×
Cong-Mengh Waac 16
-
1 Mienh yiem hnyouv daav za'eix,
- mv baac nzuih dau nyei waac se yiem Ziouv
daaih.
-
2 Mienh zoux nyei yietc zungv ziux ganh nyei m'zing mangc se cing-nzengc nyei,
- mv baac Ziouv
zaah mangc hnyouv.
-
3 Oix zuqc zorqv meih zoux nyei nyungc-nyungc jiu bun Ziouv,
- meih daav nyei za'eix ziouc liepc duqv jiez.
-
4 Ziouv
zeix nyungc-nyungc weic wuov nyungc nyei eix leiz,
- liemh orqv mienh se weic zeqc naanc nyei hnoi.
-
5 Da'faanh hnyouv maux nyei mienh Ziouv
youx haic,
- oix zuqc hiuv dingc, ninh zungv biaux maiv ndutv, oix zuqc dingc zuiz.
-
6 Mienh ziepc zuoqv gan longx Tin-Hungh ziouc duqv zuiz guangc liuz,
- mienh taaih Ziouv
ziouc duqv simv nqoi orqv sic.
-
7 Se gorngv mienh zoux nyei jauv bun Ziouv
a'hneiv,
- Ziouv
yaac bun wuov dauh nyei win-wangv caux ninh horpc.
-
8 Maaih ga'naaiv zoqc mv baac zoux duqv zingx,
- se gauh longx maaih ga'naaiv camv mv baac zoux maiv baengh fim.
-
9 Mienh nyei hnyouv daav za'eix lorz ganh nyei jauv,
- mv baac Ziouv
yienz ninh yangh nyei zaux-mbiec.
-
10 Hungh diex gorngv waac maaih Tin-Hungh nyei hatc maaz.
- Siemv dingc nyei ziangh hoc ninh nyei nzuih yaac maiv gorngv dorngc.
-
11 Horpc nyei tin-baengh dangv caux nziangx benx Ziouv
nyei,
- yiem mbuoqc nyei yietc zungv dangv-dorh, nziangx-dorh se ninh zoux nyei.
-
12 Hungh diex zoux orqv se gamh nziev haic nyei sic,
- weic zuqc hungh weic bangc baengh fim nyei leiz liepc daaih.
-
13 Mienh nyei nzuih gorngv zien nyei waac hungh diex a'hneiv,
- ninh yaac hnamv gorngv zingx nyei waac nyei mienh.
-
14 Hungh diex qiex jiez bun cing mienh oix zuqc daic,
- mv baac cong-mengh mienh haih donv hungh diex nyei ga'qiex.
-
15 Hungh diex nyei hmien njang ziouc bun mienh haih duqv maengc ziangh,
- hungh diex horpc hnyouv se hnangv mbuonx dorh jienv cun-gen nyei mbiungc daaih nor.
-
16 Duqv cong-mengh se gauh longx jiex duqv jiem,
- ginv duqv wuonh zaang se gauh longx ginv duqv nyaanh.
-
17 Hnyouv zingx mienh gan nyei jauv-louc simv nqoi orqv sic.
- Haaix dauh goux longx ganh nyei jauv ziouc goux ganh nyei maengc.
-
18 Zoux maux nyei jauv dorh mienh mingh zuqc mietc,
- hnyouv ceng-hlo bun mienh zuqc ndorpc.
-
19 Nyiemc ganh zoux faix caux mienh jomc mienh yiem,
- gauh longx zorqv guaatv daaih nyei ga'naaiv caux zoux maux nyei mienh bun nqoi.
-
20 Haaix dauh gan longx njaaux nyei waac ziouc duqv longx,
- haaix dauh kaux Ziouv
yaac duqv orn-lorqc.
-
21 Maaih cong-mengh nyei hnyouv, mienh heuc benx bieqc hnyouv nyei mienh.
- Gorngv waac longx, jaa baeng duqv mienh.
-
22 Weic maaih cong-mengh nyei mienh, cong-mengh benx ziangh maengc nyei wuom-zingv,
- mv baac mienh hngongx mienh zuqc ninh mbuo hngongx nyei jauv dingc ninh mbuo nyei zuiz.
-
23 Cong-mengh mienh nyei hnyouv njaaux ninh gorngv waac horpc,
- ninh nyei nzuih gorngv nyei waac yaac gauh haih baeng duqv mienh.
-
24 Gorngv waac longx se hnangv mueiz-dorngh
gaam nyei,
- bun hnyouv kuh yiem, sin yaac wangc siangx.
-
25 Maaih diuh jauv mienh funx se horpc nyei,
- mv baac naaiv diuh jauv setv mueiz dorh mienh mingh zuqc daic.
-
26 Mienh kouv laaix sung nzuih,
- ninh nyei nzuih zunc ninh mingh.
-
27 Maiv lamh longc nyei mienh daav za'eix zoux orqv sic,
- ninh gorngv nyei waac hnangv douz ziqv mienh.
-
28 Buv longh buv dangv nyei mienh coqv mienh nzaeng jaax.
- Gorngv waac-huv
nyei mienh hoic loz-gaeng doic bun nqoi.
-
29 Mienh doqc mienh yuoqc ninh nyei juangc laangz mienh,
- yaac dorh ninh yangh maiv benx nyei jauv.
-
30 Mienh nyapc m'zing ninh daav nduov mienh nyei za'eix,
- nqapc nzuih meix wuov dauh bun orqv sic cuotv daaih.
-
31 Mba'biei baeqc se njang-laangc nyei ningv,
- se weic mienh yiem seix zaangc gan zoux horpc nyei jauv duqv daaih.
-
32 Maiv qiex jiez siepv nyei mienh se gauh longx henv nyei mienh,
- haih gunv duqv ganh nyei hnyouv se gauh longx mborqv duqv yietc norm zingh.
-
33 Mienh dingc maengc mangc,
- mv baac dingc nyei se yiem Ziouv
daaih.
