โย้บ 20 (Job 20)

โย้บ 20

โส^ฟา ก๊อง ตะเหญ่ย หฑุ่น

โส^ฟา อะ ตุ๊ ฒั้ว, อ๋อย เหธา โย้บ ก๊อง

¹ นา^อา^เม เมี่ยน, โส^ฟา, ฯฒฯ เตา,

² ``โย้บ อ้า! เม่ย เญย หว่า ปุน เยีย เฮญี้ยว ไม้ หลง,

เญี์ยน ไม้ เจี๊ยน, อ๋อย หฒุ เตา อ๊ะ.

³ เยีย ไฮ์ เม่ย ก๊อง-เหม เญย หว่า ก๊อง โตะ เยีย,

มป่า เยีย กั้น เญย เฮญี้ยว ฮิ้ว ตุ๊ ฮนั้ง หาย นอ เตา.

โส^ฟา ก๊อง เอ๊าะ เมี่ยน
เญย เซ้ด เมว์ย ฮนั้ง หาย นอ

⁴ ``เม่ย ไม้ ฮิ้ว ไฟ? เยียม โล์! ฮนอย ต้าย,

ต้ง ป้าม เมี่ยน โธะ โหะ ตุ๊ เยียม ป้าม เกน วั้ว หฒั่น,

⁵ เอ๊าะ เมี่ยน ตุ๊ ฮี่ง เญย เฒี่ยง โห่ เซ นั้ง เญย,

ไม้ กัน ทิน-ฮู่ง เญย เมี่ยน เญย เฌียน-โย่ว หย่า เหว่ย ตั้ง ป๊า ฮนั้ง.

⁶ ไม้ กุ๊น นิ่น ตุ๊ โหฒว โฮล, แบ่ง กู้ หงว่าย ลู่ง,

นิ่น เญย มฆ้อง เถา บ๋วน,

⁷ นิ่น อ๋อย เหยียด ลิ์ว หฒุ เหมียด, ฮนั้ง นิ่น กั้น เญย ไฆ้.

ปวัด เจี๋ย นิ่น เญย เมี่ยน อ๋อย ก๊อง, `นิ่น เจี๋ย หาย หมี่ อ๊ะ?'

⁸ นิ่น ฮนั้ง นอม เบ๋ย เจี๋ย หมี่ อ๊ะ, ล์อ ไม้ ปวัด อ๊ะ,

หย่า ฮนั้ง ลู่ง ม์วน หฒั่น หิ่น ย่าง เญย สี่ นิ่น หมิด หมี่ อ๊ะ.

⁹ ปวัด เจี๋ย นิ่น เญย เมี่ยน เหยียด ลิ์ว ไม้ ตุ๊ แอ๋ง ปวัด,

นิ่น เยียม เญย ต๋อง หย่า ไม้ ตุ๊ แอ๋ง ปวัด นิ่น.

¹⁰ นิ่น เญย ตอน-เจว๊ย อ๋อย หฒุ จ๊าว ซูง เมี่ยน จ่ม เมี่ยน.

กั้น เญย ปั์ว อ๋อย หฒุ ถุย หฑวน นิ่น เญย ฒิ่น ฒ่อย.

¹¹ นิ่น เญย บู๊ง ม่าย เมี่ยน หลุน เมี่ยน เญย ชะ,

มป่า อ๋อย หฒุ เหธา นิ่น เหฌี่ย เป๋น เนีย-บูง.

โส^ฟา เป๊ย เอ๊าะ สี่
ฮนั้ง เอ๊าะ เมี่ยน หญั่น เญย กะน้าย

¹² ``ไม้ กุ๊น เอ๊าะ สี่ เยียม นิ่น เญย ฑุ่ย เซ กาม เญย,

หย่า ไม้ กุ๊น นิ่น ฟับ เจี๊ยน นิ่น เญย เบียด กะเดี๊ย,

¹³ ไม้ กุ๊น นิ่น ไม้ คั้ง เลี้ย ธ้วด,

หธ่อ ฌอม เจี๊ยน ฑุ่ย กะญั์ว,

¹⁴ นิ่น หญั่น เญย กะน้าย เยียม กะเซีย ทิ้ว
หมี่ อ๊ะ,

เยียม เฮญี้ยว กะญั์ว เป๋น นาง-เจี๊ยะ เญย เดีย-โตะ.

¹⁵ เอ๊าะ เมี่ยน นะ ฒิ่น ฒ่อย แอ๋ง โล้ ธ้วด,

ทิน-ฮู่ง โหฒว ปุน วั้ว เต๋ย กะน้าย เยียม นิ่น เญย กะเซีย แป๊ด ธ้วด ต้าย.

¹⁶ นิ่น อ๋อย เซาะ นาง-เจี๊ยะ เญย เดีย-โตะ,

นาง-โตะ อ๋อย เญาะ นิ่น ไต่.

¹⁷ นิ่น ไม้ ตุ๊ หมั่ง โด๊ะ,

เซ ม่าย เมว์ย-ต้อง เหธา ง่ง หญอ เหลี่ยว ธ้วด เญย โด๊ะ.

¹⁸ นิ่น ธ้วด ชะ ตุ๊ ต้าย เญย กะน้าย อ๋อย หฒุ ถุย หฑวน,

หย่า ไม้ ตุ๊ อะเฮน้ย นิ่น ม์าย หม่าย หฒ่อน ต้าย เญย กะน้าย.

¹⁹ เหว่ย หฒุ นิ่น เหฒย เมี่ยน จ่ม เมี่ยน แอ๋ง กวั่ง นิ่น บัว,

หย่า ธ้าง ไม้ เฒ์ย นิ่น กั้น เหธย ต้าย เญย เปย๊า.

²⁰ ``เหว่ย หฒุ นิ่น เม้า เญย เจ๊า ไม้ ไฮ่ ตี้ง,

นิ่น อะเฮน้ย เญย กะน้าย เหยียด หญู่ง หย่า ไม้ เลี่ยว อ๊ะ.

²¹ นิ่น หญั่น ลิ์ว, ไม้ เหฒ่ง หาย หญู่ง อ๊ะ.

เหว่ย น้าย นิ่น เญย ฟุ-โหละ ไม้ ตุ๊ เหยียด ลิ์ว เยียม.

²² นิ่น เก้า เป๋น เจี๋ย เญย เฒี่ยง โห่, นิ่น หฒุ ด๊อด เหฌี่ย โค้ว,

เหยียด ฒู้ง เซียม เญย เหฒะ หน่าน ฯฒฯ ต้าย ห่อย นิ่น.

โส^ฟา ก๊อง เม่ง เอ๊าะ เมี่ยน
อ๋อย ปวั้ง เญย เหฒะ หน่าน

²³ ``เอ๊าะ เมี่ยน หญั่น เป๊ว, ปวั๊ง กะเซีย เญย เฒี่ยง โห่,

ทิน-ฮู่ง เญย กะเฉีย ฯฒฯ แป๊ด ธ้วด ปุน นิ่น,

หย่า ฮนั้ง บยู่ง นอ เหฌี่ย นิ่น เญย ซิน.

²⁴ นิ่น อ๋อย เปย๋า เฮลียะ-จา-สี่,

ต้ง ซิ ฟอง ฯฒฯ ป๊วน ทง นิ่น.

²⁵ นิ่น แปง ฟอง ธ้วด,
ฟอง ฯฒฯ เยียม นิ่น เญย ซิน ธ้วด ต้าย.

ฟอง-ธัง เตว๊ย-เมว์ย กั๊วะ เจี๊ยน ต๊าม เญย ววม แอ๊ง ธ้วด ฌัง,

แฮะ นิ่น กั้ม เหฑีย! ไห่.

²⁶ นิ่น เซียว เญย ฒิ่น ฒ่อย อ๋อย หฒุ เหมียด เหฑ่ง. *

ไม้ เฒ์ย เมี่ยน ปย๊ม เญย โต์ว อ๋อย เฒาะ นิ่น ปั๊ว ชุย.

เยียม นิ่น เญย ด๊บ-ลิ่ว เหฒ่ง เหฌี่ย เญย กะน้าย หย่า หฒุ ปั๊ว เหมียด เหฑ่ง.

²⁷ ลู่ง อ๋อย ปุน ธีง นิ่น โหฒว เญย ฒุ์ย,

เดา อ๋อย โหฒว ฒอง-เหฒง ตี่ง นิ่น.

²⁸ นิ่น เญย จา-ตี้ง ฒู้ง หฒุ ต้อ มี่ง เหฑ่ง อ๊ะ,

เยียม ทิน-ฮู่ง เฉีย เจี์ย เญย ฮนอย หฒุ กว๊าด มี่ง อ๊ะ.

²⁹ น้าย เซ เอ๊าะ เมี่ยน เยียม ทิน-ฮู่ง ตุ๊ เญย ป่วน,

เซ ทิน-ฮู่ง พ้าย ปุน นิ่น หฑิบ.''