เหฌียว เอน เญย คู้ เฝียน
ต้าย เถา สิ^โอน

• ¹ เฒี้ยว ทิน-ฮู่ง เญย สีง ลี่ง เหธา เยีย เยียม,
• เหว่ย หฒุ เฒี้ยว หล่ง โย่ว ออน * ไฟ กิ๊น. เยีย ต้าย
• ฒุ่น คู้ เฝียน บั๋ว เมี่ยน จ่ม เมี่ยน.
• นิ่น พ้าย เยีย ต้าย หฒ่อ เฮญี้ยว มุน เญย เมี่ยน หลง,
• ฒุ่น บั๋ว หฒุ ธ้าง เญย เมี่ยน นิ่น บัว อ๋อย ตุ๊ ปู๋ง ฆอย,
• หฒุ หววน เญย เมี่ยน หย่า อ๋อย ตุ๊ ธ้วด โล่, * มัด^ทาย 11:5 ; ลู^กา 4:18-19 ; 7:22
• ² แอ๋ง ฒุ่น ก๊อง, เฒี้ยว เหธย เอน เญย หฮญัง-ต้าว เถา อ๊ะ,
• เยีย บัว เญย ทิน-ฮู่ง จ๊าว วิน เญย
  ฮนอย-เหญียะ เถา.
• นิ่น พ้าย เยีย ออน เหยียด ฒู้ง เฑ่า เญี้ยม เญย เมี่ยน เญย เฮญี้ยว, * มัด^ทาย 5:4
• ³ ปุน เยียม สิ^โอน เฑ่า เญี้ยม เญย เมี่ยน
• ม่าย เฌียน-โย่ว อะเฮน้ย ตี๊ ซ้าย, * ฟาน หฒะ ฮิบ^ลู หว่า ก๊อง ``ด๋ง นอม เหฑว่ย เญย นี้ง ตี๊ ซ้าย.''
• หย่า ม่าย เธง เญย ฑูง ตี๊ เฮญี้ยว เฑ่า. * ฟาน หฒะ ฮิบ^ลู หว่า ก๊อง ``ตุ๊ เธง เญย ลุย ตี๊ เฮญี้ยว เฑ่า โค้ว''.
• เมี่ยน อ๋อย เห่ว นิ่น บัว ฮนั้ง โหฒว หอบ เญย เดี๋ยง,
• ต้ง เฒี้ยว กั้น หฒวัง ต้าย เหว่ย ปิ๋ว เม่ง นิ่น เญย ฌัง-หล่าง.
• ⁴ นิ่น บัว อ๋อย เหธย เจี์ย โล์! ฮนอย บาง หว่าย เญย กะน้าย,
• แอ๋ง เหลียบ เจี์ย ฒิ่น ด่าง กวั่ง ฮวาง เญย ต๋อง.
• นิ่น บัว อ๋อย หฒ่อ ป่าย หว่าย เญย ฒี่ง,
• เซ หฒ่อ เหฒีย ต่อย กวั่ง ฮวาง เญย ฒี่ง.
• ⁵ กั้น ฝีง เมี่ยน อ๋อย ต้าย โก๋ว เม่ย บัว เญย ปะกี ยู่ง กวั้น.
• กั้น กั๊วะ เมี่ยน อ๋อย โหฒว เม่ย บัว เญย เด่ย
• หย่า โก๋ว เม่ย บัว เญย อะหงุ่น หฮวีง.
• ⁶ มป่า เมี่ยน อ๋อย เห่ว เม่ย บัว โหฒว เฒี้ยว เญย ไซ เมี่ยน.
• เมี่ยน หย่า อ๋อย ก๊อง เม่ย บัว โหฒว โปว ฟู-สู เยีย บัว เญย ทิน-ฮู่ง.
• เม่ย บัว ตุ๊ หญั่น ธั้ม-กั๊วะ เญย ฒิ่น ฒ่อย.
• เหว่ย ตุ๊ นิ่น บัว เญย ฒิ่น ฒ่อย เม่ย บัว ฯฒฯ อะเฮน้ย ไห่. * ไฟ ปู๋ง หว่า-เหมา.
• ⁷ เม่ย บัว หฒุ ไญ้,
• ต๋าว หฑวน เม่ย บัว อ๋อย ตุ๊ หลง อี โก๊ว.
• เม่ย บัว หฒุ ป่าย เฮมียน,
• ต๋าว หฑวน เม่ย บัว อะเฮน้ย เม่ย บัว ตุ๊ หฑิบ เญย ป่วน.
• ฮนั้ง หน่าย เม่ย บัว เยียม เม่ย บัว เญย เต่ย-ปูง
• ตุ๊ หฑิบ ซูง-โก๊ว เป๋น เม่ย บัว เญย ป่วน,
• หย่า ตุ๊ เหยียด ลิ์ว เฌียน-โย่ว.
• ⁸ ``เหว่ย หฒุ เยีย, เฒี้ยว, ฮนั้ม แป้ง ฟิม เญย เจ๊า.
• เยีย ฑอง โหฒว หฒะ เหธา โหฒว ต่อง เญย สี่.
• เยีย อ๋อย เหฒียบ ฒัวะ เญย วิ่น ปุน เยีย เญย แปะ ฝีง,
• หย่า อ๋อย เหธา นิ่น บัว เหลียบ เจี์ย เหยียด ลิ์ว เญย แหง่ง หว่า.
• <sup>9</sup> เยียม หม่าน กั๊วะ บุด๋ง,
• เมี่ยน ฯฒฯ เฒียะ ตุ๊ นิ่น บัว เญย โฮ์ ต่อย เฒ้ย-ฟุน,
• เยียม หม่าน ฝีง บุด๋ง หย่า เฒียะ ตุ๊ นิ่น บัว เญย ฟุน-ฟะ.
• ตะฟ่าน ปวัด นิ่น บัว เญย เมี่ยน
• ฯฒฯ เฒียะ ตุ๊ นิ่น บัว เซ เฒี้ยว เหธย ฟุ เญย แปะ ฝีง.''
• <sup>10</sup> เยีย เหว่ย เฒี้ยว หฒะเก้ง! เฌียน-โย่ว.
• เยีย เญย เฮญี้ยว เขา เยีย เญย ทิน-ฮู่ง ม่าย ออน-เหลาะ,
• เหว่ย หฒุ นิ่น หล่ง เหฌียว เอน โหฒว ลุย ปุน เยีย ฒุ,
• หล่ง โหฒว หอบ เญย เจ๊า เป๋น ต้ม ลุย-ด๊าว ปุน เยีย ปุ๋ย เจี๊ยน,
• ฮนั้ง เซียง-ล่าง ด๋ง นอม เหฑว่ย เญย นี้ง ฒอง เจี๊ยน,
• หย่า ฮนั้ง เซียง-บวั์ง หล่ง เซียว-เซ้ด
  ฒอง ซิน. * หล่าว ย่าง 21:2
• <sup>11</sup> เหว่ย หฒุ เดา ฮนั้ง หาย นอ ปุน กะน้าย ธ้วด,
• หฮวีง กะญั์ว เญย ญิม ฮนั้ง หาย นอ
  กุ ญ่า, * ฟาน หฒะ ก๊อง ``หฮวีง ฮนั้ง หาย นอ ปุน ญิม
  กุ ญ่า'.
• เฒี้ยว ทิน-ฮู่ง อ๋อย ฮนั้ง วั้ว นอ
• ปุน โหฒว หอบ เญย เจ๊า เหธา เธง ทิน-ฮู่ง เญย หว่า
• ตอง เจี๊ยน หม่าน ฝีง ธ้วด ต้าย.