Singx Nzung 68

Sinaai Mbong Nyei Tin-Hungh
Caux Singx Dinc Nyei Tin-Hungh

Jiu bun dorh nzung nyei mienh.
Ndaawitv zoc nyei singx nzung.
Benx yietc diuh nzung.

• ¹ Tov Tin-Hungh jiez daaih,
  bun ninh nyei win-wangv nzaanx nzengc.
• Tov bun nzorng ninh wuov deix yiem ninh nyei wuov ndaangc maengx tiux biaux.
• ² Tov zunc ninh mbuo biaux,
• hnangv douz-sioux zuqc nziaaux
  buonc nzaanx mingh nor.
• Tov bun orqv mienh yiem Tin-Hungh nyei nza'hmien zuqc mietc
• hnangv mueiz-nzing zuqc douz
  buov yuqc nor.
• ³ Mv baac tov bun kuv mienh a'hneiv,
• bun ninh mbuo yiem Tin-Hungh nyei nza'hmien,
• za'gengh njien-youh orn-lorqc haic.
• ⁴ Baaux nzung ceng Tin-Hungh, baaux ceng ninh nyei mengh.
• Ceng geh jienv mbuonx wuov dauh, * Fai “zoux diuh jauv bun geh cie jiex deic-bung-huaang wuov dauh”.
• ninh nyei mbuox heuc Ziouv,
• oix zuqc yiem ninh nyei nza'hmien njien-youh.
• ⁵ Tin-Hungh yiem ninh nyei cing-nzengc dorngx
• zoux guh hanh fu'jueiv nyei die
• yaac beu jienv auv-guaav.
• ⁶ Tin-Hungh bun kou-ndoqc mienh maaih biauv yiem,
• bun zuqc wuonx nyei mienh cuotv daaih duqv longx.
• Mv baac ngaengc ninh nyei mienh
• oix zuqc yiem deic-bung-haanz,
• ndau nqaai nzengc nyei dorngx.
• ⁷ O Tin-Hungh aah! Meih yiem
  meih nyei baeqc fingx nyei wuov ndaangc maengx cuotv mingh
• yangh jiex deic-bung-huaang wuov zanc, Selaa
• ⁸ ndau dorng jienv Tin-Hungh dongz,
• lungh yaac duih mbiungc njiec.
• Sinaai Mbong * Sinaai Mbong I^saa^laa^en Mienh yiem I^yipv mingh Kaa^naa^an wuov zanc, Tin-Hungh yiem Sinaai Mbong hinc cuotv daaih. yiem Tin-Hungh nyei nza'hmien,
• se I^saa^laa^en nyei Tin-Hungh nyei nza'hmien, dongz. * Cuotv I^yipv 19:18
• ⁹ O Tin-Hungh aah! Meih bun lungh
• duih domh mbiungc njiec.
• Meih nzipc nyei buonc ndau nqaai,
• meih bun nyiemz daaih.
• ¹⁰ Meih nyei baeqc fingx liepc nguaaz-gorn yiem wuov.
• O Tin-Hungh aah! Weic zuqc meih longx haic,
• meih liuc leiz ziangx bun mienh jomc mienh.
• ¹¹ Ziouv hatc waac,
• maaih domh guanh m'sieqv dorn
• dorh naaiv deix kuv fienx mingh zunh gorngv,
• ¹² “Gunv jun-baeng nyei hungh
  tiux biaux nzengc.
  Biaux nzengc aqv loh!”
• Yiem biauv wuov deix m'sieqv dorn bun nqoi caangv daaih nyei ga'naaiv.
• ¹³ Maiv gunv ninh mbuo corc bueix ba'gi yungh laanh mbu'ndongx,
• baeqc gopv nyei ndaatv buang jienv nyaanh,
• ndaatv nyei biei nzaatv jienv zien jiem youc-youc wuov.
• ¹⁴ Nernh Jiex Wuov Dauh * Hipv^lu waac gorngv Satv^ndai.
  bun yiem deic-bung
  wuov deix hungh diex nzaanx mingh nyei ziangh hoc,
• ninh bun sorng duih njiec Sanx^mon Mbong.
• ¹⁵ Mbaasaan Mbong benx hlo hlang nyei domh mbong.
• Mbaasaan Mbong maaih ziex norm mbong-ningv.
• ¹⁶ Ningv camv nyei mbong aah!
• Meih weic haaix diuc mangc buatc korv-fiqv
• Tin-Hungh oix longc benx ninh yiem nyei dorngx,
• se dongh Ziouv oix yietc liuz yiem nyei mbong?
• ¹⁷ Ziouv yiem Sinaai Mbong dorh jienv cin-cin waanc-waanc norm
  mborqv jaax cie
• bieqc cing-nzengc nyei dorngx.
• ¹⁸ Meih faaux hlang nyei dorngx wuov zanc
• meih dorh zuqc caangv nyei mienh gan jienv mingh,
• yaac yiem mienh mbu'ndongx zipv zingh nyeic, * E^fe^so 4:8
• liemh yiem hnyouv ngaengc nyei mienh zipv daaih,
• bun Ziouv Tin-Hungh yiem wuov norm dorngx.
• ¹⁹ Ceng Ziouv, dongh hnoi-hnoi ndaam mbuo nyei kouv naanc wuov dauh.
• Se dongh Tin-Hungh njoux yie mbuo. Selaa
• ²⁰ Yie mbuo nyei Tin-Hungh se njoux yie mbuo nyei Tin-Hungh.
• Se Ziouv Tin-Hungh, njoux yie mbuo biaux ndutv maiv zuqc daic.
• ²¹ Mv baac Tin-Hungh oix mborqv huv ninh nyei win-wangv nyei m'nqorngv,
• se dongh maaih mba'biei nyei m'nqorngv-baengh,
• zanc-zanc baamz jienv zuiz nyei mienh.
• ²² Ziouv gorngv, “Yie oix dorh ninh mbuo yiem Mbaasaan nzuonx daaih,
• yaac bun ninh mbuo yiem ndo haic nyei koiv nzuonx,
• ²³ weic bun meih mbuo comx jienv meih mbuo nyei win-wangv nyei nziaamv gu'nyuoz,
• meih mbuo nyei juv yaac duqv mbiec ninh mbuo nyei nziaamv.”
• ²⁴ O Tin-Hungh aac, mienh buatc meih nyei mienh mbaih jienv yangh jauv.
• Yie nyei Tin-Hungh, yie nyei Hungh Diex nyei mienh mingh bieqc singx dinc.
• ²⁵ Baaux nzung nyei mienh yiem wuov ndaangc maengx,
• patv daanh baah nyei mienh yiem nqa'haav,
• mborqv nzoz nyei m'sieqv dorn yiem mbu'ndongx.
• ²⁶ “O I^saa^laa^en Mienh nyei zeiv-fun * Faan zaqc gorngv “I^saa^laa^en nyei wuom-zingv”. aah!
• Oix zuqc yiem mienh camv gapv zunv nyei wuic mbu'ndongx
• ceng Tin-Hungh, se ceng Ziouv. ”
• ²⁷ Gauh faix jiex nyei Mben^yaa^min Fingx mingh ndaangc.
• Gan nqa'haav daaih maaih Yu^ndaa Fingx nyei bieiv zeiv,
• maaih Se^mbu^lun nyei bieiv zeiv caux Napv^taa^li nyei bieiv zeiv.
• ²⁸ O Tin-Hungh aah! Tov bun meih nyei qaqv cuotv.
• O Tin-Hungh aah! Tov longc meih nyei qaqv tengx yie mbuo hnangv meih weic yie mbuo zoux jiex nor.
• ²⁹ Weic meih yiem Ye^lu^saa^lem nyei biauv
• zuangx hungh diex dorh zingh nyeic bun meih.
• ³⁰ Tov meih hemx I^yipv, dongh yiem luoqc diqc lomc gu'nyuoz nyei hieh zoih.
• Hemx ngongh gouv caux ngongh dorn, se fingx-fingx mienh.
• Caaiv njiec mauv aapv mienh fungx nyaanh bun ninh mbuo wuov deix,
• bun a'hneiv mborqv jaax nyei fingx-fingx mienh nzaanx nzengc. * Naaiv yiemc nyei Hipv^lu waac aqc duqv mengh baeqc.
• ³¹ Maaih gong-zoh * gong-zoh naaiv joux Hipv^lu waac maaih deix faan daaih gorngv, “longc dongh siqv zoux daaih nyei ga'naaiv”. oix yiem I^yipv daaih.
• E^ti^o^bie Mienh oix siepv-siepv nyei sung buoz jouh Tin-Hungh.
• ³² O lungh ndiev maanc guoqv aah!
• Oix zuqc baaux nzung ceng Tin-Hungh,
• oix zuqc baaux nzung ceng Ziouv. Selaa
• ³³ Ceng geh jienv gu'nguaaic lungh wuov dauh,
• se geh jienv yiem loz-hnoi daaih nyei lungh.
• Mangc maah! Ninh bungx ninh nyei qiex cuotv,
• se hlo haic nyei qiex.
• ³⁴ Zunh gorngv Tin-Hungh maaih qaqv,
• zoux hlo gunv I^saa^laa^en Mienh.
• Ninh nyei qaqv yaac yiem wuov lungh.
• ³⁵ O Tin-Hungh aac, meih yiem meih nyei singx dinc za'gengh mbuoqc horngh haic,
• se I^saa^laa^en nyei Tin-Hungh,
• ninh bun ninh nyei baeqc fingx maaih qaqv henv.
• Oix zuqc ceng Tin-Hungh.