Singx Nzung 138

Dor-Ziec Weic Zuqc Ziouv Tengx

Ndaawitv zoc nyei singx nzung.

• ¹ O Ziouv aac, yie longc nzengc hnyouv dor-ziec meih.
• Yie dorng jienv zuangx zienh nyei nza'hmien baaux nzung ceng meih.
• ² Yie hungx jienv meih nyei singx dinc baaix,
• yaac dor-ziec meih, * Hipv^lu waac gorngv meih nyei mengh.
• weic meih se ziepc zuoqv nyei yaac ziepc zuoqv hnamv meih nyei mienh,
• weic zuqc meih taaih meih nyei mengh caux meih nyei waac
• gauh hlo jiex maanc muotc. * Hipv^lu waac gorngv “meih taaih meih nyei waac gauh hlo meih nyei mengh.”
• ³ Yie heuc meih wuov hnoi meih dau yie,
• meih longc meih nyei qaqv bun yie nyei hnyouv henv jiez daaih.
• ⁴ O Ziouv aac, lungh ndiev nyei zuangx hungh oix ceng meih,
• weic zuqc ninh mbuo haiz meih nyei nzuih gorngv nyei waac.
• ⁵ Ninh mbuo oix baaux nzung ceng Ziouv zoux nyei jauv,
• weic zuqc Ziouv nyei njang-laangc gengh hlo haic.
• ⁶ Maiv gunv Ziouv yiem hlang,
• ninh ziux goux haac dangv nyei mienh,
• mv baac ninh yiem go nyei dorngx
• mangc duqv hiuv zoux maux nyei mienh.
• ⁷ Maiv gunv yie yiem naanc zingh gu'nyuoz,
• meih beu yie nyei maengc.
• Yie nyei win-wangv qiex jiez,
  meih sung meih nyei buoz cuotv mborqv hingh,
• meih nyei mbiaauc jieqv buoz njoux yie.
• ⁸ Ziouv oix zoux ziangx nyungc-nyungc
• ziux ninh weic yie maaih nyei za'eix. * Fai “Ziouv oix zoux ziangx ziux ninh laengz yie nyei nyungc-nyungc”.
• O Ziouv aac, meih ziepc zuoqv hnamv mienh taux yietc liuz.
• Tov meih maiv dungx guangc meih nyei buoz zoux nyei gong.