Singx Nzung 137

I^saa^laa^en Mienh Zuqc Caangv
Mingh Nyei Naanc Zingh Nzung

• ¹ Yie mbuo zueiz jienv Mbaa^mbi^lon nyei ndoqv-hlen,
• yietv jangx zuqc Si^on ziouc nyiemv.
• ² Yie mbuo zorqv yie mbuo nyei daanh baah
• kuangx jienv yiem naaiv nyei suiv-liemh ndiangx, * fai borpc^laah.
• ³ weic zuqc caangv yie mbuo daaih wuov deix oix yie mbuo baaux nzung,
• hoic yie mbuo wuov deix oix yie mbuo tengx ninh mbuo zoux nauc nyitc
• ziouc gorngv, “Baaux diuh Si^on nyei nzung bun yie mbuo muangx maah!”
• ⁴ Yie mbuo yiem ganh fingx mienh nyei deic-bung,
• hnangv haaix nor haih baaux Ziouv nyei nzung?
• ⁵ O Ye^lu^saa^lem aah! Se gorngv yie la'kuqv meih,
• tov bun yie nyei mbiaauc jieqv buoz hngongx mingh. * Eix leiz se bun ninh maiv haih patv ninh nyei daanh baah.
• ⁶ Se gorngv yie maiv jangx Ye^lu^saa^lem,
• yaac maiv funx Ye^lu^saa^lem
• weih bun yie gauh duqv njien-youh jiex,
• tov bun yie nyei mbietc naetv jienv yie nyei nzuih dungz.
• ⁷ O Ziouv aac, tov jangx E^ndom Mienh hnangv haaix nor zoux.
• Ye^lu^saa^lem mbaang wuov hnoi ninh mbuo gorngv,
• “Oix zuqc baaic, oix zuqc baaic aqv,
• oix zuqc caeqv njiec taux gorn-ndoqv.”
• ⁸ O Mbaa^mbi^lon aah! * Hipv^lu waac gorngv Mbaa^mbi^lon nyei Sieqv.
• Weic meih zoux bun yie mbuo nyei sic,
• jaauv win bun meih wuov dauh oix zuqc orn-lorqc. * Laauc Yaangh 18:6
• ⁹ Zorqv meih nyei gu'nguaaz-faix
• guaeqv la'bieiv wuov dauh yaac maaih orn-lorqc aqv.