Singx Nzung 136 (Psalms 136)

Singx Nzung 136

Singx Nzung 136

Dor-Ziec Ziouv Weic Zuqc Ninh
Ziepc Zuoqv Nyei Hnamv Mienh

¹ Meih mbuo oix zuqc dor-ziec Ziouv weic zuqc ninh longx haic.

Weic zuqc ninh yietc liuz ziepc zuoqv nyei hnamv mienh. *

² Oix zuqc dor-ziec maanc zienh nyei Zienh,

Weic zuqc ninh yietc liuz ziepc zuoqv nyei hnamv mienh.

³ Oix zuqc dor-ziec maanc ziouv nyei Ziouv,

Weic zuqc ninh yietc liuz ziepc zuoqv nyei hnamv mienh.

⁴ Kungx ninh ganh zoux domh mbuoqc horngh nyei sic,

Weic zuqc ninh yietc liuz ziepc zuoqv nyei hnamv mienh.

⁵ Ninh longc ninh ganh nyei wuonh zaang zeix lungh, * Tin Deic Douh 1:1

Weic zuqc ninh yietc liuz ziepc zuoqv nyei hnamv mienh.

⁶ Ninh ceix * Hipv^lu waac gorngv corng ndau. ndau yiem wuom-minc gu'nguaaic, * Tin Deic Douh 1:2

Weic zuqc ninh yietc liuz ziepc zuoqv nyei hnamv mienh.

⁷ Ninh zeix domh njang cuotv daaih, * Tin Deic Douh 1:16

Weic zuqc ninh yietc liuz ziepc zuoqv nyei hnamv mienh.

⁸ Ninh zeix mba'hnoi gunv lungh hnoi zanc,

Weic zuqc ninh yietc liuz ziepc zuoqv nyei hnamv mienh.

⁹ Ninh zeix hlaax caux hleix gunv lungh muonz zanc,

Weic zuqc ninh yietc liuz ziepc zuoqv nyei hnamv mienh.

¹⁰ Ninh daix I^yipv Mienh nyei dorn-la'gauv, * Cuotv I^yipv 12:29

Weic zuqc ninh yietc liuz ziepc zuoqv nyei hnamv mienh.

¹¹ Ninh dorh I^saa^laa^en Mienh yiem ninh mbuo mbu'ndongx cuotv daaih, * Cuotv I^yipv 12:51

Weic zuqc ninh yietc liuz ziepc zuoqv nyei hnamv mienh.

¹² Ninh sung cuotv ninh domh qaqv nyei buoz,

Weic zuqc ninh yietc liuz ziepc zuoqv nyei hnamv mienh.

¹³ Ninh bun nqoi Koiv-Siqv nyei wuom, * Cuotv I^yipv 14:21-29

Weic zuqc ninh yietc liuz ziepc zuoqv nyei hnamv mienh.

¹⁴ Ninh dorh I^saa^laa^en Mienh yangh mbu'ndongx jiex,

Weic zuqc ninh yietc liuz ziepc zuoqv nyei hnamv mienh.

¹⁵ Ninh zorqv Faalo Hungh caux ninh nyei baeng-guanh mbienv njiec Koiv-Siqv.

Weic zuqc ninh yietc liuz ziepc zuoqv nyei hnamv mienh.

¹⁶ Mv baac ninh yienz ganh nyei baeqc fingx jiex deic-bung-huaang,

Weic zuqc ninh yietc liuz ziepc zuoqv nyei hnamv mienh.

¹⁷ Ninh daix domh hungh diex,

Weic zuqc ninh yietc liuz ziepc zuoqv nyei hnamv mienh.

¹⁸ Ninh daix ziex dauh maaih mengh hoc nyei hungh,

Weic zuqc ninh yietc liuz ziepc zuoqv nyei hnamv mienh.

¹⁹ Ninh daix Aa^mo^lai Mienh nyei
Si^honx Hungh, * Saauv Mienh 21:21-30

Weic zuqc ninh yietc liuz ziepc zuoqv nyei hnamv mienh.

²⁰ Ninh aengx daix Mbaasaan Deic nyei Okc Hungh, * Saauv Mienh 21:31-35

Weic zuqc ninh yietc liuz ziepc zuoqv nyei hnamv mienh.

²¹ Ninh zorqv ninh mbuo nyei deic-bung bun ninh nyei baeqc fingx nzipc,

Weic zuqc ninh yietc liuz ziepc zuoqv nyei hnamv mienh.

²² Se jiu bun ninh nyei bou,
I^saa^laa^en Mienh, nzipc nyei buonc,

Weic zuqc ninh yietc liuz ziepc zuoqv nyei hnamv mienh.

²³ Yie mbuo ndortv njiec zuqc kouv nyei ziangh hoc ninh jangx yie mbuo,

Weic zuqc ninh yietc liuz ziepc zuoqv nyei hnamv mienh.

²⁴ Ninh njoux yie mbuo biaux ndutv win-wangv,

Weic zuqc ninh yietc liuz ziepc zuoqv nyei hnamv mienh.

²⁵ Ninh ceix nyanc hopv bun maaih maengc nyei ga'naaiv,

Weic zuqc ninh yietc liuz ziepc zuoqv nyei hnamv mienh.

²⁶ Oix zuqc dor-ziec lungh zaangc nyei Tin-Hungh,

Weic zuqc ninh yietc liuz ziepc zuoqv nyei hnamv mienh.