Laaix Zoux Miuc-Fangx,
E^faa^im Nyei Njang-Laangc
Zitc Mi'aqv

• ¹ Zinh ndaangc E^faa^im gorngv waac, mienh sin zinx.
• Ninh yiem I^saa^laa^en duqv mienh taaih.
• Mv baac laaix ninh zaangc Mbaa^an zienh
• ninh baamz zuiz ziouc daic mi'aqv.
• ² Ih zanc ninh mbuo gunv zoux gunv baamz zuiz camv jienv faaux,
• yaac longc nyaanh ziux ganh nyei cong-mengh dox miuc-fangx,
• yietc zungv miuc-fangx se zaangc mienh zoux nyei gong.
• Ninh mbuo gorngv, “Fongc horc ziec bun naaiv deix maah!” * Naaiv douc nyei Hipv^lu waac se aqc duqv bieqc hnyouv nyei. Maaih deix faan daaih gorngv “Ninh mbuo longc mienh zoux ziec nyei ga'naaiv”.
• Mienh ziouc zom ngongh dorn.
• ³ Weic naaiv ninh mbuo ziouc hnangv lungh ndorm nziouv nyei mouc,
• fai hnangv mbiungc-suiv nziouv nyei nqaai mi'aqv,
• yaac hnangv yiem mborqv mbiauh ciangv nyei cuqv-maux zuqc nziaaux buonc nzaanx mingh,
• fai hnangv douz-sioux cuotv fong muonh.
• ⁴ “Yiem I^yipv cuotv daaih
• yie se Ziouv, meih mbuo nyei Tin-Hungh.
• Cuotv liuz yie, meih mbuo maiv hiuv ganh dauh Tin-Hungh.
• Cuotv liuz yie yaac maiv maaih ganh dauh Njoux Ziouv.
• ⁵ Se yie yiem deic-bung-huaang,
• yiem haanz nyei deic-bung yie goux * Hipv^lu waac gorngv hiuv duqv meih. meih mbuo. * Nzamc Leiz-Latc 8:11-17
• ⁶ Naaiv deix baeqc fingx ziux yie ceix nyei nyanc hopv * Hipv^lu waac gorngv “ziux ninh mbuo nyei miev-ciangv”. Maaih deix sou faan daaih gorngv “duqv liuz ninh mbuo ndau-touv longx nyei deic-bung”. duqv nyanc beuv.
• Ninh mbuo beuv, ninh mbuo ziouc hnyouv maux,
• yaac la'kuqv yie mi'aqv.
• ⁷ Yie ziouc doix ninh mbuo hnangv dauh sienh,
• yaac hnangv dauh nda'maauh mbeux yiem jauv-hlen zuov jienv.
• ⁸ Yie oix caa jienv ninh mbuo hnangv zuqc guangc dorn nyei jiepv-nyeiz,
• yie oix betv tong ninh mbuo nyei la'kuotv,
• yiem wuov yie ziouc hnangv sienh naqv ninh mbuo,
• yaac hnangv hieh zoih betv ninh mbuo.
• ⁹ “I^saa^laa^en aah! Yie oix mietc meih,
• haaix dauh haih tengx meih?
• ¹⁰ Dongh meih gorngv, ‘Tov liepc hungh diex caux jien bun yie,’ * 1 Saa^mu^en 8:5-6
  
• ih zanc meih nyei hungh caux yiem meih mbuo nyei yietc zungv zingh nyei jien yiem haaix?
• Bun ninh mbuo yiem meih nyei zingh njoux meih maah!
• ¹¹ Yie qiex jiez jienv zorqv hungh bun meih, * 1 Saa^mu^en 10:17-24
• aengx nouz jienv zorqv hungh mingh. * 1 Saa^mu^en 15:26
• ¹² E^faa^im nyei zuiz-nipc fiev * Maaih deix sou faan daaih gorngv beu. jienv aqv,
• ninh nyei zuiz yaac siou jienv.
• ¹³ Ninh hiuv duqv ninh nyei maa mun gu'nguaaz oix yungz ninh,
• mv baac ninh se maiv cong-mengh nyei dorn,
• weic zuqc taux yungz nyei ziangh hoc
• ninh maiv kangv cuotv seix.
• ¹⁴ Yie horpc zuqc zuoqc ninh mbuo leih ndutv yiemh gen nyei qaqv fai?
• Yie horpc zuqc zuoqc ninh mbuo biaux ndutv zuqc daic nyei qaqv fai?
• O zuqc daic nyei qaqv aah! Meih nyei zeqc naanc yiem haaix?
• O yiemh gen aah! Meih baaic mietc nyei qaqv yiem haaix? * 1 Ko^lin^to 15:55
  
• “Yiem yie nyei nza'hmien se hnangv buang jienv,
• maiv maaih yietc deix korv-lienh mienh nyei jauv.
• ¹⁵ Maiv gunv ninh yiem gorx-youz mbu'ndongx * Maaih deix sou gorngv luoqc diqc lomc mbu'ndongx. hiaangx,
• dong bung maengx nyei nziaaux, se Ziouv nyei nziaaux, oix daaih,
• oix yiem deic-bung huaang cuotv daaih.
• Ninh nyei wuom-zingv oix nqaai mingh,
• ninh nyei wuom-nyuonh yaac mborngx nqaai nyei.
• Ninh siou zinh zoih nyei dorngx oix zuqc win-wangv luv nzengc,
• zorqv nzengc yietc zungv jaaix nyei ga'naaiv.
• ¹⁶ Saa^maa^lie Mienh oix zuqc weic ganh nyei zuiz ndaam-dorng,
• weic zuqc ninh mbuo ngaengc ninh mbuo nyei Tin-Hungh.
• Ninh mbuo zungv oix zuqc nzuqc ndaauv daix,
• ninh mbuo nyei fu'jueiv-faix zuqc zong njiec ndau daic,
• maaih jienv sin nyei m'sieqv dorn nyei ga'sie yaac zuqc betv tong.