Singx Nzung 104

Ziouv Goux Ninh Zeix Daaih Nyei Maanc Muotc

• ¹ Yie nyei hnyouv aac, oix zuqc ceng Ziouv.
• O Ziouv, yie nyei Tin-Hungh aac, meih za'gengh hlo! haic.
• Meih maaih njang-laangc caux mengh hoc zuqv jienv zoux meih nyei lui.
• ² Meih buix jienv njang hnangv buix lui-ndaauv.
• Meih corng lungh hnangv corng ndopv-liuh wuov nor.
• ³ Yiem lungh gu'nguaaic maengx nyei wuom meih liepc meih yiem nyei dorngx. * Tin Deic Douh 1:6-7 .
• Meih longc mbuonx zoux meih * meih Hipv^lu waac gorngv ninh. nyei cie,
• yaac bangc nziaaux nyei ndaatv mingh.
• ⁴ Meih longc nziaaux zoux meih nyei douc fienx mienh,
• longc douz-mbietc zoux meih nyei bou. * Hipv^lu 1:7
• ⁵ Meih zorqv ndau liepc yiem gorn-ndoqv gu'nguaaic,
• weic bun yietc liuz maiv dongz.
• ⁶ Meih longc ndo nyei wuom yiemx ndau-beih gu'nguaaic hnangv lui nor,
• wuom jiex mbong gu'nguaaic. * Tin Deic Douh 7:19-20
• ⁷ Meih yietv hatc, wuom ziouc biaux.
• Yietv haiz meih nyei qiex mbui, * Hipv^lu waac gorngv meih nyei mba'ong. wuom ziouc mingh nzengc.
• ⁸ Geh zorng baetv faaux,
  horngz biopc njiec
• taux meih dingc bun ninh mbuo yiem nyei dorngx.
• ⁹ Meih dingc ziangx gapv-jaaix bun wuom maiv haih jiex ndaangc,
• weic maiv bun wuom aengx buang jienv ndau-beih.
• ¹⁰ Meih bun wuom-zingv yiem horngz baetv cuotv,
• liouc njiec mbong mbu'ndongx,
• ¹¹ bun zuangx hieh zoih duqv hopv,
• bun hieh lorh jaiv nqaatv.
• ¹² Yiem wuom-hlen maaih norqc zoux lauz,
• yiem ndiangx-nquaah maaih norqc heuc.
• ¹³ Yiem lungh gu'nguaaic meih bun mbiungc duih njiec mbong,
• weic meih zoux nyei yietc zungv gong,
• ndau-beih duqv bungx-zuoqc.
• ¹⁴ Meih bun miev-maeng cuotv daaih yungz saeng-kuv,
• bun lai-coix cuotv daaih bun mienh longc, * Fai goux.
• bun ndau cuotv gaeng-zuangx ga'naaiv bun mienh nyanc.
• ¹⁵ Aengx cuotv a'ngunc diuv tengx mienh njien-youh,
• yaac duqv hmei tengx ninh nyei hmien njang,
• duqv laangh ziqc weic bun sin zaangc henv. * Faan zaqc gorngv weic yungz hnyouv henv.
• ¹⁶ Ziouv nyei ndiangx duqv wuom gaux,
• se yiem Le^mbaa^norn ninh zuangx nyei si^ndaa zongh ndiangx.
• ¹⁷ Norqc zoux lauz yiem wuov deix ndiangx.
• Norqc nyieh yiem zongh ndiangx zoux ninh nyei biauv.
• ¹⁸ Mbong-hlang benx hieh yungh nyei dinc,
• la'bieiv-mbaengx zoux naauz * Maaih nyungc naauz hlo nyei yiem la'bieiv-mbaengx. nyei ndaauh kaux dorngx.
• ¹⁹ Meih zeix hlaax weic dingc gueix, * Fai dingc daaih nyei zipv fai dingc daaih nyei ziangh hoc.
• mba'hnoi hiuv duqv ziangh hoc muotv.
• ²⁰ Meih zeix hmuangx benx lungh muonz zanc,
• lomc gu'nyuoz yietc zungv hieh zoih ziouc cuotv daaih.
• ²¹ Sienh lunx heuc jienv mingh lorz nyanc,
• lorz Tin-Hungh ceix bun nyei ga'naaiv.
• ²² Mba'hnoi cuotv nyei ziangh hoc ninh mbuo ziouc mingh aqv.
• Mingh bueix ninh mbuo ganh nyei kuotv.
• ²³ Mienh ziouc cuotv mingh zoux ninh mbuo nyei gong,
• yaac zoux jienv mingh taux lungh hmuangx.
• ²⁴ O Ziouv aac, meih zoux nyei gong camv haic,
• yietc zungv se meih longc cong-mengh zeix daaih.
• Meih zeix daaih nyei maanc muotc buangv nzengc ndau-beih.
• ²⁵ Yiem wuov maaih koiv youc hlo youc jangv.
• Koiv gu'nyuoz maaih haih dongz nyei ga'naaiv saauv maiv hingh,
• se maaih maengc nyei ga'naaiv hlo-hlo faix-faix.
• ²⁶ Yiem wuov maaih nzangv mingh daaih,
• aengx maaih meih zeix daaih nyei Le^wi^aa^taan yiem wuov nyienx. * Yopv 41:1 ; Singx Nzung 74:14 ; I^saa^yaa 27:1
• ²⁷ Naaiv deix yietc zungv kaux meih
• ziux ziangh hoc bun ga'naaiv ninh mbuo nyanc.
• ²⁸ Meih bun ninh mbuo, ninh mbuo ziouc zorqv daaih,
• meih sung meih nyei buoz ninh mbuo ziouc duqv longx nyei ga'naaiv beuv.
• ²⁹ Meih buang hmien maiv mangc ninh mbuo, ninh mbuo gamh nziex haic.
• Meih zorqv cuotv ninh mbuo tauv nyei qiex ninh mbuo daic mi'aqv,
• nzuonx mingh benx nie-mbung.
• ³⁰ Meih bun meih nyei Singx Lingh * Fai qiex. cuotv mingh wuov zanc
• ninh mbuo duqv zeix cuotv daaih aqv.
• Meih yaac bun ndau-beih goiv yienc siang daaih.
• ³¹ Tov Ziouv nyei njang-laangc yietc liuz yiem.
• Tov Ziouv a'hneiv ninh zeix daaih nyei ga'naaiv.
• ³² Ninh mangc ndau, ndau ziouc dongz,
• ninh hluo zuqc mbong, mbong ziouc cuotv douz-sioux.
• ³³ Yie yietc seix oix baaux nzung ceng Ziouv.
• Yie corc ziangh jienv nyei ziangh hoc,
• yie oix baaux nzung bun yie nyei Tin-Hungh.
• ³⁴ Tov ninh weic yie buih nyei waac horpc hnyouv,
• weic zuqc Ziouv bun yie njien-youh.
• ³⁵ Tov bun zuiz-mienh yiem baamh gen zuqc mietc nzengc,
• yaac bun orqv mienh zutc nzengc.
• Yie nyei hnyouv aac, oix zuqc ceng Ziouv.
• Oix zuqc ceng Ziouv. * Hipv^lu waac gorngv Haa^le^lu Yaa.