สิ^โอน เญย เซียง-บั๋ว

• ¹ เหว่ย สิ^โอน เยีย เญี์ยน ไม้ เจี๊ยน เฉีย,
• เหว่ย เย^ลู^ซา^เลม เยีย ไม้ ไฮ่ เซ้ก.
• ฒั้ว เถา นิ่น โหฒว หอบ เญย เจ๊า ธ้วด ต้าย ฮนั้ง แอ๊ง ธ้วด ฌัง,
• นิ่น เญย เหฌียว เอน ฮนั้ง เหฒียะ เจี๊ยน เญย โต์ว-ป๊า.
• ² หม่าน กั๊วะ อ๋อย ปวัด เม่ย โหฒว หอบ เญย เจ๊า,
• หฒวัง ฮู่ง เตี๋ย อ๋อย ปวัด เม่ย เญย ฌัง-หล่าง.
• เม่ย หย่า อ๋อย ตุ๊ นอม เซียง-บั๋ว,
• เซ เฒี้ยว กั้น เญย ฑุ่ย เถง ธ้วด เญย บั๋ว.
• ³ เม่ย ฯฒฯ เป๋น เหฑว่ย ไห่ เญย นี้ง เยียม เฒี้ยว เญย ปั์ว,
• เยียม เม่ย เญย ทิน-ฮู่ง เญย ปั์ว หย่า เป๋น ฮู่ง นี้ง.
• ⁴ เยียม น้าย มี่ง เมี่ยน ไม้ ก๊อง เม่ย เซ ``หฒุ กวั่ง
  หมี่ อ๊ะ.''
• เม่ย เญย เต่ย-ปูง หย่า ไม้ ม่าย หาย เต้า ก๊อง เป๋น ``กวั่ง ฮวาง เญย เต่ย-ปูง.''
• มป่า เม่ย อ๋อย ตุ๊ เมี่ยน เห่ว ``เยีย อะเฮน้ย เญย เซ นิ่น.'' * ไฟ ตุ๊ เมี่ยน เห่ว เฮ้บ^ซี^บา.
• เม่ย เญย เต่ย-ปูง หย่า เห่ว ``ตอง จา
  หมี่ อ๊ะ.'' * ไฟ บู^ลา.
• เหว่ย หฒุ เฒี้ยว อะเฮน้ย เม่ย,
• เม่ย เญย เต่ย-ปูง หย่า อ๋อย ตอง จา.
• ⁵ ฮนั้ง เต้า ตอน เหธา เต้า ไม้ เปว๋ย เจี๋ย ตอน เญย เซียะ ตอง จา,
• เม่ย เญย ตอน บัว อ๋อย ฮนั้ง วั้ว นอ เหธา เม่ย ตอง จา.
• เซียง-ล่าง ฮนั้ง หาย นอ อะเฮน้ย
  เซียง-บวั์ง,
• เม่ย เญย ทิน-ฮู่ง อ๋อย ฮนั้ง วั้ว นอ
  อะเฮน้ย เม่ย.
• ⁶ โอ เย^ลู^ซา^เลม อ่า, เยีย ปุน เซี้ยว แกง เมี่ยน เยียม เม่ย เญย ฒี่ง หลาด กู้ หงว่าย,
• นิ่น บัว เฒี่ยง ฮนอย เฒี่ยง ม์วน ไม้ เซ้ก.
• เม่ย บัว เห่ว เฒี้ยว เญย เมี่ยน,
• ไม้ ตู๋ง ปุน กั้น ฮิด ขวน,
• ⁷ หย่า ไม้ ตู๋ง ปุน นิ่น ฮิด ขวน.
• ฒั้ว เถา นิ่น เหลียบ เจี์ย เย^ลู^ซา^เลม,
• หย่า ปุน เย^ลู^ซา^เลม เยียม ลู่ง เดี๊ย เป๋น เมี่ยน เธง เญย ต๋อง.
• ⁸ เฒี้ยว ซูง ธ้วด นิ่น เญย บย่าว เจี๊ยะ ปั์ว,
• เซ นิ่น เฮ้น ไห่ เญย ปั์ว, แล์ง หว่า,
• ``เยียม น้าย มี่ง เยีย เหยียด ลิ์ว
• ไม้ เฒาะ เม่ย เญย ล่าง หฒิ ปุน เม่ย เญย วิน-วั้ง โหฒว หญั่น ฮบ.
• กั้น ฝีง เมี่ยน เหยียด ลิ์ว หย่า ไม้ ตุ๊ ฮบ
• เม่ย ด๊อด ชะ ตุ๊ ต้าย เญย เซียง-อะหงุ่น ติ๊ว.
• <sup>9</sup> มป่า เซียว เญย เมี่ยน ตุ๊ หญั่น หย่า เธง เฒี้ยว.
• เซียว อะหงุ่น เปี๊ยว วั้ว เต๋ย
• หย่า ตุ๊ เยียม เยีย เญย สีง ติ่น เญย หลาด กะญั์ว ฮบ.''
• <sup>10</sup> เจี๋ย มี่ง, ยั่ง ฒี่ง แก้ง เจี๋ย มี่ง ม่าะ!
• เหว่ย น้าย เต๋ย แปะ ฝีง
• หลิ่ว เล์ย เหฒียง เจ๊า.
• เหธย เจี์ย, เหธย เจี์ย ต้ม เจ๊า.
• เฒาะ ฆอย หละเปย๊ย,
• เหว่ย หม่าน ฝีง เมี่ยน เธีย เก้ ฝาว.
• <sup>11</sup> หมั่ง ม่าะ! เฒี้ยว ฒุ่น จ่ม ลู่ง เดี๊ย ก๊อง,
• ``ก๊อง บั๋ว สิ^โอน, * ฟาน หฒะ ก๊อง สิ^โอน เญย เซียะ เอ๋ย เล์ย เซ สิ^โอน เมี่ยน.
• `หมั่ง ม่าะ! เม่ย เญย เหฌียว เอน ต้าย เถา.
• หมั่ง ม่าะ! นิ่น เญย ฒี่ง เหญ่ย เยียม นิ่น วั้ว,
• นิ่น วิ่น ปุน เญย ฒี่ง เหญ่ย เยียม นิ่น เญย หฑะเฮมียน.''' * อิ^สะ^ยา 40:10 ; หล่าว ย่าง 22:12
• ¹² เมี่ยน อ๋อย เห่ว นิ่น บัว เป๋น ``ธีง-เหฑ่ง เญย แปะ ฝีง,''
• `` เฒี้ยว หฒัวะ ต้าย เญย เมี่ยน.''
• เมี่ยน หย่า เห่ว เม่ย เป๋น ``ล์อ ตุ๊ ต้าย.''
• หย่า เห่ว ``ไม้ กวั่ง ฮวาง เญย ฒี่ง.''