Singx Nzung 67

Kuinx Maanc Fingx Ceng Tin-Hungh

Jiu bun dorh nzung nyei mienh.
Longc patv nyei jaa-sic. Yietc diuh singx nzung. Benx diuh nzung.

• ¹ Tov Tin-Hungh korv-lienh yie mbuo, ceix fuqv bun yie mbuo.
• Tov zoux longx bun yie mbuo, * Beiv mangc Saauv Mienh 6:25 . Selaa
• ² weic bun lungh ndiev mienh hiuv duqv meih nyei jauv-louc,
• yaac bun maanc guoqv haih hiuv duqv meih nyei njoux en.
• ³ O Tin-Hungh aah! Tov bun fingx-fingx mienh ceng meih.
• Tov bun maanc fingx ceng meih.
• ⁴ Tov bun maanc guoqv a'hneiv, njien-youh nyei baaux nzung,
• weic zuqc meih baengh fim nyei siemv maanc fingx,
• yaac dorh lungh ndiev nyei maanc guoqv. Selaa
• ⁵ O Tin-Hungh aah! Tov bun fingx-fingx mienh ceng meih.
• Tov bun maanc fingx ceng meih.
• ⁶ Ndau cuotv gaeng-zuangx.
• Tin-Hungh, se yie mbuo nyei Tin-Hungh, ceix fuqv bun yie mbuo.
• ⁷ Tin-Hungh ceix fuqv bun yie mbuo.
• Tov bun yiem jomc lungh ndiev nyei maanc mienh taaih ninh.