Singx Nzung 105

Ziouv Weic I^saa^laa^en Mienh
Zoux Mbuoqc Horngh Nyei Sic

(Beiv mangc 1 Zunh Doic Douh 16:8-22 )

• ¹ Oix zuqc dor-ziec Ziouv, oix zuqc jouh ninh nyei mengh,
• yiem maanc fingx mbu'ndongx zunh yaangh ninh zoux nyei sic.
• ² Oix zuqc dorng jienv ninh baaux nzung, baaux nzung ceng ninh.
• Oix zuqc zunh yaangh ninh zoux yietc zungv mbuoqc horngh nyei sic.
• ³ Oix zuqc weic ninh nyei cing-nzengc mbuox bungx waac-maux.
• Bun zimh lorz Ziouv nyei mienh nyei hnyouv njien-youh.
• ⁴ Oix zuqc zimh lorz Ziouv caux ninh nyei qaqv,
• zanc-zanc oix yiem Ziouv nyei nza'hmien.
• ^5-6 Ninh nyei bou, Apc^laa^ham, nyei hoz doic,
• se ninh ginv daaih nyei mienh, Yaakopv nyei zeiv-fun aah!
• Oix zuqc jangx jienv ninh zoux liuz wuov deix mbuoqc horngh nyei sic,
• caux ninh zoux peix fuc nyei sic,
• caux ninh nyei nzuih siemv nyei waac.
• ⁷ Ninh se Ziouv, yie mbuo nyei Tin-Hungh.
• Ninh siemv nyei waac yiem gormx lungh ndiev.
• ⁸ Ninh jangx ninh laengz nyei ngaengc waac taux yietc liuz,
• ninh paaiv nyei waac weic yietc cin doic,
• ⁹ se caux Apc^laa^ham liepc nyei ngaengc waac, * Tin Deic Douh 12:7 ; 17:8
• dongh ninh houv jienv laengz bun I^sakc nyei ngaengc waac. * Tin Deic Douh 26:3
• ¹⁰ Ninh zorqv naaiv deix ngaengc waac caux Yaakopv liepc benx leiz-nyeic,
• jiu bun I^saa^laa^en weic zoux yietc liuz nyei ngaengc waac. * Tin Deic Douh 28:13
• ¹¹ Ninh gorngv, “Yie oix zorqv Kaa^naa^an Deic-Bung jiu bun meih * Maaih deix sou gorngv meih mbuo. Hipv^lu waac gorngv meih.
• benx meih nzipc nyei buonc.”
• ¹² Ninh mbuo mienh zoqc wuov zanc,
• se mienh za'gengh zoqc nyei, kungx dingh zepv yiem wuov norm deic-bung hnangv,
• ¹³ ninh mbuo yiem naaiv norm deic-bung jiex wuov norm deic-bung,
• yiem yietc norm guoqv mingh taux ganh norm guoqv.
• ¹⁴ Ninh maiv bun haaix dauh mienh zeix ninh mbuo,
• weic ninh mbuo nyei gorn ninh hemx ziex dauh hungh diex. * Tin Deic Douh 20:3-7
• ¹⁵ Ninh gorngv, “Maiv dungx zoux haaix nyungc bun yie longc youh orn daaih nyei mienh,
• yaac maiv dungx hoic yie nyei douc waac mienh.”
• ¹⁶ Ninh bun wuov norm deic-bung zuqc domh huaang domh ngorc,
• dongh ninh mbuo kaux nyei laangh ziqc dangx nzengc, * Tin Deic Douh 41:53-57
• ¹⁷ ninh paaiv laanh mienh mingh ndaangc ninh mbuo,
• se Yosepv, zuqc maaic mingh zoux nouh. * Tin Deic Douh 37:28 ; 45:5
  
• ¹⁸ Yosepv nyei zaux zuqc hlieqv-limc ndoh jienv mun,
• yaac zuqc hlieqv-kou kou jienv jaang, * Tin Deic Douh 39:20-40:23
• ¹⁹ zuov taux ninh gorngv oix cuotv nyei sic cuotv daaih zien.
• Ziouv nyei waac seix ninh.
• ²⁰ Hungh diex paaiv mienh mingh bungx nqoi ninh,
• gunv zuangx fingx wuov dauh bungx ninh cuotv, * Tin Deic Douh 41:14
  
• ²¹ liepc ninh zoux hungh dinc nyei ziouv,
• bun ninh gunv hungh dinc maaih nyei yietc zungv, * Tin Deic Douh 41:39-41
• ²² bun ninh sueih eix njaaux hungh diex nyei jien,
• njaaux hungh diex nyei mienh gox maaih cong-mengh.
• ²³ Nqa'haav I^saa^laa^en daaih taux
  I^yipv, * Tin Deic Douh 46:5-7
• Yaakopv dingh zepv yiem Haam nyei deic-bung. * Haam nyei deic-bung se I^yipv Deic-Bung. * Tin Deic Douh 47:11
  
• ²⁴ Ziouv bun ninh nyei baeqc fingx hiaangx camv,
• yaac bun ninh mbuo gauh henv jiex * Fai Gauh camv. ninh mbuo nyei win-wangv. * Cuotv I^yipv 1:7-14
• ²⁵ Ninh bun win-wangv nyei hnyouv nzorng ninh nyei baeqc fingx,
• zoux guv guaix nyei sic hoic ninh nyei bou.
• ²⁶ Ninh paaiv ninh nyei bou, Mose,
• caux ninh ginv daaih wuov dauh Aalon. * Cuotv I^yipv 3:1-4:17
  
• ²⁷ Ninh mbuo yiem wuov deix mienh mbu'ndongx zoux jangx-hoc,
• yiem Haam nyei deic-bung zoux mbuoqc horngh nyei sic.
• ²⁸ Ninh bun hmuangx daaih om jienv deic-bung,
• I^yipv Mienh yaac ngaengc * Hipv^lu waac gorngv “yaac maiv ngaengc ninh nyei waac”. ninh nyei waac. * Cuotv I^yipv 10:21-23
• ²⁹ Ninh bun ninh mbuo nyei wuom benx nziaamv,
• bun ninh mbuo nyei mbiauz daic nzengc. * Cuotv I^yipv 7:17-21
• ³⁰ Yiem ninh mbuo nyei deic-bung,
• liemh ninh mbuo nyei hungh dinc gu'nyuoz maaih gaengv buangv nzengc. * Cuotv I^yipv 8:1-6
  
• ³¹ Ninh gorngv ziouc maaih mungz faanv, * Cuotv I^yipv 8:20-24
• maaih gaeng-mbung faanv buangv deic-bung. * Cuotv I^yipv 8:16-17
  
• ³² Ninh bun borqc div mbiungc duih njiec,
• bun mba'lingc njapc njapc nyei gormx deic-bung. * Cuotv I^yipv 9:22-25
  
  
• ³³ Ninh mborqv waaic ninh mbuo nyei a'ngunc hmei caux ngongh nyorx ndiangx,
• mborqv ninh mbuo nyei deic-bung nyei ndiangx nauv nzengc.
• ³⁴ Ninh gorngv yietc joux, jopv-nyeic ziouc daaih,
• jopv-nyeic lunx saauv maiv hingh, * Cuotv I^yipv 10:12-15
  
• ³⁵ nyanc ninh mbuo nyei deic-bung nyei nyungc-nyungc lai-coix,
• caux yiem lingh deic cuotv nyei gaeng-zuangx.
• ³⁶ Ninh daix yiem ninh mbuo nyei deic-bung gu'nyuoz nyei yietc zungv dorn-la'gauv,
• se mouz buonc nyei daauh dauh dorn. * Cuotv I^yipv 12:29
• ³⁷ Nqa'haav ninh dorh I^saa^laa^en Mienh, caux jienv jiem nyaanh cuotv,
• yiem ninh mbuo nyei fingx-fingx maiv maaih haaix dauh mau. * Faan zaqc gorngv “Yiem ninh nyei fingx-fingx mienh mbu'ndongx maiv maaih haaix dauh ndiqv zuqc ndorpc”. * Cuotv I^yipv 12:33-36
  
• ³⁸ Ninh mbuo biaux cuotv,
  I^yipv Mienh a'hneiv nyei,
• weic zuqc ninh mbuo gamh nziex haic I^saa^laa^en Mienh.
• ³⁹ Tin-Hungh bun mbuonx om jienv,
• lungh muonz zanc bun douz ziux njang. * Cuotv I^yipv 13:21-22
• ⁴⁰ Ninh mbuo tov, ninh ziouc bun norqc mbunh ndaix daaih,
• yaac bun laangh ziqc yiem lungh daaih bun ninh mbuo nyanc beuv. * Cuotv I^yipv 16:2-15
• ⁴¹ Ninh mborqv nqoi la'bieiv, wuom ziouc baetv cuotv
• liouc jiex deic-bung-huaang benx diuh ndaaih, * Cuotv I^yipv 17:1-7 ; Saauv Mienh 20:2-13
• ⁴² weic zuqc ninh jangx ninh caux ninh nyei bou, Apc^laa^ham,
• laengz nyei cing-nzengc waac.
  
• ⁴³ Ninh dorh ninh nyei baeqc fingx njien-youh nyei cuotv,
• dorh jienv ninh ginv daaih nyei mienh baaux jienv nzung mingh.
• ⁴⁴ Ninh zorqv ganh fingx mienh nyei deic-bung jiu bun ninh mbuo.
• Ninh mbuo duqv nzipc wuov deix mienh ndortv qaqv zoux nyei buonc * Yo^su^waa 11:16-23
• ⁴⁵ weic bun ninh mbuo gan ninh nyei leiz-nyeic
• yaac ei nzengc ninh nyei leiz-latc.
• Oix zuqc ceng Ziouv. * Hipv^lu waac gorngv Haa^le^lu Yaa.