×
Cong-Mengh Waac 15
-
1 Longc suonc nyei waac dau bun qiex jiez nyei jauv fiu,
- mv baac longc ciouv nyei waac cuoqv mienh qiex jiez.
-
2 Cong-mengh mienh nyei nzuih gorngv cuotv longx nyei wuonh zaang,
- mv baac mienh hngongx mienh gorngv cuotv hngongx nyei waac.
-
3 Ziouv
nyei m'zing mangc jienv norm-norm dorngx,
- zuov mangc jienv orqv mienh caux kuv mienh.
-
4 Nzuih gorngv suonc nyei waac bun mienh maaih maengc ziangh,
- mv baac gorngv buv longh buv dangv nyei waac bun mienh nyei mba'nziu mbaaix.
-
5 Mienh hngongx mienh mangc piex die njaaux nyei waac,
- mv baac haaix dauh muangx gorngv-hemx nyei waac se guai nyei.
-
6 Kuv mienh nyei biauv maaih zinh zoih camv,
- orqv mienh duqv daaih nyei leic bun ninh zuqc kouv.
-
7 Cong-mengh mienh nyei nzuih zunh cuotv wuonh zaang nyei waac,
- mv baac mienh hngongx mienh nyei hnyouv zungv maiv hnangv naaic.
-
8 Ziouv
gamh nziev haic orqv mienh fongc horc ziec nyei ga'naaiv,
- mv baac hnyouv zingx mienh daux gaux nyei waac bun ninh a'hneiv.
-
9 Ziouv
gamh nziev haic orqv mienh nyei jauv-louc,
- mv baac ninh hnamv gan zoux horpc nyei jauv wuov deix.
-
10 Haaix dauh guangc longx nyei jauv ziouc zuqc dingc zuiz hniev.
- Haaix dauh nzorng gorngv-njaaux nyei waac ziouc zuqc daic aqv.
-
11 Yiemh gen caux zuqc mietc nyei mienh yiem nyei dorngx, Ziouv
nyei m'zing mangc duqv buatc nyei,
- baamh mienh nyei hnyouv ninh gauh mangc duqv buatc ndongc haaix camv.
-
12 Huotv mienh nyei mienh maiv oix mienh gorngv-hemx,
- ninh yaac maiv mingh lorz cong-mengh mienh.
-
13 Hnyouv njien-youh, hmien ziouc njang,
- mv baac hnyouv nzauh kouv, mba'nziu haih mbaaix.
-
14 Haih mengh baeqc nyei mienh longc hnyouv lorz wuonh zaang,
- mv baac mienh hngongx mienh longc hngongx nyei jauv dorngx nyanc hopv.
-
15 Zuqc kouv naanc nyei mienh hnoi-hnoi nzauh,
- mv baac hnyouv njien-youh nyei mienh se hnangv zanc-zanc zoux jorm.
-
16 Maaih zinh zoih zoqc yaac taaih Ziouv
se gauh longx
- maaih zinh zoih camv mv baac nzauh faanh.
-
17 Juangc jienv nyanc lai-maeng, laanh yaac hnamv laanh se gauh longx
- juangc jienv nyanc ngongh dorn-junc nyei orv mv baac laanh nzorng laanh.
-
18 Ga'qiex beqv nyei mienh coqv cuotv nzaeng jaax nyei sic,
- mv baac nyienz jienv ga'qiex nyei mienh bun nzaeng jaax nyei jauv dingh njiec.
-
19 Mienh lueic mienh nyei jauv hnangv maaih njimv mbiorngz buangv,
- mv baac hnyouv zingx mienh nyei jauv se hlo yaac yuonh nyei.
-
20 Cong-mengh nyei dorn bun ninh nyei die a'hneiv,
- mv baac mienh hngongx mienh mangc piex ninh nyei maa.
-
21 Maiv hiuv haaix nyungc nyei mienh a'hneiv ninh hngongx nyei sic,
- mv baac haih mengh baeqc nyei mienh gan jienv zoux horpc nyei jauv mingh.
-
22 Maiv duqv caangh laangh ndaangc, daav nyei za'eix zoux maiv cuotv aqv,
- mv baac maaih caangh laangh nyei mienh camv, ziouc zoux duqv cuotv.
-
23 Dau duqv mienh horpc ziouc haiz njien-youh nyei,
- gorngv duqv joux waac horpc ziangh hoc za'gengh longx haic.
-
24 Cong-mengh mienh yangh ziangh maengc nyei jauv faaux,
- weic tengx ninh simv nqoi njiec ga'ndiev yiemh gen.
-
25 Ziouv
caeqv zoux maux mienh nyei biauv,
- mv baac liepc wuonv auv-guaav nyei deic-jaaix.
-
26 Ziouv
youx haic orqv mienh hnamv nyei sic,
- mv baac Ziouv
a'hneiv haic cing-nzengc mienh gorngv nyei waac.
-
27 Haaix dauh mauv duqv maiv baengh fim nyei leic ziouc bun ninh nyei biauv zong mienh zuqc kouv,
- mv baac haaix dauh nzorng nyaanh hmuangx nyei sic ziouc duqv maengc ziangh.
-
28 Kuv mienh nyei hnyouv hnamv ziangx hnangv haaix nor dau,
- mv baac orqv mienh nyei nzuih kungx gorngv cuotv orqv
- nyei waac.
-
29 Ziouv
leih orqv mienh go,
- mv baac ninh muangx haiz kuv mienh nyei waac.
-
30 M'zing njang bun mienh nyei hnyouv a'hneiv,
- kuv fienx yaac bun mbungv nyiemz.
-
31 Haaix dauh baeng m'normh muangx bun mienh duqv maengc ziangh nyei gorngv-hemx waac,
- wuov dauh ziouc yiem cong-mengh mienh mbu'ndongx.
-
32 Haaix dauh maiv kangv muangx njaaux nyei waac ziouc mangc piex ninh ganh,
- mv baac haaix dauh a'hneiv muangx kuinx nyei waac ziouc duqv bieqc hnyouv aqv.
-
33 Taaih Ziouv
ziouc njaaux mienh maaih cong-mengh.
- Oix zuqc nyiemc ganh zoux faix cingx daaih haih duqv mienh taaih.
