โย้บ 17 (Job 17)

โย้บ 17

¹ ``เยีย เญย บะฑิว หยุ,

เยีย เญย ฮนอย-เหญียะ หย่า เจี๋ย หมี่ อ๊ะ.

โฒ้ว หย่า ฒั้ว เจี๊ยน เยีย. *

² เฒียน เญย, ม่าย จั๊ด เยีย เญย เมี่ยน เว่ย ก๋อม เยีย,

เยีย เญย มฒีง หย่า หมั่ง เจี๊ยน นิ่น บัว ธัวะ เยีย.

โย้บ โจ้ว ทิน-ฮู่ง เปว นิ่น

³ ``ทิน-ฮู่ง อ่า, โท้ เม่ย โหฒว ปู๊-จา เปว เยีย.

ธ้วด ลิ์ว เม่ย, ม่าย หาย เต้า อ๋อย เหว่ย เยีย โหฒว ปู๊-จา?

⁴ เม่ย ปุน นิ่น บัว เญย เฮญี้ยว ไม้ ไฮ่ เม่ง แปะ.

เหว่ย น้าย เม่ย ฯฒฯ ไม้ ปุน นิ่น บัว ฮี่ง เจี๋ย.

⁵ เมี่ยน หม่าย กั้น เญย ก๋อ-โย์ว เหว่ย ตุ๊ ฒิ่น ญ่าน,

นิ่น เญย ฝุเจว๊ย อ๋อย หฒุ เสี่ยว โค้ว. *

เมี่ยน ก๊อง โย้บ ไม้ กัน หลง ทิน-ฮู่ง

⁶ ``ทิน-ฮู่ง ปุน เยีย เยียม แปะ ฝีง บุด๋ง โหฒว โก๊ว ก๊อง.

นิ่น บัว หย่า ทุ้ย ววม-ฑุ่ย แน้ด เยีย เญย เฮมียน.

⁷ หลาย เฑ่า โค้ว เยีย เญย มฒีง ไม้ ฌัง อ๊ะ.

เยีย เญย ปั์ว-เหฒา ฮนั้ง ต้ง ลิ่น นอ.

⁸ เฮญี้ยว หฒีง เญย เมี่ยน หลาย น้าย เต๋ย สี่ หฒะเก้ง! กั้ม เหฑีย ไห่.

ไม้ โหฒว ต่อง เญย เมี่ยน เจี์ย ต้าย ก๊อง เยีย ไม้ กัน ทิน-ฮู่ง.

⁹ คู้ เมี่ยน กัน หลง นิ่น ยั่ง เญย เจ๊า.

ปั์ว ธีง-เหฑ่ง เญย เมี่ยน กุ๊น โหฒว กุ๊น เฮ้น เจี๊ยน ฝาว.

¹⁰ ``มป่า เม่ย บัว, เซ เม่ย บัว เหยียด ฒู้ง, กุ๊น แอ๋ง ต้าย หฑุ่น.

เยียม เม่ย บัว บุด๋ง เยีย ฒู้ง ล์อ ไม้ ปวัด เหยียด เต้า ธง-เม่ง เมี่ยน.

โย้บ ก๊อง นิ่น ตุ๊ เยียม โฒ้ว
ไม้ หฒุ เสี่ยว โค้ว อ๊ะ

¹¹ ``เยีย เญย ฮนอย-เหญียะ เจี๋ย หมี่ อ๊ะ.

เยีย ต๊า เญย หฒะเอ๋ย, เซ เยียม เฮญี้ยว ฮนั้ม เญย, ตั๋ง หมี่ อ๊ะ.

¹² เยีย เญย โล์-แกง ต่อย * ปุน ลู่ง ม์วน หฒั่น เป๋น ลู่ง ฮนอย หฒั่น.

นิ่น บัว ก๊อง, `ฌัง เซ นิด ฟัด หฮมวัง.'

¹³ สี ก๊อง เยีย ม่าย ลั่ม ฮนั้ม เยี่ยม เกน เป๋น เยีย เญย เปย๊า,

สี ก๊อง เยีย เปว๋ย เหฌี่ย หฮมวัง เญย ต๋อง, *

¹⁴ สี ก๊อง เยีย บั๋ว โฒ้ว, `เม่ย โหฒว เยีย เญย เตีย,'

หย่า บั๋ว แกง-เมา, `เม่ย เซ เยีย เญย มา,' ไฟ `เยีย เญย ต่อ,'

¹⁵ วั้ว หญู่ง เยีย ม่าย ลั่ม ฮนั้ม เญย เยียม หาย?

เยีย ม่าย ลั่ม ฮนั้ม เญย หาย เต้า ตุ๊ ปวัด?

¹⁶ เยีย ม่าย ลั่ม ฮนั้ม เญย อ๋อย เหฌี่ย เถา เยี่ยม เกน เญย แก้ง ไฟ?

เยีย บัว ล่ม ฑ่อย อ๋อย เหฌี่ย เนีย-บูง ไฟ?''