Singx Nzung 103

Ceng Ziouv Weic Ninh
Korv-Lienh Mienh

Ndaawitv zoc nyei singx nzung.

• ¹ Yie nyei hnyouv aac, oix zuqc ceng Ziouv.
• Yie longc nzengc hnyouv ceng ninh nyei cing-nzengc mbuox.
• ² Yie nyei hnyouv oix ceng Ziouv,
• yaac maiv dungx la'kuqv ninh nyei yietc zungv en-zingh.
• ³ Ninh guangc yie nyei * yie nyei yiem naaiv deix buo yiemc Hipv^lu waac gorngv meih mv baac gorngv zuqc yie nyei hnyouv. yietc zungv zuiz,
• yaac zorc yie nyei yietc zungv baengc.
• ⁴ Ninh zuoqc yie nyei maengc leih ndutv ndo haic nyei kuotv, * Se yiemh gen.
• ninh ziepc zuoqv nyei hnamv yie, korv-lienh yie. * Hipv^lu waac aengx tipv jienv gorngv weic zoux ningv.
• ⁵ Ninh ceix longx nyei ga'naaiv
  bun yie buangv eix,
• yie ziouc nzuonx-lunx daaih hnangv domh jaangv nor henv.
• ⁶ Ziouv zoux kuv sic
• yaac baengh fim nyei tengx zuqc zeix nyei mienh.
• ⁷ Ninh bun Mose hiuv duqv ninh nyei za'eix,
• bun I^saa^laa^en Mienh hiuv duqv ninh zoux nyei sic.
• ⁸ Ziouv korv-lienh mienh, ceix en bun mienh,
• ninh maiv qiex jiez siepv, yaac maaih hnamv mienh nyei hnyouv buangv nzengc. * Yaagorpc 5:11
• ⁹ Ninh maiv zanc-zanc hemx,
• yaac maiv yietc liuz qiex jiez.
• ¹⁰ Ninh maiv ziux mbuo zoux nyei zuiz dingc,
• yaac maiv ziux mbuo zoux dorngc nyei jauv winh bun.
• ¹¹ Lungh leih ndau ndongc haaix hlang,
• ninh hnamv taaih ninh wuov deix ndongc wuov hlo.
• ¹² Dong bung leih fai bung ndongc haaix go,
• ninh zorqv mbuo zoux dorngc nyei zuiz guangc ndongc wuov go.
• ¹³ Die hnangv haaix nor korv-lienh ninh nyei fu'jueiv,
• Ziouv yaac hnangv wuov nor korv-lienh taaih ninh nyei mienh,
• ¹⁴ weic zuqc ninh hiuv duqv mbuo nyei sin zaangc, * sin zaangc Hipv^lu waac gorngv sin nyei qorng.
• jangx duqv mbuo benx nie-mbung.
• ¹⁵ Baamh mienh aeqv, ninh nyei hnoi-nyieqc hnangv miev nor,
• ninh hnangv lomc-huaang nyei miev-biangh,
• ¹⁶ zuqc nziaaux buonc, ziang naaic maiv maaih aqv.
• Ninh nyei loz-dorngx yaac maiv nyiemc ninh aqv.
• ¹⁷ Mv baac Ziouv ziepc zuoqv nyei hnamv taaih ninh wuov deix yietc liuz taux yietc liuz,
• ninh baengh fim nyei jauv yaac njiec taux ninh mbuo nyei zeiv-fun zeiv-faqv,
• ¹⁸ se ei jienv ninh nyei ngaengc waac
• caux jangx ninh nyei leiz-latc wuov deix.
• ¹⁹ Ziouv yiem gu'nguaaic lungh liepc ninh nyei weic,
• ninh nyei guoqv gunv maanc muotc.
• ²⁰ Meih mbuo, ninh nyei fin-mienh aah! Dongh ei jienv ninh hatc nyei waac,
• se muangx ninh nyei waac, maaih domh qaqv nyei fin-mienh,
• oix zuqc ceng Ziouv.
• ²¹ Ninh nyei zuangx baeng, se fu-sux ninh,
• ei jienv ninh nyei eix nyei bou aah!
• Oix zuqc ceng Ziouv.
• ²² Meih mbuo yietc zungv zeix daaih nyei maanc muotc aah!
• Yiem ninh gunv nyei norm-norm dorngx, oix zuqc ceng Ziouv.
• O yie nyei hnyouv aac, oix zuqc ceng Ziouv.