Tov I^saa^laa^en
Nzuonx Daaih Lorz Tin-Hungh

• ¹ O I^saa^laa^en Mienh aah!
• Nzuonx daaih lorz Ziouv,
• meih mbuo nyei Tin-Hungh,
• weic zuqc laaix meih mbuo nyei zuiz-nipc meih mbuo ndiqv zuqc ndorpc.
• ² Oix zuqc dorh jienv nyiemc zuiz nyei waac
• nzuonx daaih lorz Ziouv.
• Oix zuqc gorngv mbuox ninh,
• “Tov zorqv nqoi yie mbuo nyei yietc zungv zuiz,
• tov zipv longx yie mbuo, * Fai tov zipv longx nyei.
• Yie mbuo ziouc longc yie mbuo nyei waac fongc horc dorngx longc ngongh gouv ziec.
• ³ Atc^si^lie maiv haih njoux yie mbuo,
• yie mbuo maiv duqv geh maaz.
• Yie mbuo maiv aengx gorngv mbuox yie mbuo ganh nyei buoz zoux daaih nyei ga'naaiv,
• ‘Meih se yie mbuo nyei Tin-Hungh,’
• weic zuqc guh hanh fu'jueiv haih kaux Ziouv duqv ninh korv-lienh.”

Ziouv Laengz Bun I^saa^laa^en
Duqv Siang-Maengc

• ⁴ “Yie oix zorc ninh mbuo maiv ziepc zuoqv nyei jauv,
• yie oix longc nzengc hnyouv hnamv ninh mbuo,
• weic zuqc yie ga'qiex fiu, maiv qiex jiez ninh mbuo aqv.
• ⁵ Yie ziouc weic I^saa^laa^en hnangv mbiungc-suiv,
• ninh ziouc hnangv baeqc horqc biangh nqoi daaih.
• Ninh yaac njiec nzungh hnangv
  Le^mbaa^norn nyei si^ndaa zongh ndiangx. * Hipv^lu waac kungx gorngv Le^mbaa^norn hnangv.
• ⁶ Ninh nyei cunx oix hiaangx jienv mingh,
• ninh ziouc nzueic hnangv ga'lanv ndiangx,
• ninh yaac maaih ndaang nyei qiex hnangv Le^mbaa^norn nyei si^ndaa zongh ndiangx.
• ⁷ Ninh mbuo oix nzuonx daaih yiem jienv yie * Hipv^lu waac gorngv ninh. nyei dongh linh ga'ndiev.
• Ninh mbuo yaac duqv longx jienv faaux hnangv huingx. * Hipv^lu waac gorngv “ninh mbuo duqv zuangx mbiauh”.
• Ninh mbuo duqv nqoi biangh hnangv a'ngunc hmei,
• yaac maaih qiex ndaang hnangv Le^mbaa^norn nyei a'ngunc diuv.
• ⁸ O E^faa^im aac, yie caux miuc-fangx maaih haaix nyungc guen zuqc?
• Se yie * Hipv^lu waac gorngv ninh. ganh dau yaac goux jienv meih mbuo.
• Yie hnangv zanc-zanc nyiemz nyei zongh ndiangx, * Fai saibatc ndiangx.
• meih mbuo nyei fuqv * Hipv^lu waac gorngv biouv. yiem yie daaih.”

Setv Mueiz Waac

• ⁹ Haaix dauh maaih cong-mengh bun ninh bieqc hnyouv naaiv deix waac.
• Haaix dauh haih samx duqv cuotv, bun ninh hiuv duqv naaiv deix sic,
• weic zuqc Ziouv nyei jauv se horpc nyei.
• Kuv mienh yaac gan naaiv diuh jauv yangh,
• mv baac zuiz-mienh yiem naaiv diuh jauv ndiqv zuqc ndorpc.