×
Singx Nzung 36
Singx Nzung 36
Orqv Mienh Zoux Orqv Sic
Jiu bun dorh nzung nyei mienh.
Ziouv
nyei bou, Ndaawitv,
zoc nyei singx nzung.
-
1 Zuiz yiem orqv mienh nyei hnyouv ndo nyei dorngx caux orqv mienh gorngv.
- Ziux ninh nyei m'zing mangc, ninh maiv zuqc gamh nziex Tin-Hungh.
-
2 Ninh ceng ninh ganh nyei haah baah buang,
- laaic maiv maaih haaix dauh haih hiuv fai nzorng ninh nyei zuiz.
-
3 Ninh nyei nzuih gorngv orqv nyei waac, gorngv-baeqc nduov mienh.
- Cong-mengh nyei jauv caux kuv sic ninh dingh, maiv zoux aqv.
-
4 Ninh bueix jienv coux hnamv cuotv zoux waaic nyei sic.
- Ninh dingc hnyouv zoux maiv benx nyei jauv,
- ninh yaac maiv nqemh zoux orqv nyei sic.
-
5 O Ziouv
aac, meih ziepc zuoqv hnamv mienh nyei hnyouv se mbaengc lungh hlang.
- Meih ziepc zuoqv nyei hnyouv mbaengc ndaamv-lungh.
-
6 Meih se baengh fim hnangv Tin-Hungh nyei zuangx mbong.
- Meih dunx sic se hnangv ndo haic nyei koiv.
- O Ziouv
aac, mienh maanh caux saeng-kuv meih yaac njoux.
-
7 O Tin-Hungh aac, meih ziepc zuoqv nyei hnamv mienh se za'gengh jaaix haic.
- Baamh mienh hlo-hlo faix-faix
- yiem meih nyei ndaatv-ndiev nyei dongh linh.
-
8 Ninh mbuo nyanc yiem meih nyei biauv bungx-zuoqc nyei ga'naaiv beuv,
- meih yaac bun ninh mbuo hopv meih nyei orn-lorqc ndaaih nyei wuom.
-
9 Weic zuqc yiem wuov maaih ziangh maengc nyei wuom-zingv.
- Yiem meih nyei njang yie mbuo duqv buatc njang.
-
10 Tov meih ziepc zuoqv nyei hnamv jienv mingh dongh hiuv duqv meih wuov deix,
- yaac baengh fim nyei zoux bun hnyouv zingx nyei mienh.
-
11 Tov maiv dungx bun zoux maux nyei mienh nyei zaux caaiv yie,
- yaac maiv dungx bun mienh waaic mienh nyei buoz zunc yie biaux.
-
12 Mangc maah! Zoux orqv nyei mienh king njiec bueix jienv wuov.
- Ninh mbuo zuqc fongv ndorpc mingh, maiv haih aengx jiez sin daaih.
