Yopv Sux
Nqa'haav Laai Wuov Nzunc Waac

Yopv Jangx Zuqc Ninh Zinh Ndaangc
Kuh Yiem Nyei Ziangh Hoc

¹ Yopv aengx borqv jienv gorngv ninh nyei jauv-louc. Ninh gorngv,

• ² “O feix duqv yie nyei maengc haih nzuonx daaih hnangv zinh ndaangc nyei hlaax-nyieqc,
• hnangv Tin-Hungh goux jienv yie wuov deix hnoi.
• ³ Wuov zanc ninh nyei dang ziux jienv yie nyei m'nqorngv gu'nguaaic,
• ninh nyei njang ziux yie yangh hmuangx nyei dorngx.
• ⁴ Wuov zanc yie lunx, henv nyei ziangh hoc,
• Tin-Hungh zoux yie nyei doic yaac beu jienv yie nyei ndopv-liuh.
• ⁵ Nernh Jiex Wuov Dauh corc caux yie yiem,
• yie nyei naamh nyouz yaac weih gormx yie.
• ⁶ Yie yangh nyei jauv zungv maaih ngongh nyorx nzaaux zaux,
• la'bieiv yaac weic yie liouc cuotv ga'lanv youh hnangv ndoqv nor.
• ⁷ “Yie cuotv taux zingh gaengh nyei ziangh hoc,
• yiem domh zuangx zaamc zueiz jienv yie nyei weic,
• ⁸ mienh lunx mienh buatc yie ziouc simv nqoi,
• mienh gox mienh souv jiez daaih.
• ⁹ Baeqc fingx nyei bieiv zeiv
  maiv ko lo,
• longc buoz buang jienv ganh nyei nzuih. * Ninh mbuo hnangv naaiv buang jienv nzuih weic bun zoux hlo nyei mienh zieqv duqv ninh mbuo sekv nzieqc, weic zuqc ninh mbuo taaih ninh, oix muangx ninh gorngv nyei waac.
• ¹⁰ Maaih mengh dauh nyei mienh yaac sekv nzieqc nyei,
• ninh mbuo nqapc jienv nzuih, maiv ko lo. * Faan zaqc Hipv^lu waac gorngv “ninh mbuo nyei mbietc naetv jienv nzuih dungz.” Eix leiz se ninh mbuo maiv gorngv waac.

Yopv Jangx Zuqc Ninh Baengh Fim Nyei Zoux Bun Zuqc Zeix Nyei Mienh

• ¹¹ “Da'faanh m'normh haiz nyei mienh, ninh mbuo gorngv yie maaih orn-lorqc,
• m'zing buatc wuov deix yaac taaih yie,
• ¹² weic zuqc yie tengx heuc jienv tov nyei mienh jomc mienh
• caux maiv maaih mienh tengx nyei guh hanh fu'jueiv.
• ¹³ Aav lamh zuqc mietc nyei mienh buang waac bun yie,
• yie yaac bun auv-guaav nyei hnyouv duqv njien-youh nyei baaux nzung.
• ¹⁴ Yie longc zoux horpc nyei jauv dorngx lui zuqv,
• yie zoux baengh fim nyei sic dorngx domh lui-ndaauv caux m'nqorngv-beu.
• ¹⁵ Yie zoux m'zing maengh mienh nyei m'zing,
• yaac zoux zaux mbai mienh nyei zaux.
• ¹⁶ Yie dorngx mienh jomc mienh nyei die,
• yaac tengx dongh yie maiv hiuv nyei mienh mbenc ninh mbuo nyei sic.
• ¹⁷ Yie mborqv nauv mienh waaic mienh nyei nyaah ngau,
• yaac aapv ninh bungx guangc nyaah ngaatc jienv nyei ga'naaiv.

Yopv Jangx Zuqc Zinh Ndaangc
Mienh Ndongc Haaix Taaih Ninh

• ¹⁸ “Wuov zanc yie hnamv, ‘Yie duqv yiem yie ganh nyei biauv * Faan zaqc gorngv lauz. daic,
• aengx jaa yie nyei hnoi-nyieqc ndongc saa-ziou camv.
• ¹⁹ Yie hnangv diuh ndiangx maaih nzungh ndaauv jienv mingh taux wuom,
• yaac maaih mbiungc-suiv ziangh muonz yiem yie nyei nquaah.
• ²⁰ Mienh zanc-zanc taaih yie,
• yie nyei qaqv yaac zanc-zanc henv, maiv tuix.’ * Faan zaqc naaiv yiemc gorngv “Yie nyei njang-laangc zanc-zanc nyiemz, yiem yie nyei buoz nyei juang-zinx zanc-zanc siang”.
• ²¹ “Mienh muangx yie yaac zuov jienv,
• sekv nzieqc nyei muangx yie caangh laangh nyei waac.
• ²² Yie gorngv liuz ninh mbuo maiv ko lo,
• yie nyei waac hnangv mbiungc-suiv * Hipv^lu waac maiv maaih mbiungc-suiv wuov joux waac mv baac ziex buonv sou faan daaih an. nor, ndiepv ninh mbuo.
• ²³ Ninh mbuo zuov yie hnangv zuov mbiungc,
• yaac morngx nqoi nzuih hnangv zuov cun-gen mbiungc.
• ²⁴ Ninh mbuo hnyouv mau nyei ziangh hoc, yie zoux hmien njang nyei jatv.
• Ninh mbuo buatc yie nyei hmien njang, jatv, ziouc tengx ninh mbuo maiv nzauh. * Naaiv liouz nyei Hipv^lu waac se aqc duqv zorqv ninh nyei eix leiz.
• ²⁵ Yie zoux * Hipv^lu waac gorngv zueiz. ninh mbuo nyei bieiv zeiv, yaac ginv jauv bun ninh mbuo yangh.
• Yie hnangv hungh diex yiem ninh nyei jun-baeng guanh mbu'ndongx,
• yaac hnangv dauh orn hnyouv nyei mienh orn nzauh nyiemv nyei mienh nyei hnyouv.