บิน^ดัด ก๊อง ตะเหญ่ย หฑุ่น หว่า

บิน^ดัด เหม โย้บ เหว่ย โย้บ ก๊อง เญย หว่า

¹ ชู^วา เมี่ยน, บิน^ดัด, เตา,

• ² ``เม่ย * ฮิบ^ลู หว่า ก๊อง เม่ย บัว. อ๋อย ก๊อง น้าย ก๊อง วั้ว ด่ง หาย เล่า?
• ฮนั้ม หลง ม่าะ! เยีย บัว ฯฒฯ เหธา เม่ย ก๊อง หว่า.
• ³ เหว่ย หาย ติ่ว ฝุน เยีย บัว ฮนั้ง แซง-คู้?
• หฒิว เม่ย หมั่ง, เยีย บัว เป๋น กะน้าย-หฮงง ไฟ?
• ⁴ เม่ย เฉีย เจี์ย ห่อย กั้น มุน * ฟาน หฒะ ก๊อง เป๊ด กั้น. เญย เมี่ยน อ้า!
• เดา-เป้ย หลาย เม่ย อ๋อย หฒุ กวั่ง เป๋น เดา-ฮวาง ไฟ?
• หละเปย๊ย อ๋อย หฒุ ซุ้ย ฆอย นิ่น เญย ต๋อง ไฟ?

ทิน-ฮู่ง ฮนั้ง หาย นอ ตี่ง เอ๊าะ เมี่ยน

• ⁵ ``เอ๊าะ เมี่ยน เญย ฌัง ฒู้ง หฒุ ฮนั้ง ตัง นอ ไต่ หมี่ อ๊ะ.
• นิ่น เญย โต์ว-เบียด หย่า ไม้ หฒิว ฌัง. * โย้บ 21:17
• ⁶ เยียม นิ่น เญย ด๊บ-ลิ่ว เญย ฌัง เป๋น หฮมวัง,
• เยียม นิ่น กู้ หงว่าย เญย ตัง หย่า ไต่ หมี่ อ๊ะ.
• ⁷ นิ่น เฮ้น เญย เหฒา-เบี่ย
  อี้ หฒั่น หลาม ตุ๊ นั้ง.
• นิ่น กั้น ต๊า เญย หฒะเอ๋ย ฒู้ง ห่อย นิ่น ดิ๊ หฒุ ดอบ.
• ⁸ นิ่น กั้น เญย เหฒา ต้อ นิ่น มี่ง หฒุ มู์ง เหฑ่น,
• นิ่น ยั่ง แฒง ฮลาง เญย ค้วด เจี๋ย.
• ⁹ ฮลาง ฯฒฯ ฮลบ เจี๊ยน นิ่น เญย เหฒา-โฆ,
• แอ๋ง แหนะ เจี๊ยน เหฒียด เญย.
• ¹⁰ ม่าย ฮลาง เหว่ย นิ่น ปี๋ง เจี๊ยน กะเดี๊ย เดา,
• แฒง เจี๊ยน เยียม นิ่น ยั่ง เญย เจ๊า.
• ¹¹ แฮะ นิ่น กั้ม เหฑีย ไห่ เญย สี่ เว่ย เจี๊ยน เปยย ปูง,
• หย่า หฒุ่น เจี๊ยน นิ่น เญย เหฒา-โฆ มี่ง.
• ¹² หลาย หง่อ, นิ่น เญย ชะ เผีย เจี๊ยน เหฌี่ย.
• เหฒะ หน่าน เยียม นิ่น เญย กะเฮลน ฒั้ว เจี๊ยน นิ่น.
• ¹³ นิ่น เญย ด๊บ ปุ๊ด เธี้ยว เญย แป่ง ฮู้ เหฑ่ง.
• โตะ ไห่ เญย ววน-แป่ง นะ นิ่น เญย ปั์ว-เหฒา.
• ¹⁴ เยียม นิ่น เขา เญย ด๊บ-ลิ่ว นิ่น หฒุ แปง ธ้วด,
• แอ๋ง หฒุ ต้อ มี่ง เถา กั้ม เหฑีย ไห่ เญย ฮู่ง เตี๋ย.
• ¹⁵ ต้ง ไม้ เฒ์ย นิ่น เญย กะน้าย เยียม นิ่น เญย ด๊บ-ลิ่ว,
• หย่า ม่าย ฮู่ง * เซ เมี่ยน หล่ง ตาบ ฟิว เญย ฮู่ง. โล์-ฮนอย เมี่ยน หล่ง เหว่ย เฝียว แอ๋ง สา ม่าย จั๋น-ไต่ เยียม เจี๋ย เญย ต๋อง. หฮยาม เจี๊ยน นิ่น เยียม เญย ต๋อง.
• ¹⁶ นิ่น เญย ฑู่ง ฆาย มี่ง,
• นิ่น เญย ฆว่า เหญา เหฑ่ง.
• ¹⁷ เยียม ลู่ง เดี๊ย ไม้ ม่าย หาย เต้า จั๋ง นิ่น,
• เยียม เต่ย-ปูง * ไฟ เจ๊า. นิ่น เญย บั๋ว หฒุด หมี่ อ๊ะ.
• ¹⁸ นิ่น เยียม ฌัง หฒุ หฒุ่น เปียะ หฮมวัง กะญั์ว,
• เซ หฒุ หฒุ่น ธ้วด ย่าง เกน.
• ¹⁹ เยียม นิ่น เญย โต้ว ฒง ไม้ ม่าย นิ่น เญย โฮ์ ต่อย เฒ้ย-ฟุน.
• นิ่น เยียม เจี๋ย เญย ต๋อง ไม้ ม่าย เหยียด เต้า ธ้วด สีง แหม่ง.
• ²⁰ ไฟ ปูง เมี่ยน หมวัง ไฮ์ นิ่น เญย เซ้ด เมว์ย หฒุ เญย สี่ ฯฒฯ เฮญี้ยว หว่าย เหฑ่ง.
• ตง ปูง เมี่ยน หย่า กั้ม เหฑีย ไห่ อ๊ะ.
• ²¹ เอ๊าะ เมี่ยน เยียม เญย ต๋อง ฒู้ง ฮนั้ง น้าย.
• ไม้ ฮิ้ว ทิน-ฮู่ง เญย เมี่ยน หย่า ฮนั้ง น้าย อ๊ะ.''