โย้บ เตา เอ^ลี^ฟัด

โย้บ ก๊อง นิ่น เญย ต่อย ปุน นิ่น ไฮ์ จา โค้ว

¹ โย้บ ฯฒฯ เตา,

• ² ``น้าย หญู่ง หว่า เยีย ไฮ์ ธั้ม! ไห่ อ๊ะ.
• เม่ย บัว เต้าๆ อ๋อย ออน เฮญี้ยว มป่า เม่ย บัว ปุน เมี่ยน จา เฑ่า.
• ³ เม่ย ไม้ ตี้ง ไม้ ฮิด เญย ก๊อง หว่า ไม้ ไฮ่ จ่ม ไฟ?
• ม่าย หาย หญู่ง ธัวะ หฒุ เม่ย เตา หว่า?
• ⁴ สี ก๊อง เม่ย บัว เหธา เยีย ทิ้ว ต๋อง เยียม,
• เยีย มป่า ไฮ่ ก๊อง ฮนั้ง เม่ย บัว นอ.
• เยีย ไฮ่ เป๊าะ เจี๊ยน เหยียด คัง เจี๋ย เหยียด คัง เญย หว่า ก๊อง เม่ย บัว,
• แอ๋ง ตอง เจี๊ยน เม่ย บัว หฮวัง มฆ้อง.
• ⁵ มป่า เยีย ไฮ่ หล่ง เยีย เญย ฑุ่ย เหธย เม่ย บัว เฮ้น เจี์ย ต้าย,
• เยีย เญย ฑุ่ย เหมย หย่า อ๋อย ออน เม่ย บัว เญย โยว-เฑ่า.

โย้บ โก๋ ก๊อง ทิน-ฮู่ง โหฒว โตะ ปุน นิ่น

• ⁶ ``ไม้ กุ๊น เยีย ก๊อง หว่า, เยีย มุน เญย เจ๊า ไม้ เสี่ยน.
• สี ก๊อง เยีย เญี์ยน เจี๊ยน ไม้ ก๊อง, เยีย มุน เญย ต๋อง ไม้ ไฮ่ เก้า หลง.
• <sup>7</sup> ทิน-ฮู่ง อ่า, อี้ หฒั่น เม่ย ฒู้ง ปุน เยีย ขวน โค้ว.
• เม่ย ปุน เยีย เญย เปย๊า ฒง เมี่ยน * ไฟ ``เยีย เญย เหยียด ฒู้ง เมี่ยน''. หฒุ ป่าย เหฑ่ง.
• ⁸ เม่ย ปุน เยีย โซะ, ไจ่ เหฑ่ง,
• เยีย ด่ง น้าย ไจ่ ฯฒฯ โหฒว ฒอง-เหฒง โก๋ เยีย.
• ⁹ ทิน-ฮู่ง เฉีย เจี์ย เจี๊ยน เป๊ด เยีย หย่า ฑอง เยีย,
• ตอง เจี๊ยน เยีย หงาด ญ่า.
• เยีย เญย วิน-วั้ง หฌัด มฒีง หมั่ง เยีย.
• ¹⁰ นิ่น บัว หมอง ฑุ่ย ปุน เยีย.
• นิ่น บัว ไบ๋ เยีย เญย เฮมียน ฮว้วด เยีย.
• นิ่น บัว กั๊บ ฒุ้น ต้าย อ๋อย โหฒว ปุน เยีย.
• ¹¹ ทิน-ฮู่ง เฒาะ เยีย จิว ปุน เอ๊าะ เมี่ยน,
• หย่า ฒอย เยีย เยียม เมี่ยน หว่าย เมี่ยน เญย ปั์ว-เดี๊ย.
• ¹² เยีย คู่ เยียม เญย เฒี่ยง โห่ นิ่น เฒาะ เยีย ว้วด เน้า.
• นิ่น นั้น เจี๊ยน เยีย เญย จาง แกว๊ะ เยีย หม่วน เหฑ่ง.
• นิ่น เฒาะ เยีย โหฒว นิ่น เญย แบะ.
• ¹³ นิ่น เญย ป๊วน จวัง-หฒิน เมี่ยน เว่ย ก๋อม เยีย.
• นิ่น ป๊วน ทง * ไฟ พิ. เยีย เญย หญุด เฒ้ย หย่า ไม้ ค้อ-เลี่ยน,
• หย่า โต๋ เยีย เญย ต๊าม ธ้วด เหฌี่ย เดา.
• ¹⁴ นิ่น เบ๊าะ เยีย เหยียด หฑุ่น เจี๋ย เหยียด หฑุ่น,
• นิ่น ถิว ต้าย เบ๊าะ ฮนั้ง เบ๊าะ จ๋า เฮ้น เญย แปง.
• ¹⁵ ``เยีย ลุ่น ล่าม่า เดีย-โธว นิด เจี๊ยน เยีย เญย ด๊บ,
• เยีย เซวย เหฑ่ง ฯฒฯ เปว๋ย เจี๊ยน เนีย-บูง. * ฟาน หฒะ ฮิบ^ลู หว่า ก๊อง ``ฯฒฯ เฒาะ เยีย เญย จอง ฒอย เหฌี่ย เนีย-บูง.'' จอง หย่า เป๊ย ชะ.
• ¹⁶ เหว่ย หฒุ เยีย เญี้ยม, เฮมียน ซิ เหฑ่ง,
• มฒีง-ด๊บ หย่า หฮมวัง,
• ¹⁷ ไม้ กุ๊น เยีย เญย ปั์ว ไม้ โหฒว หาย หญู่ง โตะ,
• เยีย เต๋า เก๋า เญย หว่า หย่า ธีง-เหฑ่ง.

โย้บ ม่าย ลั่ม ฮนั้ม เยียม ทิน-ต้อง ม่าย เต้า
เถง นิ่น โหฒว ฒอง-เหฒง

• ¹⁸ ``เดา อ้า! ไม้ ตู๋ง ปวัง เยีย เญย ฑย้าม.
• ไม้ ตู๋ง ปุน เยีย เห่ว เญย เฉีย ม่าย ต๋อง ฮิด.
• <sup>19</sup> อี้ หฒั่น ม่าย เต้า เยียม ทิน-ต้อง เถง เยีย โหฒว ฒอง-เหฒง,
• เปว เยีย วั้ว เต้า เยียม ฮลัง เญย ต๋อง. * โย้บ 19:25
• <sup>20</sup> เยีย เญย โล์-แกง ต่อย ฮว้วด เยีย,
• เยีย เญย มฒีง เหลี่ยว ววม-เหมว่ย ปุน ทิน-ฮู่ง.
• <sup>21</sup> โท้ ปุน นิ่น เถง เมี่ยน โจ้ว ทิน-ฮู่ง,
• ฮนั้ง เมี่ยน เถง นิ่น เญย โล์-แกง ต่อย โจ้ว นอ.
• <sup>22</sup> ``เหว่ย หฒุ แอ๋ง เจี๋ย ลิ์ว อี เหฒีย หฮญัง,
• เยีย ฯฒฯ กัน ไม้ หฑวน เญย เจ๊า มี่ง.