Singx Nzung 63

Ngorc Tin-Hungh Nyei Mienh
Oix Duqv Beuv

Ndaawitv yiem Yu^ndaa nyei Deic-Bung-Huaang zoc nyei singx nzung. * 1 Saa^mu^en 23:14

• ¹ Tin-Hungh aah! Meih zoux yie nyei Tin-Hungh,
• yie longc hnyouv zimh lorz meih.
• Yie nyei hnyouv ngorc haic meih,
• yie * Faan zaqc gorngv yie nyei sin. za'gengh! oix haic meih
• hnangv yiem deic-bung-haanz mborngx nqaai,
• maiv maaih wuom nyei dorngx nor.
• ² Yie yiem singx dinc buatc jiex meih,
• buatc meih nyei qaqv caux njang-laangc.
• ³ Weic zuqc meih ziepc zuoqv nyei hnamv mienh se gauh longx ziangh maengc,
• yie nyei nzuih ziouc oix ceng meih.
• ⁴ Da'faanh corc maaih maengc nyei ziangh hoc yie oix ceng meih.
• Yie oix dengv meih nyei mengh sung yie nyei buoz daux gaux.
• ⁵ Yie nyei hnyouv hnangv nyanc beuv yinh wuic nyei lai-hnaangx. * “yinh wuic nyei lai-hnaangx” Hipv^lu waac gorngv mbungv-fim caux hmei.
• Yie nyei nzuih yaac oix njien-youh nyei ceng meih.
• ⁶ Yie bueix jienv coux jangx taux meih,
• lungh muonz zanc yaac fei-fangv taux meih.
• ⁷ Weic zuqc meih zanc-zanc tengx yie,
• yie yiem meih nyei ndaatv-ndiev nyei dongh linh njien-youh nyei baaux nzung.
• ⁸ Yie nyei hnyouv kaux wuonv meih.
• Meih nyei mbiaauc jieqv buoz baav jienv yie.
• ⁹ Oix hoic yie nyei maengc wuov deix mienh
• zungv oix ndortv njiec yiemh gen. * Hipv^lu waac gorngv “njiec ndo haic nyei ndau-ndiev aqv”.
• ¹⁰ Ninh mbuo oix zuqc nzuqc ndaauv daix,
• zuqc hieh juv betv nyanc.
• ¹¹ Mv baac hungh diex oix kaux Tin-Hungh njien-youh.
• Da'faanh ziangv jienv ninh houv waac nyei mienh oix ceng ninh,
• weic zuqc gorngv-baeqc wuov deix zungv zuqc nqapc jienv nzuih.