Singx Nzung 69

Zuqc Nzauh Nyei Sic
Heuc Jienv Tov Tin-Hungh

Jiu bun dorh nzung nyei mienh.
Longc “Baeqc Horqc Biangh”nyei pou.
Ndaawitv zoc nyei singx nzung.

• ¹ Tin-Hungh aah! Tov meih njoux yie.
• Wuom hlo jienv faaux, yiemx taux yie nyei jaang-ndiev.
• ² Yie zemh njiec ndo haic nyei wuom-bamc gu'nyuoz,
• maiv maaih dorngx bun zaux souv duqv wuonv.
• Yie bieqc wuom ndo nyei dorngx,
• wuom yaac yiemx jienv yie.
• ³ Yie heuc jienv tov gau kouv nzengc,
• jaang-hoh nqaai mi'aqv.
• Yie zuov jienv Tin-Hungh tengx.
• Mangc gau, m'zing zungv maiv njang aqv.
• ⁴ Nzorng yie yaac maiv maaih gorn-baengx wuov deix mienh
• gauh camv yie nyei m'nqorngv nyei mba'biei.
• Maiv maaih gorn-baengx mv baac oix hoic yie nyei maengc
• wuov deix win-wangv henv haic,
• maiv zeiz yie nimc nyei ga'naaiv
• ih zanc yie oix zuqc fungx nzuonx fai? * Singx Nzung 35:19 ; Yo^han 15:25
• ⁵ O Tin-Hungh aah! Meih hiuv duqv yie ndongc haaix hngongx.
• Yie zoux dorngc nyei sic yaac bingx maiv mbueiz meih.
• ⁶ O Ziouv, Nernh Jiex nyei Tin-Hungh aah!
• Tov maiv dungx bun kaux meih * Fai “kaux meih maaih lamh hnamv dorngx”. wuov deix laaix yie zuqc nyaiv.
• O I^saa^laa^en nyei Tin-Hungh aah!
• Tov maiv dungx bun lorz meih wuov deix
• laaix yie zuqc baaic hmien.
• ⁷ Se weic meih yie cingx zuqc mienh gorngv doqc,
• oix zuqc buang hmien diev nyaiv.
• ⁸ Yie nyei gorx-youz buatc yie benx ninh mbuo maiv hiuv nyei mienh.
• Caux yie juangc maa nyei muoz-doic yaac funx yie benx ganh fingx mienh.
• ⁹ Yie weic meih nyei biauv jorm hnyouv hnangv douz zieqc jienv yie nor. * Yo^han 2:17
• Mienh gorngv doqc meih
  mv baac ninh mbuo nyei waac gorngv zuqc yie. * Lomaa 15:3
  
• ¹⁰ Yie zei maiv nyanc haaix nyungc weic zatv ganh zoux faix, * zatv ganh zoux faix maaih deix loz-hnoi sou gorngv nyiemv.
• yie zuqc mienh jatv yie.
• ¹¹ Yie zuqv la'maah ndie-cou dorngx lui,
• ninh mbuo dorh yie zoux gouv gorngv.
• ¹² Zueiz jienv zingh gaengh ndaangc nyei mienh kuanv yie,
• diuv nquin nyei mienh yaac dorh yie zoux nzung baaux.
• ¹³ Mv baac Ziouv aah! Yie daux gaux tov meih.
• O Tin-Hungh aah! Weic zuqc meih ziepc zuoqv nyei hnamv mienh,
• tov meih dau yie ziux meih buatc horpc nyei ziangh hoc,
• weic zuqc meih ziepc zuoqv nyei tengx mienh.
• ¹⁴ Tov njoux yie maiv zuqc zemh njiec wuom-bamc gu'nyuoz.
• Tov tengx yie biaux ndutv yie nyei win-wangv caux ndo nyei wuom.
• ¹⁵ Tov maiv dungx bun wuom yiemx yie,
• fai bun wuom-ndo naqv yie,
• fai bun yie zuqc yiem yiemh gen. * Hipv^lu waac gorngv “Zuqc yiem wuov norm kuotv gu'nyuoz, kuotv-nzuih ndipc mi'aqv”.
• ¹⁶ O Ziouv aah! Tov dau yie,
• weic zuqc meih ziepc zuoqv nyei hnamv mienh se longx haic.
• Ziux meih korv-lienh haic mienh
• tov huin nzuonx daaih mangc yie.
• ¹⁷ Maiv dungx bingx meih nyei hmien, maiv mangc meih nyei bou.
• Yie zuqc kouv, tov siepv-siepv nyei dau yie.
• ¹⁸ Tov daaih nitv fatv yie, zuoqc yie,
• njoux yie biaux ndutv yie nyei win-wangv.
• ¹⁹ Meih hiuv duqv yie zuqc mienh huotv, zuqc nyaiv, zuqc baaic hmien.
• Meih yaac hiuv duqv yie nyei yietc zungv win-wangv.
• ²⁰ Yie zuqc mienh huotv, yie nyei hnyouv za'gengh mun haic,
• yie ziouc haiz suei aqv.
• Yie lorz mienh korv-lienh yie, yaac maiv maaih yietc dauh.
• Lorz mienh orn hnyouv, yaac lorz maiv duqv haaix dauh.
• ²¹ Ninh mbuo zorqv daamv * daamv fai ndie-doqc. dorngx nyanc hopv bun yie.
• Yie jaang nqaatv ninh mbuo bun a'ngunc diuv-sui yie hopv. * Matv^taai 27:48 ; Maako 15:36 ; Lugaa 23:36 ; Yo^han 19:28-29
• ²² Tov bun ninh mbuo nyei yinh wuic benx koux hlopv ninh mbuo,
• bun ninh mbuo baengh orn yiem nyei ziangh hoc * Fai “yaac bun ninh mbuo ziec weic jiu tong mbenc nyanc nyei ziangh hoc”. zoux hlaang hlopv ninh mbuo. * Lomaa 11:9-10
  
• ²³ Tov bun ninh mbuo nyei m'zing mbuov, mangc maiv buatc,
• yaac bun ninh mbuo nyei jaaiv yietc liuz jutv mingh. * Faan zaqc gorngv “zanc-zanc zinx jienv yiem”.
• ²⁴ Meih bun mienh nyei ga'qiex baetv cuotv bun ninh mbuo.
• Tov bun meih qiex jiez, nouz nyei sic zunc zaaic ninh mbuo.
• ²⁵ Tov bun ninh mbuo yiem nyei ciangv benx ndau-huaang,
• bun ninh mbuo nyei ndopv-liuh maiv maaih mienh yiem. * Gong-Zoh 1:20
• ²⁶ Weic zuqc ninh mbuo hoic meih mborqv nyei mienh,
• yaac gorngv meih bun zuqc mun wuov deix mienh nyei kouv naanc.
• ²⁷ Tov meih dingc ninh mbuo nyei zuiz aengx jaa dingc,
• yaac maiv dungx guangc ninh mbuo nyei zuiz.
• ²⁸ Tov sortv ninh mbuo nyei mbuox cuotv ziangh maengc daan,
• yaac maiv dungx faaux ninh mbuo nyei mbuox yiem kuv mienh nyei daan. * Cuotv I^yipv 32:32 ; Laauc Yaangh 3:5 ; 13:8 ; 17:8
• ²⁹ Mv baac yie zuqc kouv naanc yaac zuqc mun.
• O Tin-Hungh aah! Tov bun meih nyei njoux en bouh yie faaux hlang.
• ³⁰ Yie oix baaux nzung ceng Tin-Hungh nyei mengh,
• yie oix dor-ziec, ceng ninh weih hlo.
• ³¹ Hnangv naaic ziouc bun Ziouv gauh horpc hnyouv fongc horc ngongh gouv,
• fai fongc horc maaih jorng, maaih deih nyei ngongh gouv. * Se domh ngongh gouv.
• ³² Zuqc zeix nyei mienh buatc liuz ziouc a'hneiv.
• Lorz Tin-Hungh nyei mienh aah! Tov bun meih nyei hnyouv fingv jiez daaih maah!
• ³³ Weic zuqc Ziouv muangx dangx-donx nyei mienh,
• ninh maiv mangc piex ninh nyei baeqc fingx, se zuqc wuonx loh wuov deix.
• ³⁴ Tov lungh caux ndau caux koiv
• caux yiem naaiv deix yietc zungv gu'nyuoz
• haih dongz nyei ga'naaiv ceng ninh.
• ³⁵ Weic zuqc Tin-Hungh oix njoux
  Si^on,
• aengx liepc Yu^ndaa nyei zingh jiez daaih.
• Ninh nyei baeqc fingx * baeqc fingx Hipv^lu waac kungx gorngv ninh mbuo. oix yiem naaic weih benx ninh mbuo nyei buonc.
• ³⁶ Ninh nyei bou nyei zeiv-fun
• oix duqv nzipc wuov norm deic-bung.
• Hnamv ninh nyei mengh nyei mienh
• yaac oix duqv yiem wuov.