¹ Tin-Hungh gorngv,

• “Koiv-nzou aac, * Fai “koiv-hlen nyei deic-bung”. oix zuqc yiem yie nyei nza'hmien sekv nzieqc,
• oix zuqc bun maanc fingx duqv siang-qaqv henv jiez daaih.
• Bun ninh mbuo daaih fatv yaac bun ninh mbuo gorngv,
• bun mbuo daaih zunv lomh nzoih zuqc siemv dingc.
• ² “Haaix dauh yuoqc dauh mienh * Maaih deix sou gorngv duqv hingh nyei mienh. Beiv mangc I^saa^yaa 45:1 . yiem dong bung daaih?
• Da'faanh ninh nyei zaux caaiv nyei dorngx ninh duqv hingh nzengc. * Fai “se heuc wuov dauh daaih baengh fim nyei fu-sux ninh?”
• Ziouv zorqv ziex guoqv jiu bun ninh,
• bun ninh gunv ziex dauh hungh diex. * Faan zaqc gorngv “ninh caaiv hungh diex njiec yiem ninh nyei zaux-ndiev”.
• Ninh longc ninh nyei nzuqc ndaauv daix ninh mbuo, bun ninh mbuo benx nie-mbung,
• yaac longc ninh nyei juang-zinx bun ninh mbuo hnangv zuqc nziaaux buonc nyei mbiauh nqaauv.
• ³ Ninh zunc ninh mbuo mingh yaac baengh orn nyei jiex ninh mbuo,
• yangh ninh nyei zaux maiv caaiv jiex nyei jauv.
• ⁴ Haaix dauh zoux naaiv deix sic yaac zoux duqv cuotv,
• yiem dongh cor heuc doic jiex doic cuotv daaih?
• Yie, Ziouv, yiem gorn,
• taux setv mueiz yie yaac yiem nyei.
• Yie se dongh wuov dauh aqv.”
• ⁵ Koiv-nzou nyei mienh * Fai koiv-hlen nyei mienh. duqv buatc ziouc gamh nziex,
• jomc lungh ndiev nyei mienh sin zinx.
• Ninh mbuo bieqc daaih fatv,
• ⁶ gorqv-mienh tengx gorqv-mienh nyei juangc laangz mienh
• yaac gorngv mbuox ninh nyei gorx-youz, “Oix zuqc zungx daamv.”
• ⁷ Ndiangx-zaangc kuinx jiem-zaangc.
• Longc zueih daav yuonh nyei mienh ceng hornc nyei mienh.
• Gorngv, “Hornc duqv yaauc haic.”
• Ninh aengx longc ding ding jienv bun miuc-fangx maiv haih king.
• ⁸ “Mv baac meih, I^saa^laa^en, se yie nyei bou,
• Yaakopv, dongh yie ginv daaih wuov dauh,
• yie nyei loz-gaeng doic, Apc^laa^ham nyei zeiv-fun, * 2 Zunh Doic Douh 20:7 ; Yaagorpc 2:23
• ⁹ Yie yiem lungh gorn zorqv meih,
• yaac yiem ndau-beih go jiex nyei dorngx heuc meih daaih.
• Yie gorngv, ‘Meih zoux yie nyei bou.’
• Yie ginv meih daaih yaac maiv guangc meih.
• ¹⁰ Maiv dungx gamh nziex. Yie caux meih yiem.
• Maiv dungx hnyouv namx weic zuqc yie zoux meih nyei Tin-Hungh.
• Yie oix bun meih henv yaac oix tengx meih.
• Yie oix longc yie baengh fim nyei mbiaauc jieqv buoz baav jienv meih.
• ¹¹ “Da'faanh nouz meih wuov deix mienh
• zungv oix zuqc nyaiv, zuqc baaic hmien.
• Ngaengc meih wuov deix,
• oix zuqc baaic, zuqc mietc.
• ¹² Maiv gunv meih lorz caux meih doix-dekc nyei mienh,
• meih lorz yaac lorz maiv buatc.
• Caux meih mborqv jaax wuov deix
• oix jiex nzengc, zuqc baaic mi'aqv.
• ¹³ Weic zuqc yie, Ziouv, meih nyei Tin-Hungh,
• nanv meih nyei mbiaauc jieqv buoz.
• Se dongh yie gorngv mbuox meih, maiv dungx gamh nziex,
• yie oix tengx meih.
• ¹⁴ O Yaakopv aac, meih hnangv gaeng-mau maiv henv,
• maiv dungx gamh nziex.
• O I^saa^laa^en aac, meih faix.
• Yie ganh oix tengx meih.”
• Naaiv se Ziouv gorngv,
• dongh Zuoqc Meih Wuov Dauh,
• se I^saa^laa^en nyei Cing-Nzengc Tin-Hungh.
• ¹⁵ “Mangc maah! Yie oix bun meih benx mborqv mbiauh nyei jaa-sic,
• siang nyei, laic nyei, maaih nyaah nyei.
• Meih oix mborqv mbong mbaang muonc nzengc,
• yaac zoux bun mbong-aiv hnangv mbieqv nor.
• ¹⁶ Meih oix nyomx ninh mbuo.
• Nziaaux ziouc buonc ninh mbuo mingh.
• Nziaaux-zunc oix buonc ninh mbuo faatv nzaanx.
• Mv baac meih oix kaux Ziouv duqv njien-youh.
• Meih oix ceng I^saa^laa^en nyei Cing-Nzengc Tin-Hungh.
• ¹⁷ “Mienh jomc mienh caux dangx-donx nyei mienh lorz wuom,
• yaac maiv maaih.
• Ninh mbuo jaang nqaatv,
• mbietc mborngx nqaai,
• mv baac yie, Ziouv, oix dau ninh mbuo.
• Yie, I^saa^laa^en nyei Tin-Hungh, maiv guangc ninh mbuo.
• ¹⁸ Yie oix yiem ndau-hlang njang nyei dorngx bun ndaaih cuotv,
• bun yiem horngz gu'nyuoz maaih wuom-zingv.
• Yie oix bun deic-bung-haanz benx wuom-njaangh,
• bun ndau-nqaai benx wuom-zingv.
• ¹⁹ Yie oix yiem deic-bung-huaang
• zuangx si^ndaa zongh ndiangx, da'suqv ndiangx, faan ziqc liouh ndiangx * Beiv mangc Ne^haa^mi 8:15 . caux ga'lanv ndiangx.
• Yie oix yiem deic-bung-haanz
• zuangx buo kuaaiv normh nyei zongh, aengx caux i nyungc zongh ndiangx,
• ²⁰ weic bun mienh buatc ziouc hiuv,
• se bun ninh mbuo hnamv longx yaac mengh baeqc,
• se Ziouv nyei buoz hnangv naaiv nor zoux,
• se I^saa^laa^en nyei Cing-Nzengc Tin-Hungh zeix cuotv daaih.”

Jaav Zienh Maiv Lamh Longc

• ²¹ Ziouv gorngv,
• “Dorh meih mbuo gox nyei sic daaih gorngv maah!”
• Yaakopv nyei Hungh Diex gorngv,
• “Meih mbuo oix nzaeng hingh nyei leiz gunv daaih gorngv aqv.
• ²² Gunv dorh daaih mbuox yie mbuo
• oix maaih haaix nyungc sic cuotv.
• Jiex daaih nyei sic oix zuqc mbuox yie mbuo
• weic bun yie mbuo zaah mangc
• ziouc hiuv duqv naaiv deix sic nyei setv mueiz oix hnangv haaix nor.
• ²³ Gorngv bun yie mbuo muangx weic bun yie mbuo hiuv duqv
• hoz nqaang oix maaih haaix nyungc sic cuotv.
• Yie mbuo ziouc haih hiuv duqv meih mbuo se zienh.
• Zoux kuv sic fai zoux orqv sic
• weic bun yie mbuo nzauh yaac gamh nziex.
• ²⁴ Mangc maah! Meih mbuo se za'gengh maiv lamh longc.
• Meih mbuo nyei gong yaac zoux maiv cuotv haaix nyungc.
• Ginv meih mbuo wuov dauh se gamh nziev haic.
• ²⁵ “Yie yiem baqv bung ginv dauh mienh daaih,
• ninh yiem mba'hnoi cuotv bung heuc yie nyei mbuox.
• Ninh oix caaiv jienv gunv nyei mienh
• hnangv ninh mbuo zoux wuom-bamc,
• hnangv nanv nie-mor nyei mienh caaiv ba'naih nie.
• ²⁶ Haaix dauh yiem gorn gorngv naaiv deix sic, weic bun yie mbuo hiuv,
• fai jaa-ndaangc mbuox, yie mbuo cingx daaih haih gorngv, ‘Gorngv duqv zuqc nyei’?
• Maiv maaih haaix dauh mbuox yie mbuo hiuv duqv naaiv deix sic,
• maiv maaih haaix dauh jaa-ndaangc gorngv.
• Maiv maaih haaix dauh haiz meih mbuo gorngv haaix nyungc.
• ²⁷ Yie zoux daauh dauh gorngv mbuox Si^on, ‘Mangc maah! Ninh mbuo yiem naaiv.’
• Yie paaiv dauh douc kuv fienx nyei mienh mingh Ye^lu^saa^lem.
• ²⁸ Yie mangc nyei ziangh hoc maiv maaih mienh.
• Yie mangc mv baac yiem ninh mbuo mbu'ndongx maiv maaih caangh laangh nyei mienh.
• Yie naaic yaac maiv maaih haaix dauh dau.
• ²⁹ Mangc maah! Ninh mbuo yietc zungv maiv lamh longc.
• Ninh mbuo zoux nyei jauv yaac maiv lamh longc.
• Ninh mbuo dox daaih nyei miuc-fangx hnangv kungx-nziaaux nor.”