Singx Nzung 64

Daux Gaux Tov Tin-Hungh
Beu Jienv

Jiu bun dorh nzung nyei mienh.
Ndaawitv zoc nyei singx nzung.

• ¹ Tin-Hungh aah! Yie tauv domh qiex nyei ziangh hoc tov muangx yie nyei qiex.
• Tov meih beu jienv yie nyei maengc, maiv zuqc win-wangv hoic.
• ² Tov meih tengx yie bingx jienv beic ndiev daav za'eix wuov deix orqv mienh,
• caux wuov guanh ceux lunc nyei mienh.
• ³ Ninh mbuo nzioux ganh nyei mbietc hnangv nzuqc ndaauv nor laic,
• ninh mbuo gorngv cuotv im haic nyei waac hnangv ziangx haic nyei forng.
• ⁴ Ninh mbuo bingx jienv buonv maiv zoux dorngc nyei mienh,
• liemh zeih buonv ninh, ninh mbuo yaac maiv gamh nziex.
• ⁵ Ninh mbuo laanh kuinx laanh ei ninh mbuo waaic nyei za'eix zoux.
• Ninh mbuo beic ndiev caangh laangh zaeng hlaang hlopv mienh.
• Ninh mbuo hnamv daaih, “Haaix dauh haih mangc duqv buatc yie mbuo?”
• ⁶ Haaix dauh haih wetv cuotv yie mbuo zoux nyei waaic sic?
• Yie mbuo hnamv cuotv guaix haic nyei za'eix.”
• Mienh nyei hnyouv caux eix za'gengh ndo haic.
• ⁷ Mv baac Tin-Hungh oix longc forng-cang buonv ninh mbuo,
• ninh mbuo ziouc liemh zeih zuqc mun.
• ⁸ Weic zuqc ninh mbuo ganh nyei mbietc oix hoic ninh mbuo zuqc baaic.
• Da'faanh buatc ninh mbuo nyei mienh ziouc huangx m'nqorngv.
• ⁹ Zuangx mienh ziouc gamh nziex haic,
• oix zunh yaangh Tin-Hungh zoux nyei gong,
• yaac hnamv taux ninh zoux nyei sic.
• ¹⁰ Kuv mienh ziouc kaux Ziouv njien-youh
• yaac oix ndaauh kaux ninh.
• Hnyouv zingx nyei mienh yaac oix ceng ninh.