×
Cong-Mengh Waac 17
-
1 Nduqc aax hnaangx-nqaai, biauv yaac baengh orn sekv nyei,
- se gauh longx maaih orv diuv buangv dieh yaac maaih nzaeng jaax nyei sic.
-
2 Zoux duqv gong longx, cong-mengh nyei bou
duqv gunv ninh nyei ziouv zoux sic nyaiv nyei dorn,
- ziouc duqv nzipc buonc ndongc yietc dauh wuov deix muoz-dorn doic.
-
3 Nyaanh korqv se weic sinx nyaanh, louh se weic sinx jiem,
- se Ziouv
seix mienh nyei hnyouv.
-
4 Zoux orqv nyei mienh muangx mienh waaic mienh nyei nzuih gorngv.
- Gorngv-baeqc mienh muangx gorngv-baeqc mienh nyei waac.
-
5 Haaix dauh huotv mienh jomc mienh se mangc piex Zeix Ninh Daaih Nyei Tin-Hungh.
- Haaix dauh a'hneiv mienh zuqc zeqc naanc, wuov dauh biaux maiv ndutv dingc zuiz.
-
6 Fu'jueiv-fun benx mienh gox mienh nyei ningv,
- diex maac benx fu'jueiv nyei njang-laangc.
-
7 Mienh hngongx mienh bungx waac-maux
se maiv puix.
- Zoux hlo nyei mienh gorngv-baeqc se gauh fatv maiv puix.
-
8 Ziux bun nyei mienh nyei m'zing buatc, nyaanh hmuangx benx buv aqv,
- maiv gunv huin haaix bung yaac haih duqv longx.
-
9 Haaix dauh guangc nqoi mienh zoux dorngc nyei sic ziouc duqv mienh hnamv,
- mv baac haaix dauh nzamc zoux dorngc nyei jauv ziouc caeqv nqoi loz-gaeng doic.
-
10 Yietc joux gorngv-hemx nyei waac haih tengx hnyouv mengh baeqc nyei mienh
- gauh camv mienh hngongx mienh zuqc mborqv yietc baeqv biaav.
-
11 Orqv mienh kungx oix lorz jauv faanv lunc,
- mv baac zungv maaih dauh doqc haic nyei douc fienx mienh oix daaih mborqv ninh.
-
12 Mienh mingh buangh dauh zuqc guangc dorn nyei jiepv-nyeiz,
- se gauh longx buangh mienh hngongx mienh zoux jienv ninh hngongx nyei sic.
-
13 Haaix dauh zoux orqv sic winh mienh zoux nyei kuv sic,
- orqv nyei sic ziouc maiv leih nqoi ninh nyei biauv.
-
14 Jiez gorn nzaeng jaax se hnangv bungx wuom liouc cuotv.
- Hnangv naaic oix zuqc guangc nqoi ndaangc maaih nzaeng jaax nyei sic cuotv.
-
15 Haaix dauh bungx zoux dorngc nyei mienh,
- yaac bun maiv zoux dorngx nyei mienh
zuqc dingc zuiz,
- naaiv deix i nyungc zungv fih hnangv nyei, Ziouv
youx haic.
-
16 Mienh hngongx mienh nyei buoz weic haaix diuc oix nanv jienv nyaanh maaiz cong-mengh?
- Ninh zungv maiv maaih hnyouv hoqc hiuv.
-
17 Loz-gaeng doic zanc-zanc hnamv jaax,
- muoz-doic cuotv seix weic tengx jienv ndaam kouv naanc.
-
18 Samx maiv cuotv haaix nyungc nyei mienh laengz beu mienh nyei zaeqv,
- yaac dorng jienv ninh nyei juangc laangz mienh laengz zoux ndaam-daauh.
-
19 Haaix dauh a'hneiv zoux waaic sic, ninh a'hneiv nzaeng jaax.
- Haaix dauh zoux biauv nyei gaengh hlang
ziouc lorz jauv bun ganh zuqc mietc.
-
20 Hnyouv njuotv nyei mienh maiv haih duqv longx,
- gorngv-baeqc nyei mienh zungv zuqc zeqc naanc.
-
21 Die maaih dorn hngongx ziouc bun die nzauh,
- mienh hngongx mienh nyei die maiv maaih njien-youh.
-
22 Hnyouv njien-youh se longx haic nyei ndie.
- Hnyouv kouv hoic sin kouv jienv njiec.
-
23 Orqv mienh beic ndiev zipv nyaanh hmuangx
- weic zoux waaic baengh fim nyei jauv.
-
24 Mienh guai mienh nyei hmien hungx jienv cong-mengh nyei jauv mingh,
- mv baac mienh hngongx mienh nyei m'zing mangc lungh gorn.
-
25 Hngongx nyei dorn bun ninh nyei die zuqc nzauh,
- yaac bun ninh nyei maa hnyouv mun.
-
26 Baatc kuv mienh se maiv benx,
- mborqv hnyouv longx nyei mienh
yaac maiv horpc.
-
27 Haaix dauh haih nyienz duqv ninh nyei waac maaih wuonh zaang,
- haih zanv duqv hnyouv nyei mienh se haih mengh baeqc nyei mienh.
-
28 Liemh mienh hngongx mienh sekv nzieqc, maiv ko lo, ziouc funx maaih cong-mengh,
- ninh nqapc jienv nzuih maiv gorngv waac ziouc funx guai.
