Singx Nzung 35

Tov Ziouv Njoux
Biaux Ndutv Win-Wangv

Ndaawitv zoc nyei singx nzung.

• ¹ O Ziouv aac, caux yie doix-dekc nyei mienh, tov meih caux ninh mbuo doix-dekc.
• Caux yie mborqv jaax nyei mienh, tov meih caux ninh mbuo mborqv.
• ² Tov nanv jienv domh torngv-baaih, fiuv-torngv-baaih
• daaih tengx yie.
• ³ Yaamh jiez cang caux mborqv jaax nyei bouv
• mborqv zunc yie wuov deix mienh.
• Tov meih caux yie nyei hnyouv gorngv waac,
• “Yie se dongh njoux meih wuov dauh.”
• ⁴ Tov bun oix zorqv yie nyei maengc wuov deix zuqc nyaiv, zuqc baaic.
• Tov bun daav za'eix hoic yie wuov deix tuix nzuonx yaac zuqc nyaiv.
• ⁵ Tov bun ninh mbuo hnangv zuqc nziaaux buonc nyei mbieqv nor,
• maaih Ziouv nyei fin-mienh zunc jienv ninh mbuo mingh.
• ⁶ Tov bun ninh mbuo nyei jauv youc hmuangx youc mbiaangc,
• yaac maaih Ziouv nyei fin-mienh zunc ninh mbuo.
• ⁷ Weic zuqc ninh mbuo zaeng mungz zorqv yie yaac maiv maaih gorn-baengx.
• Ninh mbuo yaac wetv kuotv ndo nyei oix zorqv yie nyei maengc, yaac maiv maaih gorn-baengx.
• ⁸ Ninh mbuo jangx maiv zaaic nyei ziangh hoc, tov bun ninh mbuo zuqc mietc,
• bun ninh mbuo zaeng nyei mungz hlopv ninh mbuo ganh,
• yaac bun ninh mbuo ndortv njiec ninh mbuo ganh wetv nyei kuotv zuqc mietc.
• ⁹ Yie nyei hnyouv ziouc kaux Ziouv njien-youh haic,
• yaac orn-lorqc weic zuqc ninh njoux yie.
• ¹⁰ Yie * Hipv^lu waac gorngv “yie nyei mbungv yietc zungv”. oix longc nzengc hnyouv gorngv,
• “O Ziouv aac, haaix dauh hnangv meih?
• Meih tengx mau nyei mienh biaux ndutv gauh henv ninh mbuo wuov deix,
• yaac njoux mau nyei, dangx-donx nyei mienh biaux ndutv luv ninh mbuo wuov deix.”
• ¹¹ Hiuang orqv nyei mienh cuotv daaih zoux zorng-zengx,
• gorngv taux yie liemh maiv hiuv nyei sic.
• ¹² Weic yie zoux nyei kuv sic ninh mbuo winh orqv bun yie,
• yie nyei hnyouv ndoqc kouv.
• ¹³ Yie ganh aeqv, dongh ninh mbuo butv baengc nyei ziangh hoc,
• yie zuqv la'maah ndie-cou, zei maiv nyanc haaix nyungc,
• ndoqv m'nqorngv njiec daux gaux,
• ¹⁴ hnangv yie weic yie nyei loz-gaeng doic fai yie nyei muoz-doic nzauh
• fai hnangv mienh weic ganh nyei cien-maa nzauh nyiemv,
• yie ndoqv m'nqorngv nyiemv.
• ¹⁵ Yie buangh zuqc kouv * Hipv^lu waac gorngv ndiqv zuqc ndorpc. ninh mbuo lomh nzoih a'hneiv.
• Ninh mbuo gapv zunv jatv yie.
• Dongh yie maiv hiuv nyei mienh
• maiv dingh liouh nyei gorngv doqc yie.
• ¹⁶ Hnangv maiv hiuv Tin-Hungh nyei mienh ninh mbuo huotv yie,
• ninh mbuo ngaatc jienv nyaah mangc yie.
• ¹⁷ O Ziouv aah! Meih oix mangc jienv yaac maiv tengx yie ndongc haaix lauh?
• Tov meih njoux yie biaux ndutv maiv zuqc ninh mbuo zoux doqc hoic,
• njoux yie nyei maengc leih ndutv naaiv deix sienh.
• ¹⁸ Yie oix yiem gapv zunv nyei domh wuic dor-ziec meih,
• yie oix yiem mienh camv nyei mbu'ndongx ceng meih.
• ¹⁹ Tov meih maiv dungx bun zoux win-wangv
• mv baac maiv maaih gorn-baengx wuov deix a'hneiv nyei jatv yie.
• Maiv dungx bun nzorng yie yaac maiv maaih gorn-baengx wuov deix
• nzuei kamx-bui bun yie. * Hipv^lu waac gorngv nyapc m'zing bun yie. Eix leiz se jatv ninh, mangc ninh maiv faaux mueic. * Singx Nzung 69:4 ; Yo^han 15:25
• ²⁰ Ninh mbuo maiv gorngv baengh orn nyei waac.
• Daaux nzuonx ninh mbuo hnamv cuotv nduov mienh nyei waac
• hoic yiem deic-bung sekv nyei mienh.
• ²¹ Ninh mbuo morngx nqoi nzuih mangc jienv yie gorngv,
• “Haav, haav! Yie mbuo nyei m'zing zungv buatc liuz aqv.”
• ²² O Ziouv aac, meih buatc liuz aqv. Tov meih maiv dungx sekv-sekv nyei yiem.
• O Ziouv aac, tov meih maiv dungx leih go yie.
• ²³ Yie nyei Tin-Hungh, yie nyei Ziouv aah!
• Tov nyie, dongz sin daaih tengx yie mbenc sung yie nyei sic.
• ²⁴ Ziouv, yie nyei Tin-Hungh aac,
• meih se baengh fim nyei.
  Tov bun cing yie maiv zoux dorngc zuiz.
• Maiv dungx bun ninh mbuo a'hneiv nyei jatv yie.
• ²⁵ Tov maiv dungx bun ninh mbuo yiem ninh mbuo nyei hnyouv hnamv cuotv daaih gorngv,
• “Haav, haav! Ziux yie mbuo oix duqv daaih yie mbuo duqv aqv.”
• Yaac maiv dungx bun ninh mbuo gorngv,
• “Yie mbuo duqv naqv ninh mi'aqv.”
• ²⁶ Tov bun a'hneiv yie zuqc kouv naanc wuov deix yietc zungv
• zuqc nyaiv, zuqc la'nyauv nyei sic.
• Tov bun ceng ganh gauh hlo yie wuov deix
• zuqc nyaiv, zuqc baaic hmien.
• ²⁷ Tov bun a'hneiv yie zuqc siemv dingc maiv maaih zuiz wuov deix
• njien-youh orn-lorqc nyei heuc.
• Tov bun ninh mbuo zanc-zanc gorngv, “Ziouv se hlo haic.
• Ninh a'hneiv ninh nyei bou duqv longx.”
• ²⁸ Yie * Faan zaqc gorngv yie nyei mbietc. oix zunh gorngv meih se baengh fim nyei,
• yie oix ziangh hnoi ceng meih.