยียม เม่ย เญย ปั์ว ฒิบ หาย หญู่ง?

⁸ เม่ย โหฒว เอ๊าะ สี่ ขูง ห่อย ป้าม เมี่ยน ฮนั้ง เม่ย นอ.

เม่ย โหฒว คู้ เมี่ยน ขูง เถง ป้าม เมี่ยน
ตุ๊ หลง.

⁹ ``เมี่ยน หลาย หฒุ เหฒย ธั้ม ฯฒฯ เห่ว,

นิ่น บัว โท้ เถง เปย๋า ดุ๊ด เฮ้น วั้ว เต๋ย
เญย ปั์ว.

¹⁰ มป่า ไม้ ม่าย หาย เต้า ก๊อง, `เหฒย เยีย ต้าย วั้ว เต้า ทิน-ฮู่ง,

เซ ปุน เมี่ยน ลู่ง ม์วน หฒั่น ป๋าว ฑูง วั้ว เต้า, เยียม หาย?

¹¹ นิ่น หฌาว เยีย บัว เก้า ธั้ม หฌาว เดา-เป้ย เญย เฮยี่ย ฒ่อย,

หย่า ปุน เยีย บัว ม่าย ธง-เม่ง เก้า ธั้ม เยียม ลู่ง เญย เหนาะ.'

¹² นิ่น บัว เห่ว เจี๊ยน โท้ เถง มป่า ทิน-ฮู่ง
ไม้ เตา,

เหว่ย หฒุ เอ๊าะ เมี่ยน เหมา ไห่.

¹³ นิ่น บัว แปะๆ เห่ว, ทิน-ฮู่ง ฒู้ง ไม้ หมวัง.

เน่น เจี๋ย วั้ว เต้า ไม้ เกวน ไม้ สี่ เญย.

เอ^ลี^ฮู ฮว้วด โย้บ หย่า ก๊อง นิ่น หฮงง

¹⁴ ``วั้ว หญู่ง, เม่ย ก๊อง เม่ย หมั่ง ไม้ ปวัด ทิน-ฮู่ง,

นิ่น ฯฒฯ เก้า ฟัด ไม้ อ๋อย หมั่ง เม่ย.

เม่ย หย่า ก๊อง เม่ย เญย สี่ เยียม นิ่น เญย หฑะเฮมียน,

เม่ย หย่า ฒั้ว เจี๊ยน นิ่น.

¹⁵ อี้ หฒั่น เม่ย ฮนั้ม ต้าย, ไม้ กุ๊น ทิน-ฮู่ง เฉีย เจี์ย, นิ่น ไม้ ตี่ง ฒุ์ย,

เมี่ยน ป์าม ฒุ์ย นิ่น ไม้ กุ๊น อ๊ะ.

¹⁶ เหว่ย น้าย โย้บ ก๊อง เจี๊ยน ไม้ ลั่ม หล่ง เญย หว่า มี่ง,

ก๊อง หว่า ธั้ม หย่า ไม้ ฮิ้ว นิ่น ก๊อง หาย หญู่ง.''