Yopv Huotv Maiv Lamh Longc Nyei Die

• ¹ “Mv baac gauh lunx yie wuov deix mienh jatv yie.
• Naaiv deix mienh nyei die yie buatc maiv zic duqv
• caux zuov yie nyei ba'gi yungh guanh nyei juv yiem.
• ² Ninh mbuo nyei buoz nyei qaqv haih tengx haaix nyungc yie?
• Ninh mbuo nyei qaqv-leqc nzengc mi'aqv.
• ³ Laaix jomc kouv yaac ngorc,
• lungh muonz zanc yiem ndau-huaang
• ninh mbuo nyanc miev-nzungh nqaai.
• ⁴ Ninh mbuo gaeqv yiem deic-bung-huaang nyei ndiangx-normh,
• caux maiv maaih mueix nyei ndiangx-nzungh zoux nyanc hopv. * Fai zoux zaangh.
• ⁵ Ninh mbuo yiem mienh mbu'ndongx zuqc zunc cuotv,
• mienh heuc jienv zunc hnangv zunc janx-zaqc nor.
• ⁶ Ninh mbuo zuqc yiem ndoqv-zuonx nqaai
• yaac yiem ndau-kuotv caux mbaengx-ngaamh.
• ⁷ Ninh mbuo yiem ndau-huaang hnangv hieh zoih nor heuc,
• yaac mbengx jienv yiem ndiangx-dorn-fomv ga'ndiev.
• ⁸ Ninh mbuo benx yietc guanh maiv lamh longc nyei haac horngh mienh,
• zuqc biaav-bin mborqv zunc cuotv deic-bung.

Yopv Gorngv Mengh Huotv Ninh Wuov Deix Hnangv Haaix Nor Zoux Bun Ninh

• ⁹ “Ih zanc naaiv deix mienh dorh yie benx nzung baaux,
• yaac dorh yie benx gouv gorngv.
• ¹⁰ Ninh mbuo youx yie, simv yie go,
• yietv buatc yie ziouc tuiv wuom-nzuih naetv yie.
• ¹¹ Weic zuqc Tin-Hungh bun yie mau, * Hipv^lu waac gorngv jaiv yie nyei hlaang fai “bun yie nyei juang-zinx nyei hlaang ndanh”. tengx maiv duqv ganh,
• ninh mbuo ziouc dorng jienv yie sueih eix zoux.
• ¹² Naaiv deix ceux lunc nyei mienh yiem yie nyei mbiaauc maengx jiez daaih,
• ninh mbuo fongv yie * Hipv^lu waac gorngv yie nyei zaux. cuotv mingh.
• Ninh mbuo liuc leiz jauv mietc yie.
• ¹³ Ninh mbuo bun yie biaux nyei jauv dangx,
• aengx jaa zeqc naanc bun yie,
• yaac maiv maaih haaix dauh dangv ninh mbuo.
• ¹⁴ Ninh mbuo ndutc ndutc nyei daaih hnangv bieqc zingh laatc tong nyei dorngx.
• Yiem baaic waaic nyei dorngx ninh mbuo wuz-wuz nyei daaih.
• ¹⁵ Gamh nziex haic nyei sic hoic yie kouv haic,
• yie nyei njang-laangc jiex hnangv nziaaux buonc mingh nor,
• yie nyei fuqv-loqc yaac hnangv mbuonx jiex mi'aqv.

Yopv Gorngv Tin-Hungh
Maiv Muangx Ninh Heuc Nyei Waac

• ¹⁶ “Ih zanc yie nyei hnyouv za'gengh kouv haic,
• zuqc kouv nyei hnoi-nyieqc zorqv jienv yie.
• ¹⁷ Lungh muonz zanc yie nyei mbungv hlam,
• nziuv-nziuv nyei mun yaac maiv maaih ziangh hoc dingh.
• ¹⁸ Tin-Hungh nyei domh qaqv dorngx hnangv yie nyei lui, * Ziux faan benx Gikc waac gorngv “Tin-Hungh nyau yie nyei lui”.
• aengx hnangv lui-jaang nor naeqc jienv yie.
• ¹⁹ Tin-Hungh zorqv yie zoi njiec wuom-bamc ndorngh,
• yie ziouc benx nie-mbung caux saaiv mi'aqv.
• ²⁰ “Tin-Hungh aac, yie heuc jienv meih, meih yaac maiv dau yie,
• yie souv jiez daaih, meih kungx bungx m'zing mangc hnangv.
• ²¹ Meih tiuv hnyouv zoux doqc yie,
• longc meih henv haic nyei buoz zeix yie.
• ²² Meih bouh yie faaux yiem nziaaux gu'nguaaic,
• bun yie geh jienv nziaaux mingh,
• meih bun yie yiem domh nziaaux zuqc mbeu mingh mbeu daaih.
• ²³ Yie hiuv duqv meih dorh yie mingh zuqc daic,
• se taux dingc ziangx dauh dauh ziangh jienv nyei mienh oix zuqc mingh nyei dorngx.
• ²⁴ “Mv baac mienh yiem baaic waaic nyei ga'naaiv-ndui sung buoz,
• yaac yiem ninh zuqc nyei zeqc naanc heuc jienv tov tengx maiv zeiz? * Naaiv yiemc nyei Hipv^lu waac se maiv mengh.
• ²⁵ Mienh ndortv naanc nyei ziangh hoc yie maiv zeiz weic ninh mbuo nyiemv fai?
• Yie nyei hnyouv maiv zeiz weic mienh jomc mienh nzauh fai?
• ²⁶ Yie hnamv jienv oix duqv longx mv baac duqv ciouv.
• Yie zuov jienv njang mv baac hmuangx daaih taux.

Yopv Heuc Tov Tengx Mv Baac
Maiv Maaih Haaix Dauh Tengx

• ²⁷ Yie nyei hnyouv faan-fei lunc,
  maiv dingh yietc dangh,
• kouv naanc nyei hnoi-nyieqc morh jienv yie yiem.
• ²⁸ Yie nzauh, hmien hmuangx
  yaac maiv maaih nyutc ziux,
• yie souv jienv gapv zunv nyei wuic, heuc jienv tov tengx.
• ²⁹ Yie caux hieh juv benx muoz-doic,
• yaac caux norqc lorh torh zoux doic.
• ³⁰ Yie nyei ndopv jieqv yaac nqorqv mi'aqv,
• yie nyei mbungv jorm hnangv douz buov nor.
• ³¹ Weic naaiv yie nyei daanh baah nyei qiex tiuv benx nzauh nyei qiex.
• Yie nyei hlauv-ndongh nux nyei qiex tiuv benx mienh nyiemv nyei qiex.